2 Khorinthek 10:13 - Iwo Surua Mua Wie Pha Bible

¹³ Gethek shii ne, gethek ro phriie pha ji è hiia ne nyigodog arek rabo; hì ne Hamangkhung-aphuii è blia gethek shii rab phi pha blia shii phriie bo, chiih-è hì ne gethek duchoi pha blia de ji pha phriie pha iliing shii ro.

2 Khorinthek 10:13 ပူးပေါင်းရင်းမြစ်များ

Methiu 25:15

Ai è zab shii khi-èrek mua pha ji phi marui: ai è jia shii san sikhi itham guii phi, din pha jishii itham nyi, chiih-è din pha jishii itham jia phi. Chiihphado ai ne awai lumuii hà wuii dun.

Romanthek 10:18

Jishii gu sai: Ithek è mua ayoi pha ji ne izai bey? Um ithek è rek—jigigam shii yao: “ithek è ro pha goh ne zab pha sohnyiak hà yoidun ro: ithek ro miyaogamthek ne sohjong bsa hà thogdun ro.”

Romanthek 12:3

Chiih-è nyieliieshii Hamangkhung-aphuii ro thaluii bushun ne gu shii phi, ji è gu nathek zab shii yao: Nathek ne nawaithek shii um pha ji è bajo anow rabo. Ji pha chiang shii, nawaithek è now pha ji shii jum rek bo, chiih-è nawaithek shii Hamangkhung-aphuii è phi pha ji duiine migi rog shii chua bo.

Romanthek 12:6

Ji-è gethek ne Hamangkhung-aphuii è phi pha yo lasen ji duiine bushun rog shii blia rek. Gethek ro lasen ji yi Hamangkhung-aphuii mua yao arone, gethek shii um pha migi ji duiine rek bo;

Romanthek 15:20

Gu è idang khi hà Masi shii aphi ba biisa hà Mua Wie ji yao yang muii ro, ji è gu ne gai è yaojong bsa hàne awuii yang ro.

1 Khorinthek 12:11

Jishii hìthek zab rek pha ji ne ragung ò nane jia bie ro; ai khi-èrek yang lai ne ji duiine, zab pha bran shii yoyo lasen hèg phi.

Iphisithek 4:7

Gethek zab shii ne Masi è awai è yang ne nyie phi pha bajo wie lasen ji mua ro.

1 Phithar 4:10

Zab jia ne, Hamangkhung-aphuii ro yoyo lasenthek shii wie gayiig rai bo, ai ne Hamangkhung-aphuii è mua pha lasen wie jine gaithek shii wie rek pha kho bo.