1 Phithar 1:12 - Iwo Surua Mua Wie Pha Bible

¹² Hamangkhung-aphuii è ji pha chaigthek shii khia ne ithek blia ne awaithek shii phua pha arek ro, hamang è thoh pha Ragung So pha blu è Hamangkhung-aphuii ro Mua Wie ne muapho è yao pha jine thuh nathek è yoi pha chiang, ithek è yao marui pha manathek ne nathek ro ro. Hìthek pha manathek shii ne hamangkhliiethek rangde gao pha yang.

1 Phithar 1:12 ပူးပေါင်းရင်းမြစ်များ

Methiu 11:25

Jipha ishak shii Isu è yao, “Aphuii, hamangkhung nane sohnyiak pha Ithong! Gu Nashii laso phi, nyieliieshii na è khua pho è ug ne ruii pha ji a-ìd pho shii doh yi.

Methiu 11:27

“Gu Aphuii è gu shii zab manathek phi jong ro. Hanyie è dufuii shii athieg ro, Aphuii jijia è thieg bie ro, chiih-è hanyie de Aphuii shii athieg ro, dufuii ne thieg hanyie è dong yi pha gua ne ruii pha ji è thieg bie ro.

Methiu 16:17

“Nashii ne wie ro, Jon pha dufuii Simon!” Isu è chang, Hì pha izai ne bran è thog pha asi ro, jimagunde hì ne na shii guro hamangkhung pha Aphuii è miang phi ro.

Marg 16:15

Isu è ithek shii yao, zab pha sohjambling hà wuii mage srane zab branthek shii gu Muawie hì yao mage bo.

LUG ro Muawie 15:10

Gu nathek shii yao, ji duiine, hanyie magunde zea layog è khid arone Hamangkhung-aphuii pha hamangkhliie è aishii huak ne sang ruii phro.

LUG ro Muawie 2:26

Chiih-è aishii ne yaojong ro ai ne Ithong sbang rek pha Masi shii adoh sapho shii ne na a-iy phro.

LUG ro Muawie 9:6

Samoythek è thiichiih shii thoh marui srane thiigthek hà lua ne Mua Wie jithek yao ne zab pha branthek shii gang phi.

JON ro Muawie 15:26

Nongpho ne wuii ruii—Jine Ragung ro, hanyie yi Hamangkhung-aphuii chiang shii izai dong pha chiih-è hanyie ne Aphuii re-è wuii ro. Gu ne gu Aphuii re-è aishii nathek hà thoh ge srane ai ne gu chiang shii yao ruii phro

Bliathek 10:44

Phithar è ji yao ramuii shii, Ragung So ne thiichiih ai moe nuii rai pho lakhung shii wuii thog ruii.

Bliathek 16:10

Phaul è ji pha ibang nyabang ched dang shii Mesidonia hà wuii pha surui dun, nyieliieshii, gathek è nung jong ro, Hamangkhung-aphuii è gathek shii thiisa hà ji pha branthek shii de Mua Wie ji yao yi pha ho phro.

Bliathek 2:33

Aishii ne Hamangkhung-aphuii, awai Aphuii è hòi din yi ne awai phawig moe shii dug yi jong ro, jiè ai ne Aphuii è khi è rek ne sbang ruii pha duiine Ragung So mua dun ro. Nathek è nyie doh ne yoi pha ji ne ai lasen ro, ai è gethek shii thoi phi ro.

Bliathek 4:31

Ithek è ji sia pha jong ched mage shii ithek dug ne sia pha ithua ne sham dang dun, ithek zab ne Ragung So è ley dun, chiih-è jao ne boh now ne Hamangkhung-aphuii pha mua ji yao dun.

Bliathek 4:8

Phithar è Ragung So mua ne ithek shii chang, branthek shii dumuiithek nane dukhothek wo:

Bliathek 8:25

Ithek ne awai sai shii Ithong è nyie rek phi phajithek yao phi, chiih-è Mua Wie de yao marui srane Phithar nane Jon ne Jerusalem hà dun din dun.Tthek ne lumuii hà dun ramuii shii lumuii pha Samaria thiigthek hà de Mua Wie ji yao marui.

Romanthek 1:15

Ji-è, gune Mua Wie ji ne nathek hanyie Rom shii rai pho shii yua pha bajo yang muii ro.

