2 Khorinthek 12:21 - Iwo Surua Mua Wie Pha Bible

²¹ Dinpha ishak shii gu wuii ruii shii Hamangkhung-aphuii gu shii ne nathek moe shii biwo rek mage pha ji ne chiih-è buyo hanyie è layog rek ne chiih-è ithek è rek pha awie pha bliathek è lubu alai pha—ithek ro giichak nane ithek ro siulao pha layogthek lakhung shii gu ne choh ruii phrone gu ne rum muii ro.

2 Khorinthek 12:21 ပူးပေါင်းရင်းမြစ်များ

Romanthek 13:13

Bran hanyie inai isang shii rai pho shii ne, gethek è wie yao ne wie è rek ne rai haro awie pha asi dinne phuiithiig pha asi, siulao pha asi dinne giichak pha asi, gui pha asi dinne miegriie pha asi ro.

Romanthek 9:2

Gu è yao mage shii gune bajo duhug rey dun chiih-è gune lubu ne jongdang pha riiedun

1 Khorinthek 5:1

Thuh, hì ne nathek duchoi shii bajo buii siulao rek rai pha ji ne yaojong, migi arekpho rangde è jithek pha ichiig ne arek ro. Gu shii yao bran jia ne awai muno rog shii men ramuii ro!

2 Khorinthek 10:6

Chiih-è nawaithek ne zab nuii rone khagi doh yi pha iidoh shii, gune hanyie è anuii pha blia rek pho shii ne lago phi pha sarojong ro.

2 Khorinthek 12:7

Jishii nyieliieshii gu è bajo wieng pha manathek shii doh pha ji shii wiangwe rey pha ji è gu shii ragia rek pha, gu siu shii bajo riie pha miiriie phi ne, ji pha miiriie è Sakhathong pha muapho duiine blia rek srane gu shii zuang ne chiih-è wiangwe rek pha ji shii gak.

2 Khorinthek 13:2

Doh bi hanyie è layog rek pho shii, chiih-è gaithek shii de gu yao pha yang ro; hì ne gu nathek shii nyi chiieng riig pha wuii shii yaojong, jishii gu ruang hà magunde gu dinne yao: Dinpha ishak gu wuii ruii shii hanyie de lago è ayoh mua phro.

2 Khorinthek 8:24

Nathek ro miie ne ithek shii doh yi bo, jiè zab pha charchthek ne izai ìd ne chiih-è gethek ne ithek chiang shii nyigodog rek pha rangsua chak rone thieg yi bo.

Galathithek 5:19

Tharothamang ziig è rek pha ji ne zab dong ruii phro. Hì ne nawaithek shii siulao, zia chiih-è awie pha blia;

Kholosithek 3:5

Chiihphado, nathek shii ne siulao, zea, awie pha now pha sohnyiak pha chid blia, awie yang pha, chiih-è giichak (chiih-è sgow ne jangbang ro) nathek shii blia rek pha ji shii ne ua muii bo.

Hebriuthek 13:4

Yiy-gey pha ji shii ne zab ilab phi chid, chiih-è yiy nane gey chung ne migi um rai chid. Hamangkhung-aphuii ne hanyie shii lubu oi hanyie è siulao rek ithek chua ruii phro.

2 Phithar 2:18

Ithek ne wiangwe nane bi-ìe miyaothek yao, chiih-è hanyie yi awie bsa hà rai pha ji è yo pha jao ramuii pha branthek shii awie pha siu pha ji chid pha ji shii bohkhoh ne ubong shii phang muii ro.

JUD ro Jigigam 1:23

chiih-è gai shii bai iliing è iidoh khia srane ragia rek bo, chiih-è rum pha rog gai shii bushun doh yi bo, ithek ro yungthek shii layog rek yang pha ji miak pha jishii khiijai bo.

JUD ro Jigigam 1:7

Sodom, nane Gomora chiih-è ji pha moe pha thiigthek shii now bo, ji pha hamangkhliiethek duiine branthek blia rek chiih-è siulao shii sieng ne awie pha lumuii shii lua ne rai: Zab shii miang phriie pha duiine ithek shii ne idang pha bai pha lago shii duhug mua ro.

Dong 21:8

Jimagunde murumdumthek, khinrin rek, khiijai blia rekpho, sgohthek, siulao, hanyie è jadu rek, hanyie è jangbangthek shii misiasia, chiih-è zab pha khlamthek—ithek ro ithua ne barud rog shii hang pha bai khabang nyie jine dinpha iy ji ro.”

Dong 22:15

Chiih-è khiijai blia rek pho chiih-è hanyie è jadu rek pho chiih-è siulao, chiih-è sgohthek, hanyie è jangbangthek shii misiasia chiih-è hanyie è nyimanyi miyaogamthek nane blia shii khlamphothek ne rajan pha fuang hà ro.

Dong 22:20

Isu è hithek zab pha chiang shii awai è khagi phi ne yao, “Um zai ro! Gu ne khthiie wuii ruii ro!” Amen. Ithong Isu wuii ruii bo!