2 Khorinthek 3:7 - Iwo Surua Mua Wie Pha Bible

⁷ Lubao khinia shii Iphey ne jigigam shii chong ne zey, chiih-è ji pha Iphey shii phi mage shii Hamangkhung-aphuii ro biisiie ne khia thog. Chiih-è Moses ro mizia shii imo chuang ched dun shii de, hì ne bajo gang jiè Israel pha branthek mieg ne aishii ariig mua. Iy pha Iphey è gang rek ne biisiie rog shii wuii mage arone,

2 Khorinthek 3:7 ပူးပေါင်းရင်းမြစ်များ

Bliathek 6:15

Limiang moe shii dug pha branthek pha mieg ne Sthephen shii athodang pha isiie riig mage shii ai mizia ne hamangkhliie pha mizia duiine doh dun.

Romanthek 10:4

Masi è Iphey yi srane jong muii, ji è hanyie magungde migi rek arone Hamangkhung-aphuii rog shii giang rey yi.

Romanthek 4:15

Iphey è Hamangkhung-aphuii ro lijieg yi phro; jishii Iphey oi bsa ne, Iphey anuii pha arek phro.

Romanthek 5:20

Ichiig ne bajo rey yi pha Iphey doh yi phro; jishii khihà layog bajo rey, Hamangkhung-aphuii ro bushun ne dinne de bajo rey ruii phro.

Romanthek 7:10

chiih-è muyung yi chai yi pha rek shii, gu shii iy pha ji yi phi, chiih-è gune iy dun.

Romanthek 7:22

Guro iliing è ne Hamangkhung-aphuii ro Iphey shii sang phro.

Romanthek 7:5

Gethek de ji duiine bran è lajia jishii sieng ramuii shii, gethek ne siu pha blia rekramuii shii Iphey ji è layog è yang pha ji shii khui, chiih-è gethek è rek pha ji ne iidoh shii ne zab iy dun.

1 Khorinthek 13:10

jishii zab khriig thog mage shii, chiihphado nyie akhriig ba pha ji ne san dun phro.

2 Khorinthek 3:3

Hì ne izai ro Masi awai è zey ne hì ne gethek è thoh ge. Hì ne sahi è asi pha jishii hì ne isieng Hamangkhung-aphuii ro Ragung rog shii zey, chiih-è lubao khinia shii azey ro jishii bran lubuthek shii zey.

2 Khorinthek 3:6

Hanyie è gathek shii shiinyie iwo pha blia rek mua chua phi pha ji ne ai ro, ji shii ne zey pha Iphey shii achab ro jishii Ragung è phi pha iwo sbang ro. Zey pha Iphey ji ne iy shii yi, jishii Ragung ne chai phi.

2 Khorinthek 3:8

Ragung pha blia ne dinne khama boh biisiie rey ruii phro!

Galathithek 3:10

Hanyie è Iphey shii luthong ne rai pho ne thamiie pha iliing shii ro. Jigigam shii de yao, “Hanyie magungde zab Iphey pha jigigam shii zey ne um pha Iphey shii idang migi arek arai arone ai ne Hamangkhung-aphuii ro thamiie pha iliing shii um ro!”

Galathithek 3:21

Chiihphado hì pha miyaosiu è Iphey Hamangkhung-aphuii ro sbangthek shii suang rek ne bey? Asi ro! Branthek è Iphey shii choi arone ithek ne chai yi ruii phro, chiihphado zab ne nuii pha ji è Hamangkhung-aphuii rog shii rangsua rai mua ruii phro.

Hebriuthek 12:18

Na è nyie shii nyathan mua, Sinai phiing pha bai hang rog shii, igiia nane hòthab, hasamkhanoi shii,

Hebriuthek 3:3

Branthek hanyie è hò rung pha ji ai ne hò è de muna bajo boh ilab mua ro. Ji duiine Isu ne Moses è de muna ilab mua sapho ro.

Hebriuthek 9:4

Jihà ne biisiie ziao pha san sraibao um chiih-è san è cheg pha Shiinyie Japho jia um chiih-è san jarai shii manna zan ne um ro, iirabthek khinrin pha Aron ro miichang de um, chiih-è muyungthek zey pha lubao thileg nyi de um.