1 Phithar 3:22 - Iwo Surua Mua Wie Pha Bible

²² hanyie ne hamang hà dun ne Hamangkhung-aphuii ro phazoi shii um ne, zab pha hamangkhliiethek shii nane hamang pha riichaithek chiih-è bluthek shii bohkho muii ro.

1 Phithar 3:22 ပူးပေါင်းရင်းမြစ်များ

Methiu 22:44

Ithong è gu Ithong shii yao: Gu è na shuangthek shii naro lai iliing hà aruii sapho shii ne Ichiih gu phazoi shii dug bo.

Methiu 28:18

Isu è ithek moe inui wuii srane ithek shii yao, “Gu shii ne hamangkhung hà nane sohnyiak pha riichai phi jong ro.

Marg 12:36

Dawid shii Hamangkhung-aphuii ro Ragung è yao yi phro: Ithong è gu Ithong shii yao; Gu è na shuangthek shii gu lai luii aruii sapho ne Na ne guro phazoi pha riichai ithua shii dug bo.

Marg 16:19

Chiihphado Ithong Isu è ithek shii yao ched ne aishii ne Hamangkhung hà noh dun phro. Thiisa hà Hamangkhung-aphuii phazoi moe shii dug dun phro.

LUG ro Muawie 20:42

Dawid awai è sthun jigigam shii yao, Ithong è gui Ithong shii yao: Gui phazoi shii dug bo.

JON ro Muawie 13:32

Chiih-è ai chiang è Hamangkhung-aphuii ro biisiie rey ge arone, Hamangkhung-aphuii shii de bran Dufuii pha biisiie chiang è doh yi phro, chiih-è ai ne khthiie rek phi phro.

Bliathek 1:11

srane yao, “Galileanthek, nyie rek ne thuh de nathek ne ichiih shii riu srane hamangkhung hà hùii ne riig ne rai phlei? Hì pha Isu ne khi è rek ne hamangkhung hà dun dun pha ji duiine dinne thadoh wuii din ruii pha doh ruii phro.”

Bliathek 3:21

Ji è, Hamangkhung-aphuii è buyo buyo shii rai pha awai chaig gang pho shii yao marui pha duiine, ai ne ichiih soh khung shii zab wo rey ne athog ba sapho shii ne hamangkhung hà rai chid phro.

Romanthek 8:34

Chiihphado, hanyie aishii the pha lei, Masi Isu asi ba? Hanyie è iy srane, dinne hòi ne sieng chiih-è Hamangkhung-aphuii ro wad phazoi pha ithua shii rai ne gethek chiang aishii khung ne rai!

Romanthek 8:38

Ji-è gune nyie magunde izai now nyie magunde: Iy pha ji chiih-è chai, hamangkhliiethek chiih-è Hamangkhung pha khohthek chiih-è blu, thuh chiih-è doh de airo bushun è ruang arek mua phro,

1 Khorinthek 15:24

Chiihphado jong pha ishak thog ruii phro, Masi ne zab luruak khohphothek shii, riichaithek, chiih-è bluthek è yang è hiia ne chiih-è Hamangkhung-aphuii pha Sajathua hà awairo Aphuii wad shii phi muii phro.

Kholosithek 3:1

Nathek ne Masi rog shii chai hòijong, Ji-è nathek ro lubuthek ne hamangkhung pha manathek shii now mage bo, Khihà Masi ne Hamangkhung-aphuii ro biang pha phazoi shii dug muii ro.

Hebriuthek 1:13

Naro makpho shii “Naro lai iliing hà aruii sapho shii ne Guro phazoi hà dug bone: Hamangkhung-aphuii ne awai ro hamangkhliiethek hanyie shii magunde khuchungde ayao ro.”

Hebriuthek 1:3

Ai ne Hamangkhung-aphuii ro biisiie pha chuang pha ji shii mia ro chiih-è jine Hamangkhung-aphuii awai chai duiine rey yi, airo bohbluthek miyaogamthek è hamangnyiak hà rai yie ro. Zab bran ro layog shii khung phi pha ji rey ched pha iidoh è, ai ne hamangkhung hà Hamangkhung-aphuii ro giu blu um pha phazoi hà dug dun ro.

Hebriuthek 1:6

Jishii Hamangkhung-aphuii è awai ro igobigiak pha Dufuii shii sohjambling hà thoh shii, ai è yao, “Zab Hamangkhung-aphuii ro hamangkhliiethek aishii misiasia chid phro.”

Hebriuthek 10:12

Ji-arone, Masi, ne layogthek chiang luang jia mizid zid jong, mizid jine idang chun, chiih-è ai ne Hamangkhung-aphuii pha phazoi hà dug dun ro.

Hebriuthek 12:2

Cho gethek ro mieg hanyie shii gethek ro migi shii ibi è iidohè thog pha luthong pha Isu shii riig rai haro. Ai ne bai shii riig srane athoh muii ro! Ji phachiang shii, nyieliieshii ai è khan pha lubo ne, ai ne bai shii iy pha chiang shii nyie de anow ro. Chiih-è ai ne thuh Hamangkhung-aphuii ro biang phazoi hà dug ne rai muii ro.

Hebriuthek 4:14

Ji-è gethek de gethek è yao pha migi shii wie è khoh ne ruii rai haro. Isu, ne Hamangkhung-aphuii pha Dufuii ro—Gethek shii ne Bajobo kho phabi um ro, hanyie yi Kho phabi Hamangkhung aphuii moe hà wuiijong ro.

Hebriuthek 6:20

Gethek chiang shii Isu ne gethek ibi hà wuii ne chiih-è phabi Melkhizedek lumuii shii, idang pha kho phabi rey dun.

Hebriuthek 8:1

Zab gethek è nyie yao pha jine ji ro chiih-è hanyie yi hamangkhung hà Hamangkhung-aphuii ro so pha biang ro phazoi shii dug pha ji pha Kho Phabi um ro.

Hebriuthek 9:24

Masi nyie jine izai sbhang pha, bran wad è rab pha So Ithua hàne awuii ro, ai ne awailum ne hamangkhung hà dun dun, ai ne thuh gethek chiang Hamangkhung-aphuii moe shii dongkhliie.