2 Khorinthek 5:8 - Iwo Surua Mua Wie Pha Bible

⁸ Gethek ne ley zab lububo ro chiih-è gethek siu pha hò thoh srane Ithong rog hò hà rai pha yang bo.

2 Khorinthek 5:8 ပူးပေါင်းရင်းမြစ်များ

Methiu 25:21

Wie rek, nane wie nane isiie khiao! Ai muspho è yao. Na ne sasab nane bang ìujia shii isiie rek, jiè gu ne nashii muna blia shii dumuii rek yi pha ro. Thawuii ne guro sang shii yigieng bo!

Methiu 25:23

Wie rek, na wie nane isiie khiao! Muspho è yao. Na ne sasab nane bang ìujia shii isiie rek, jiè gu ne nashii blia muna shii dumuii ruii phro. Thawuii ne guro sang shii yigieng bo!

LUG ro Muawie 2:29

Ithong wo, na è nawai sbang ji rek phi, chiih-è na nawai khiao shii liijiing è dun yi bo.

JON ro Muawie 12:26

Hanyie gu shii nong pha yang arone gu iidoh shii luagieng bo, nyieliieshii gu khi hà um lei ne guro khiao de ji hà um ruii phro. Chiih-è hanyie è gu shii nong lei ne gu Aphuii è de aishii ilab rek phi.

JON ro Muawie 14:3

Chiih-è dun srane nathek ro ithua saro marui ne, gu iidoh wuii din ne nathek shii gui rog shii noh pha ro, chiih-è gu khi hà rai lei ne nathek de ji hà rai ruii phro.

JON ro Muawie 17:24

“Aphuii! Na è ithek shii ne gu shii phi, chiih-è gu khi hà um ithek shii de gu rog shii um bo è yang muii ro, jiè biisiie na è gu shii phi guro biisiie yi ithek riig mua; chiih-è sohjambling rab pha ibi è na gu shii miie.

Bliathek 21:13

Ji è yao magungde, Phaul è ithek shii yao, “Nathek ne nyie rek phlei? Hì è rek ne choh phane gu lubu chuimuii ne bey? Gune Jerusalem hà phang pha jia asi pha yi Ithong Isu chiang è iy pha de nya rek mua phro.”

2 Khorinthek 5:6

Ji-è gethek ne idang ley lububo rek bo. Gethek ne thieg gethek siu pha hò hà um shii gethek ne Ithong hò è ruang ro.

2 Khorinthek 5:9

Zab è ne, nyayaochak arone, gethek ichiih pha hò shii um magungde chiih-è thiisa pha hò shii um magungde gathek ne aishii sang yi pha yang ro.

1 Jon 3:2

Gu iijiiakthek wo, thuh gethek ne Hamangkhung-aphuii ro aniphiing ro, jishii hìne thuh de sang arey ba gethek nyie thog ruii. Jishii gethek ìd ji pha Masi dong magey shii, gethek ne ai duiine um chid, nyieliieshii ai izai khi è mia gethek ne aishii doh ruii.

Dong 22:3

Ji pha rajan shii ne Hamangkhung-aphuii è thamai pha adoh ruii phro. Hamangkhung-aphuii pha biang nane shiishaiduii ro biang ne ji pha rajan hà rey ruii phro, chiih-è airo khiaothek ne aishii misiasia ruii phro.