1 Thimothi 6:20 - Iwo Surua Mua Wie Pha Bible

²⁰ Thimothi, nyie yi na shii gayiig pha phi pha ji shii ne wie re-è ragia rek bo. Hamangkhung-aphuii shii makhak-riing pha miyao ruang ruii bo chiih-è branthek ne khani rone yao pha bi-ìe khnaing pha ji re-è ruang rai bo.

1 Thimothi 6:20 ပူးပေါင်းရင်းမြစ်များ

Bliathek 16:1

Phaul ne Derbe nane Lysthra, ji hà Masipho pha Thimothy beng pha bran jia um iang pha ithua hà luajong. Ai amuii ne migipho pha bran ro, chiih-è, Jewish è giak pha bran, iphuii ne Grekh pha bran ro.

Bliathek 17:18

Ephikhurean nane Sthoikh pha masdothek de ai rog shii khnaing noh. Thiichiih um pha bran giak è de aishii sai, “Bi-iy hì nyie arey pha yao ne doh yi pha bidiang phlei?” Gaithek è de chang din, “Ai ne gai thiigpho pha hamangkhung-aphuii chiang yao ramuii pha duiine ro.” Ithek è ji yao phane nyieliieshii, Phaul è Isu nane Isu hòi pha miyao ji yao mage ne yao dun ro.

Bliathek 17:21

Athens hà rai pha branthek nane gai thiig phothek um phothek ne awaithek ishakthek ne thiichiih phi ne miyao wo ji nuii ne rai pha rek yang dun.)

Romanthek 1:22

Ithek è awaithek shii ithek ne bajo ìd ro yao, jishii ithek ne bi-ìethek ro;

Romanthek 3:2

Hì ne bajo miigak ro, zab pha lumuii shii, igobi pha ithua shii, Hamangkhung-aphuii è awairo mua ne Jewthek shii migi rek.

1 Khorinthek 2:6

Jishii hanyie yi ragung shii weg arone gune aishii khani pha mua ji yua. Jishii sohjambling è rey pha blu dinne sohjambling shii bukhothek pha bluthek—blu ne awaithek blu shii san muii pha khani ji asi ro.

1 Khorinthek 3:19

Chiih-è ichiih sohjambling pho munow pha khani jine Hamangkhung-aphuii mieg moe shii ne adubo ro. Jigigam shii yao, “Hamangkhung-aphuii ne khuathek shii awaithek briak shii zum din ruii phro.”

Kholosithek 2:18

Nyieliieshii wie è miiramthek nane hanyie ne biidiie pha tharothamang rey ne chiih-è hamangkhliiethek shii sia ne nawaithek shii ne hanyie è boh rone yao pho è athe yi rabo. Zai branthek ne ithek ro tharothamang è now pha jihà ne wiangwe rek pha nane hanyie yi siu pha khrug rone Masi shii khoh pha ji ne thoh muii. Masi è phriie pha zab siu shii ran ne miak chiih-è rung pha ji è ò shii khoh dun, chiih-è Hamangkhung-aphuii è chid pha ji sieng dun.

Kholosithek 2:8

Chiihphado, riig bo, hanyie è de bran ro adunmey pha khinrin pha khani è nathek shii khiao arab yi rabo, nyie yi Masi è asi pha jishii bran è yua pha nane hamangnyiak pha khohpho pha ragungthek è thog ro.

2 Thesalonithek 1:4

Ji pha chiang è gathek ne guithek shii Hamangkhung-aphuii pha charch hà nathek chiang shii nyigodog rek. Gathek ne nathek è athodang pha diigchiao nane duhug shii dab pha ji shii zud ne migi rek pha chiang shii nyigodog rek.

2 Thesalonithek 2:15

Ji-è gathek ro khuiinothek nane bumuiithek, chuh riu ne gathek miiyau nane, gathek ro jigigam pha nyie izai yua pha ji shii khoh bo.

