Bliathek 1:7 - Iwo Surua Mua Wie Pha Bible

⁷ Isu è ithek shii yao, “Ji pha inai ne gu Aphuii awai riichai è dashab rek ne ruiijong ro, ji-è, ji pha inai ne khuchung thog ruii phane nathek ne athieg chid phro.

Bliathek 1:7 ပူးပေါင်းရင်းမြစ်များ

Methiu 20:23

Isu è ithek shii yao, “Zai nathek de guro gog duhug ji ne nyaniing mua phro,” “Jimagunde gu ne nasa shii guro phazoi nane phawig shii dug yi pha ji ne rangsua oi ro. Hì pha ithua ne guro Aphuii è hanyie shii saro phi jithek ro ro.”

Methiu 24:36

“Hanyie è de athieg phro, khi-èrek ne, khuchung inai nane ishak thog ruii—Hamangkhliie de athieg dinne Dufuii è de athieg mua phro, Aphuii ji jia è thieg bie ro.

Marg 10:40

Jishii, nasa shii gu phawig chiih-è phazoi hà dug yi pha rangsua ne gu shii oi ro. Hì pha ithua ne Hamangkhung-aphuii è hanyie shii rab ne ruii phi pha ji shii phi ruii phro.

Marg 13:32

“Jishii hì pha inai chiih-è ishak thog pha ji ne hanyie de athieg mua phro Hamangkhliiethek de chiih-è Dufuii de athieg mua phro; ji pha inai thog ruii pha ne Hamangkhung-aphuii awai è thieg bie ro.

LUG ro Muawie 21:24

Giak shii ne khamriie è ua muii phro, chiih-è giak shii ne zum srane phatheg hà chab ne zab pha soh hà noh dun phro; chiih-è nathek ishak athog sapho shii ne Jerusalem hà Hamangkhung-aphuii shii athieg pha branthek lai iliing hà ruii muii phro.

Bliathek 17:26

Ai è bran jia è zab branthek shii sohnyiak khungthek shii sieng ne rai yi pha rab phi. Awai è ibi shii ishak nane khi hà rai pha ithuathek ne khriig rab ne ruiijong ro.

Iphisithek 1:10

Hì pha phak ne Hamangkhung-aphuii è zab rek pha khriig ishak thok mage shii, zab hamangkhung pha nane zab sohnyiak pha rab pha ji shii ò jia shii yie pha, ai rog shii ne Masi ne khrug ro.

1 Thimothi 6:15

Airo khia pha ji ne khirzeyley pha Hamangkhung-aphuii nane khopho jia bie pha chiih-è Saja pha sajathek chiih-è Ithong pha Ithongthek è khriig ishak shii yie ruii phro.

2 Thimothi 3:1

Now bo iidohè pha inaithek shii diig pha ishak um ruii phro.