Romanthek 1:17

Muawie ji è Hamangkhung-aphuii ne branthek awai rog shii khi-èrek ne rangsua ruii pha ji dong phi: hì ne migi è igobi è yie ne jao pha nane jongdang pha ro. Jigigam shii yao, “Branthek hanyie yi migi ji è Hamangkhung-aphuii rog shii rangsua è rai phane sieng phro.”

Romanthek 10:15

Chiih-è muaphothek shii athoh arone nyie khi-èrek ne mua thieg mage phlei? Jigigam shii yao, “Hanyie è Mua Wie yi ne wuii ruii pha muapho ne bajo wie ro!”

Romanthek 15:19

Buangthek pha nane anomuluii pha blu è, chiih-è Hamangkhung-aphuii ro Ragung è. Chiih-è ji è Jerusalem è yi ne Ilyrikhum thog pha zab pha lumuii hà lua srane, gu è zab Masi chiang shii Mua Wie yaojong ro.

1 Khorinthek 2:10

Jishii Hamangkhung-aphuii è gethek shii airo Ragung è awairo ug pha ji shii ìd yi. Hamangkhung-aphuii ro yang ne bucho hà ug pha blia rangde Ragung è zab sowdun.

2 Khorinthek 1:22

hanyie è awai ro muspho pha nab ne gethek shii ruii phi ro, chiih-è ai ne gethek shii phi pha ne bajo um pha surua So Ragung ne gathek lubuthek shii phi ro.

2 Khorinthek 6:6

Gathek ro gang è, khani è, jum è, bushun è—Ragung So è, gathek ro izai miie è,

Galathithek 1:12

Gune hanyie bran è de amuii ro, chiih-è gu shii hanyie è de ayua ro. Hì ne Isu Masi awai è gu shii doh yi ro.

Galathithek 1:16

Ji-è ai awairo Dufuii gu shii dong phi pha phak mage shii, gune ai chiang pha Mua Wie jine Gaibranthek shii yao mua pha gu ne hanyie shii de yua phi bo ne awuii ro.

Iphisithek 3:10

Jiphachiang shii thuh pha ishak shii, hì pha miyaosiu ne charchthek re-è hamangkhung pha sohjambling pha bluthek hà hamangkhliie pha bohkhohthek è airo yoyo pha khani shii thieg yi.

1 Thesalonithek 2:9

Zai nathek ne nowkhlei iwa, gathek ro khuiinothek nane bumuiithek, gathek è Hamangkhung-aphuii Mua Wie ji yua shii nathek shii nyie diig arey yi pha gathek ne inai nane habiu blia bajo diig rek!

1 Thimothi 3:16

Khama Bajobo pha ug nane gethek ro giang shii ne hanyie jia de asnai mua phro: ai ne tharohthamang rey ne dong khlei, Ragung re-è rangsua rone doh yie, chiih-è khliiethek è aishii doh. Ai chiang shii ne soh duchoi shii yua, Zab pha sohjambling è aishii migi rek, chiih-è aishii ne hamangkhung hà noh dun.

Hebriuthek 11:13

Migi ji è zab ji pha bran ne iy dun. Ithek ne Hamangkhung-aphuii è sbang rek pha manathek shii ayie mua ro, jishii ithek ne ruang è ithek shii doh chiih-è ithek shii wieho, ithek ne sohnyiak shii fuang pha branthek nane gai branthek shii rey ne rai pha ji shii nuii phi.

Hebriuthek 2:4

Ji pha ishak shii buangthek nane wiengthek pha zab ichuathek rek pha ji è chiih-è awai è yang pha Ragung So pha lasen ji thang pha ji è Hamangkhung-aphuii awai ro khagi shii de lao phi.

Hebriuthek 4:2

Ithek è yoi pha duiine gethek de Mua Wie yoijong. Ithek ne mua ne yoi, jishii ithek shii ne wie arey ro, nyieliieshii ithek ne yoi shii ithek ne migi rog shii achoi ro.

1 Phithar 1:25

Jishii Ithong miyaogam ne idang raidun.” Hì pha miyao ne nathek shii yaojong pha Mua Wie ji ro.

1 Phithar 4:6

Ji è iyjong pho shii de Mua Wie ji yuajong ro, zab shii chuajong pha duiine hanyie ithek yi siu shii sieng shii chuajong ro, ji-è ithek ro ragung chai shiine Hamangkhung-aphuii è rai pha duiine ithek sieng mua ro.

Dong 5:11

Din ne gu è riig, chiih-è gu è hamangkhliiethek shii yoi, ithek ne atham mua pha um ro! ithek ne biang shii isieng miseypho, chiih-è dukhothek shan ne riu,