2 Khorinthek 3:3 - Iwo Surua Mua Wie Pha Bible

³ Hì ne izai ro Masi awai è zey ne hì ne gethek è thoh ge. Hì ne sahi è asi pha jishii hì ne isieng Hamangkhung-aphuii ro Ragung rog shii zey, chiih-è lubao khinia shii azey ro jishii bran lubuthek shii zey.

2 Khorinthek 3:3 ပူးပေါင်းရင်းမြစ်များ

Methiu 16:16

Simon Phithar è chang, “Na ne Masi ro, chiih-è isieng Hamangkhung-aphuii pha Dufuii ro.”

1 Khorinthek 3:5

Yaochak arone, Apholos ne hanyie lei? Chiih-è Phaul ne hanyie ga? Hanyie è migi shii no ne lua pha, gethek ne Hamangkhung-aphuii ro khiao bie ro, gethek zab jia è Ithong è aishii rek boh ne phi pha blia ji rek:

2 Khorinthek 3:6

Hanyie è gathek shii shiinyie iwo pha blia rek mua chua phi pha ji ne ai ro, ji shii ne zey pha Iphey shii achab ro jishii Ragung è phi pha iwo sbang ro. Zey pha Iphey ji ne iy shii yi, jishii Ragung ne chai phi.

2 Khorinthek 3:7

Lubao khinia shii Iphey ne jigigam shii chong ne zey, chiih-è ji pha Iphey shii phi mage shii Hamangkhung-aphuii ro biisiie ne khia thog. Chiih-è Moses ro mizia shii imo chuang ched dun shii de, hì ne bajo gang jiè Israel pha branthek mieg ne aishii ariig mua. Iy pha Iphey è gang rek ne biisiie rog shii wuii mage arone,

2 Khorinthek 6:16

Nyiekhi-è Hamangkhung-aphuii ro Jewthek misiahò nane migi-arekpho ro jangbang ne nuii mage phlei? Chiih-è gethek ne isieng Hamangkhung-aphuii pha Jewthek misiahò ro! Hamangkhung-aphuii awai è yao pha duiine, “Gu ne gui bran rog shii gui hò rab pha ro chiih-è ithek duchoi shii rai pha ro; Gune ithek ro Hamangkhung-aphuii rey ruii phro, chiih-è ithek ne guro bran rey ruii phro.”

1 Thesalonithek 1:9

Gathek yi nathek shii wuii shii nathek è gathek shii khi-èrek ne choi, chiih-è nathek è khi-èrek ne Hamangkhung-aphuii shii khid ne, izai isieng shii blia rek ne

Hebriuthek 10:16

“Ithong è yao ro, Inai thog ruii shii hìpha shiinyie ne gu è ithek rog shii rab pha ji ro: Gu ne gu ro Iphemthek shii ithek ro lubuthek hà chab phi chiih-è awaithek khani shii zey phi pha ro.”

Hebriuthek 8:10

Thuh, Ithong è yao, inai thog ruii shii Israel pha bran rog shii gu è rab pha shiinyie ne hì ro: Gu ne gui ro iphey ithek khani shii chab phi chiih-è ithek lubuthek shii zey phi pha ro. Gu ne ithek ro Hamangkhung-aphuii rey, chiih-è ithek ne gu bran rey ruii phro.

Hebriuthek 9:14

Hì ne izai chak ro, Masi ro ifai è ne muna chiih-è sang rek ro idang pha Ragung è Hamangkhung-aphuii shii khriig zid pha ji ai ne awai shii mizid muii. Gethek shii isieng Hamangkhung-aphuii ro blia rek muii pha, airo ifai è gethek ro adunmey mizen pha lubu munow shii sud phi ro.

Dong 2:1

Charch pha hamangkhliie shii Iphisus hà zey: “Hì ne hanyie è awairo phazoi shii dadiang miley khoh ne hanyie è san miley bunthruak duchoi shii lua muii ro.”

Dong 2:12

Phergamum hà charch pha hamangkhliie shii zey: “Hì ne hanyie shii khamriie irey nyi um pha airo mua ro.”

Dong 2:18

Thyathira hà charch pha hamangkhliie shii zey: “Hì pha mua ne Hamangkhung-aphuii ro Dufuii re-è ro, hanyie ro mieg ne bai duiine bliak muii ro, hanyie ro lai ne bala suang pha duiine ro.”

Dong 2:8

“Smyrna charch pha hamangkhliie shii zey: “Hì pha mua ne hanyie yi igobi nane iidohè chiih-è hanyie iy ne dinne sieng din pha ji re-è ro.

Dong 3:1

Sardis hà charch pha hamangkhliie shii zey: “Hì ne Hamangkhung-aphuii hanyie shii miley luruakthek nane miley dadiangthek um pha airo mua ro. Nathek nyie rek pha jine gu ne thieg; nathek ne isieng rone yao jishii nathek ne iyjong rone gu ne thieg!

Dong 3:14

“Laodisia hà, charch pha hamangkhliie shii zey bo: “Hì ne Amen re-è mua ro, hanyie ne Hamangkhung-aphuii è zen phi zab ro igobi ro chiih-è jine isiie nane izai khagi de ro.

Dong 3:22

“Nathek shii khohthek um arone, chiihphado, Ragung è charch shii nyie yao pha ji yoi bo!”

Dong 3:7

“Philadelphia hà, churh pha hamangkhliiethek shii zey: “Hì pha mua ne hanyie yi so nane izai pha jia ji è ro. Dawid shii um pha ziuwad ne aishii um ro, chiih-è ai habin hong mage shii, hanyie jia è abin mua phro, ai è bin mage shii hanyie è ahong mua ro.