2 Khorinthek 8:21 - Iwo Surua Mua Wie Pha Bible

²¹ Gethek ro blia ne Ithong mieg shii asi bie pha jishii branthek miie shii nyie rangsua ji pha ro.

2 Khorinthek 8:21 ပူးပေါင်းရင်းမြစ်များ

Methiu 23:5

Ithek ne awaithek shii branthek shii doh yi pha rek ne rai ro. Ithek ne awaithek shii doh yi pha yung shii jigigam zey ne khrug nane phaliing shii miak phro! ithek ro yung khama boh ji doh yi! Chiih-è ithek ro rugud pha mirgong ji bajo phiang guii rone riig yi!

Methiu 5:16

Ji duiine nathek ro muchuang de branthek ibi shii chuang phi chid phro, jiè nathek ne nathek è rek pha wie bliathek riig srane hamangkhung hà nathek aphuii shii chiong ruii phro.

Methiu 6:1

“Nowbthan bo, nathek è rek pha giang blia ne branthek shii doh yi pha hong ne arek rabo. Nathek ji è hong ne rek arone, hamangkhung hà Aphuii re-è nyie de lasen amua ruii phro.”

Methiu 6:4

Chiihphado hì ne ug pha miyao ro. Chiih-è na è nyie ug ne rek pha ji ne na Aphuii, hanyie è riig srane lasen phi ruii phro.

Romanthek 12:17

Bran giak è na shii asi pha rek muii magunde, asi pha iidoh arog din rabo. Zab pha miie shii nyie wie ji rek pha bidiang bo.

Romanthek 14:18

Chiih-è hanyie magunde ji duiine Masi ro blia rek arone, ai è Hamangkhung-aphuii shii sang yi chiih-e gaithek wie rone yao.

2 Khorinthek 2:17

Gethek ne hanyie è Hamangkhung-aphuii mua shii chongjai duiine thoh è yie bie pha gaithek duiine asi ro, Masi pha khiaothek duiine gethek ne ai moe shii wie è yao ro, nyieliieshii Hamangkhung-aphuii è gethek shii thoh phi ro.

2 Khorinthek 8:20

Gethek è miie pha lasen jia wad hà yie shii hanyie ji shii suanghàw arek yi pha gethek ne bajo gayiig ne rek ro.

2 Khorinthek 8:22

Ji-è gathek ne ithek rog shii gathek ro khuiino thoh ge ro; gathek è aishii blebbleb chai, chiih-è ai ne idang nong phi pha yang pha doh. Chiih-è thuh ai ne nathek shii bajo luthong, ai ne zab e muna ne nong phi pha yang ro.

Philiphithek 4:8

Jongsha shii, gu ijakthek, nyie yi wie nane chiong pha ji duiine rey mua pha: Izai pha manathek shii, giu, rangsua, igang, miie, nane ilab yi nawaithek khani rog shii zan bo.

1 Thesalonithek 5:22

chiih-è awie pha ji shii zab thoh muii bo.

1 Thimothi 3:7

Ai ne charch è fuangpha bran è de ilab rek pha hò-aphuii um chid, ji è ai ne ìu arey pha chiih-è Sakhathong ibong shii aphang ruii phro.

1 Thimothi 5:14

Ji-è gu ne yang mileo misiungthek ne yiygey ne, aniphiing de um bo, chiih-è awaithek hòthek shii gayiig rek bo. Ji anine gethek ro makthek buii de ayao muii.

1 Phithar 2:12

Ithek è nathek shii awie rone nin ruii shii nathek ro ziig ne migi arekpho duchoi shii bajo wie rek bo, ithek ne nathek ro wie blia ji shii thieg ruii chiih-è ai wuii ruii pha inai shii Hamangkhung-aphuii shii chiong ruii phro.