2 Khorinthek 10:12 - Iwo Surua Mua Wie Pha Bible

¹² Zai gethek ne hanyie è awaithek shii bajo boh rek ne rai pho rog shii gethek ne ò rek pha lububo arek mua phro. Ithek ne khama bi-ìe ro! Ithek ne awaithek shii bajoboh ruii pha ji shii chua pha ne rab ne ruiijong ro, chiih-è awaithek ro boh rek pha ji è awaithek shii chua ro!

2 Khorinthek 10:12 ပူးပေါင်းရင်းမြစ်များ

LUG ro Muawie 18:11

Pharisi ji è riu srane awai lubu shii sia, gu na shii laso phi, Hamangkhung-aphuii, ji è gu ne agiichak ro, anuii pha de arek, chiih-è ithek gai duiine siulao de arek, gu na shii laso phi, nyieliieshii gu ne mijin thanpho duiine de asi ro.

Romanthek 15:18

Gune arum pha chiih-è yao ne Masi è rek phi pha gu chiang è Gaibranthek shii now ne Hamangkhung-aphuii shii nuii yi pha rek bie phro. Ai è ji rek pha ji ne miyaogamthek nane bliathek ro,

2 Khorinthek 10:11

Ji è rek pha branthek ne thieg chid gu è ruang rai shii nyie jigigam zey pha ji nane gu nathek rog shii um shii nyie rek pha ji ne ichiih shii ne yo asi ro.

2 Khorinthek 10:18

Hì ne Ithong è gathek shii wie now mage shii gathek ro wie blia ne khagi rek phi, chiih-è gethek è gethek shii wie now pha ji ne asi ro.

2 Khorinthek 3:1

Gethek ne din guithek chiang shii nyigodog rek pha duiine yoi bey? Gaibranthek duiine nathek shii nuii pha jigigamthek shii zey dinne nathek è gathek shii jigigamthek zey chid, hì ne rey mua nebey?

2 Khorinthek 5:12

Gathek ne nathek shii yang pha dinne guithek chiang shii wie rone yao pha abidiang ro; gathek ne guithek shii nathek è nyigodog rek yi pha nathek shii wie chiang ji phi pha bidiang, jiè nathek ne nathek ro ziig è asi pha hanyie è bran mizia chiang shii wiangwe rekpho shii chang mua.