2 Khorinthek 10:6 - Iwo Surua Mua Wie Pha Bible

⁶ Chiih-è nawaithek ne zab nuii rone khagi doh yi pha iidoh shii, gune hanyie è anuii pha blia rek pho shii ne lago phi pha sarojong ro.

2 Khorinthek 10:6 ပူးပေါင်းရင်းမြစ်များ

Romanthek 2:23

Nathek Hamangkhung-aphuii ro Iphey shii nyigodog rek—jishii nathek ne Iphey chui srane Hamangkhung-aphuii shii biwo rey yi nebey?

1 Khorinthek 4:21

Nathek shii ne nyie khi-èrek ne ò chid? Gu ne nathek shii zuang pha wuii ruii haba dinne miie pha ragung nane jum ji yie ne nathek shii wuii ruii habey?

2 Khorinthek 13:10

Ji ne nyieliieshii gu ne nathek è ruang ba shii hì zey phro: hì ne gu wuiithok shii Ithong è nathek shii rab pha chiih-è achuak yi pha riichai gu shii phi pha ji è khoh srane nathek lakhung shii bangchai arey yi ro.

2 Khorinthek 13:2

Doh bi hanyie è layog rek pho shii, chiih-è gaithek shii de gu yao pha yang ro; hì ne gu nathek shii nyi chiieng riig pha wuii shii yaojong, jishii gu ruang hà magunde gu dinne yao: Dinpha ishak gu wuii ruii shii hanyie de lago è ayoh mua phro.

2 Khorinthek 2:9

Nyieliieshii gu nathek shii diigchiao shii wie riu chiih-è nathek ne miyao shii idang nuii ne khama rai mua pha ji gu nathek shii thieg pha jigigam ji zey.

2 Khorinthek 7:15

Chiih-è jiè airo miie ne nathek shii lahuhuak gang rey yi, ai è nowkhlei pha duiine nathek zab ne nyiekhi-èrek ne airo muyung shii nuii pha saro, chiih-è nathek ne nyiekhi-èrek ne rum ne sam ne aishii wie ho.

1 Thimothi 1:20

Ithek duchoi shii ne Hemenius nane Alezendar, hanyie shii gu è sakhathong pha blu shii phi srane lago phi; hì ne ithek ro makhak-riing pha ji shii gak yi pha yua ruii phro.

3 Jon 1:10

Ai è gathek chiang nyie rum pha nane khlamphothek miyao yao, gu thog shii ne ai è nyie rek ruii pha ji shii zab khia ruii phro! Jishii aishii hanyie magunde jia è nyie acho ba phro; ai ne Masiphothek thog shii ne aho phro, chiih-è hanyie è masipho shii ho pha yangpho shii de gak muii phro chiih-è ithek shii ne charch è de fuang gieng pha saro phro!