1 Thimothi 1:11

Ji pha muyua ne muawie shii doh muii ro, Hamangkhung-aphuii ro biisiie pha Mua Wie nane khirzey Hamangkhung-aphuii re-è gu shii yao bone phi ro.

1 Thimothi 1:2

Thimothi shii, migi pha guro zai dufuii: Aphuii Hamangkhung-aphuii nane Masi Isu gathek ro Ithong re-è na shii ne bushun, nane liijiing phi ro.

1 Thimothi 1:4

Ithek shii, jithek pha phaluiithek chiih-è blangthek ibengthek nyie ji ne khnaingthek rey khlei pha ji shii thoh yi pha yao bo; ithek ne Hamangkhung-aphuii ro phak nyie migi re-è thieg pha ji shii ne nyie blia oi ro.

1 Thimothi 1:6

Giak bran ne ji re-è khid din chiih-è awie pha bi-ìe muphak pha lumuii hà san dun ro.

1 Thimothi 1:9

Ji arone hì ne nowkhlei yi, iphey ji ne bran wie shii arab phi ro, jishii iphey chuipho shii nane suruii rek pho shii, chiih-è Hamangkhung-aphuii oi pho shii nane layogthek shii, chiih-è hanyie yi giang asi pho shii din ne ragung oi pho shii, chiih-è hanyie è awaithek aphuiithek amuiithek shii ua pho nane sgoh rek pho shii de,

1 Thimothi 4:7

Hamangkhung-aphuii oi pha phaluii è ruang rek bo, nyieliieshii hì ne nyie blia oi ro. Nawai shii hamangkhung-aphuii chai ji è dab ne rai bo.

1 Thimothi 6:11

Jishii, Hamangkhung-aphuii ro bran, hì thek zab shii thoh muii bo. Giangthek, hamangkhung-aphuii duiine, migi, miie, zud, chiih-è zum shii mua pha bidiang bo.

1 Thimothi 6:14

chiih-è nathek shii phi pha muyung shii nuii bo, chiih-è Ithong Isu Masi yi khia pha Inai thogdang pha ithek shii isiie ruii bo.

2 Thimothi 2:1

Gu dufuii, na shii, Masi Isu rog shii gethek ro ò bushun ji è gang rek bo.

2 Thimothi 2:16

Nyie yi branthek shii Hamangkhung-aphuii re-è ruang rek bie pha, sohjambling pha nane bi-ìe miyao ji re-è ruang rek bo.

Thaidas 1:14

chiih-è Jew phaluiithek ne akhoh sha phro chiih-è hanyie è izai shii snai pha bran è thog pha tharothamang pha muyungthek de akhoh sha phro.

Thaidas 1:4

Gethek ro ò um pha migi shii gu zai dufuii, Thaidas shii gu hì zey. Aphuii Hamangkhung-aphuii nane Masi Isu gethek ro ragia è na shii ne bushun nane liijiing phi bo.

Thaidas 1:9

Ai ne nyie mua shii migi rek mua chiih-è nyie muyua shii nuii mua pha ji shii ne chuh è khoh chid. Ji duiine ai ne gai shii izai muyua ji è lububo rek mua chiih-è gidieg pho shii ne ithek ichiig doh mua yichid.

Thaidas 3:9

Jishii bi-ìe pha khnaingthek, phiang blangthek ro sasab, guithek, chiih-è Iphey chiang mak rek pha ji de thoh muii bo. Jithek pha ne blia adunmey pha nane ibid oi pha ji ro.

Dong 3:3

Chiihphado, nathek shii nyie yua chiih-è nathek è nyie yoi pha ji shii now bo, ji nuii srane nawaithek layogthek re-è khid bo. Nathek asieng arone, gu ne mugopho duiine nathek lakhung shii wuii ruii pha ro, chiih-è nathek ne gu khuchung wuii ruii pha ishak ji rangde athieg phro.