2 Khorinthek 8:7 - Iwo Surua Mua Wie Pha Bible

⁷ Migi shii, miyao shii, chiih-è khani shii, nong phi pha nathek ro yang chiih-è nathek ro miie gathek shii um pha ji ne zab bajo bohkhoh ro. Ji-è gu nathek shii hì pha miie pha blia shii lubu hong boh ne yang ro.

2 Khorinthek 8:7 ပူးပေါင်းရင်းမြစ်များ

Methiu 25:22

Chiihphado khiao hanyie shii itham nyi sikhi phi pha ji è wuii srane yao, na è gushii itham nyi sikhi phi, masdo. Riig bo! Ichiih pha yo itham nyi sikhi ji gu wiang ro.

Romanthek 15:14

Gu khuiinothek nane bumuiithek wo: gu è gui shii than izai nathek de zab ley wie è, nathek shii de zab khani um bo, chiih-è nathek de gaishii yua mua bo.

1 Khorinthek 1:5

Nathek Masi rog shii ò um pha ji è nathek ne zab pha muna, chiih-è ne zab pha yao pha nane zab khani shii bohkhoh rey ruii phro.

1 Khorinthek 12:13

Hì duiine, zab gethek ne, Jewthek chiih-è Gaibranthek magungde, khiao magunde ichad nede, chiih-è Ragung ò pha siu jia shii khowo yie, chiih-è gethek zab Ragung jia è niing pha phi.

1 Khorinthek 12:8

Ragung è bran jia shii ley khani pha mua phi, chiih-è ò Ragung ji è gai bran shii de ìd pha ley khani um pha mua ji phi.

1 Khorinthek 13:2

Gu shii liingsed pha yua pha lasen um magungde; chiih-è zab pha khani um magungde chiih-è ug pha ji zab thieg magungde; chiih-è gu shii phiing shii lua yi pha migi um magungde jishii gu shii miie oi arone, gu ne nyie de oi ro.

1 Khorinthek 13:8

Miie ne idang pha ro. Ji shii ne liingsed pha muathek um, jithek ne thaluii ro; gai nyuakthek yao pha lasen hèg um magungde, jishii ithek ne jongdun; thieg pha khani um magungde, jishii jine san dun phro.

1 Khorinthek 14:12

Nathek è Ragung pha lasen um bo è now pha ji è, nyie yi charch shii rung pha nong phi pha ithek ne zab pha lakhung shii bow rab phi pha bidiang bo.

1 Khorinthek 4:7

Hanyie è na shii gaithek è de boh rab phlei? Nashii nyie um pha ji ne Hamangkhung-aphuii è phi pha ji asi bey? Wie, na shii um pha lasen ji asi arone nyie khi-èrek ne nyigodog rek mua phlei?

2 Khorinthek 7:7

Hì ne ai wuii ruii phrone gathek sang bie pha asi ro, jishii nathek è aishii lububo rek phi pha phosro ji è sang. Ai è gathek shii yao, na ne gu shii khama riig yang, na lubu shii ne khama diig um, na ne gu shii ragia rek pha saro khama saro ara ro; chiih-è gu ne ji è de muna sang ro.

2 Khorinthek 8:6

Ji-è hanyie è hì pha blia shii jao pha Thaidas shii gathek è khung, hì pha miie pha wie blia shii zab rek ne na shii nong phi ne wiwi rek yi.

2 Khorinthek 9:14

Chiih-è ithek ro bajo jam miie pha misia ne nathek shii sia phi, nyieliieshii Hamangkhung-aphuii ro bajoboh bushun ne nathek shii doh yi.

2 Khorinthek 9:8

Chiih-è Hamangkhung-aphuii ne na è chid pha ji è de bajo phi mua, jiè nathek shii ne idang nathek michid jine nawaithek shii um ro chiih-è wie blia pha ji de zab cho ruii phro.

Iphisithek 4:29

Awie pha rey pha miyaogamthek ayao rabo, jimagungde ji è ne wie rey ne chiih-è nyie chiid pha ji phi pha ji shii rab pha miyaogamthek yao bie bo. Ji-è nathek nyie yao pha ji ne nathek shii nuiiphothek shii wie rey yi bo.

Philiphithek 1:11

Hamangkhung-aphuii ro chiong nane biisiie chiang pha nathek ro chaithek ne wie pha ichuathek nyie yi Isu è rek mua bie pha ji è zan ro.

Philiphithek 1:9

Gu ne sia nathek ro miie ne ò rog shii izai khani nane isiie chua ne muna è muna rey ruii ne,

2 Thesalonithek 1:3

Gathek ro khuiinothek nane bumuiithek, gathek ne nathek chiang shii idang Hamangkhung-aphuii shii laso phi. Hì ne gathek shii rek chid pha rangsua ro, nyieliieshii nathek ro migi ne muna boh rey ne chiih-è nawaithek chung miie rai pha ji ne boh rey din ramuii ro.

2 Thimothi 2:1

Gu dufuii, na shii, Masi Isu rog shii gethek ro ò bushun ji è gang rek bo.

Hebriuthek 12:28

Chiihphado, cho gethek ne lasothek phi haro, nyieliieshii gethek ne sajathua asham muii pha ji shii choi ge ro. Cho gethek ne laso phi ne chiih-è ilab nane rum srane aishii sang yi lumuii ji è Hamangkhung-aphuii shii misiasia;

1 Phithar 1:22

Thuh shii nathek ro nuii pha zai è nathek ne nawaithek shii igang rek ne chiih-è gai migiphothek shii isiie è miie bo. Nawaithek lubu rog shii wiang ne nawaithek chung miie rai bo.

2 Phithar 3:18

Jishii gethek ro Ithong nane Ragia Isu Masi ro bushun nane khani shii idang sey bo. Biisiie ne, thuh chiih-è idang airo ro! Amen.

Dong 3:17

Nathek ne yao, ‘gu chid pha jine gu shii um, gu ne bajo bukho nane gu ne nyie de achid sha ro.’ Jishii nathek ne khama duhug nane bushunma-èogpho rone athieg ro! Nathek ne dusho, ikhilen, chiih-è miegthi ro.