2 Khorinthek 9:11 - Iwo Surua Mua Wie Pha Bible

¹¹ Ai è nathek shii ne bohkhoh rab srane idang nathek shii ne sang ne rai yi, jiè bajo branthek ne nathek ro lasen gathek è mua pha ji shii ne yie srane Hamangkhung-aphuii shii laso phi.

2 Khorinthek 9:11 ပူးပေါင်းရင်းမြစ်များ

Methiu 20:15

Gu ne gui bang ji shii gui è nyie rek yang pha ji rek pha ne rangsua asi bey? Din ne gu è zab shii ò rek pha ji è nathek ne miegriie rek ne bey?”

Methiu 25:17

Ji duiine khiao hanyie è itham nyi sikhi mua pha ji itham nyi wiangphi.

Romanthek 12:8

hì ne gaishii lububo rek phi pha arone, gethek ne rek chid phro. Hanyie magunde gai rog shii thang pho ne khriig pha thang bo, hanyie rangsua um pho ne snak rek bo. Hanyie magunde bushun rek pho ne sang ne rek bo.

1 Khorinthek 1:5

Nathek Masi rog shii ò um pha ji è nathek ne zab pha muna, chiih-è ne zab pha yao pha nane zab khani shii bohkhoh rey ruii phro.

2 Khorinthek 1:11

nathek è gathek shii nong phi pha gathek shii sia phi pha miyaosiu ro. Ji-è gathek shii sia pha bajo sia ji ne chang ruii phro, chiih-è Hamangkhung-aphuii ne gethek shii khirzey phi ruii phro, chiih-è bajo thek ne awaithek ro goh ne aishii ziak ruii ne aishii laso phi ruii phro.

2 Khorinthek 4:15

Hì ne zab ne nathek chiang shii ro; chiih-è Hamangkhung-aphuii ro bushun ne muna è muna branthek shii thog pha duiine, ithek ne Hamangkhung-aphuii ro biisiie shii ne dinne de laso pha misiathek phi ruii phro.

2 Khorinthek 8:16

Gathek è nathek shii nong phi pha duiine Thaidas shii yang ne rab pha Hamangkhung-aphuii shii laso phi!

2 Khorinthek 8:19

Ji è de, aishii ne guajong chiih-è Ithong ro biisiie chiang è hì pha blia pha miie ne gethek è han pha duiine gethek rog shii lua pha nane charchthek è bow jong ro.

2 Khorinthek 9:12

Hì pha blia nathek mirek hì ne Hamangkhung-aphuii pha bran è chid pha ji shii phi bie pha asi pha, jishii hì ne Hamangkhung-aphuii shii leyphrid ne laso phi pha mua.