1 Khorinthek 7:2 - Iwo Surua Mua Wie Pha Bible

² Jishii nyieliieshii siulao ne bajo um ro, jiè zab pha hò-aphuiithek ne awaithek ro yiy um bo, chiih-è zab pha hò-amuiithek ne awaithek ro gey um bo.

1 Khorinthek 7:2 ပူးပေါင်းရင်းမြစ်များ

Methiu 5:32

Jishii gu è nathek shii yao: Gey è awai yiy shii che arone, bimi yi siulao pha nyie ichiig oi pha aishii che muii arone, chiih-è ji pha bimi è gai shii gey magunde siulao ne ai è rek yi ro; chiih-è bimi ji è hanyie shii gey ji pha bufuii de siulao rek ro.

1 Khorinthek 6:18

Siulao thoh muii bo. Gai nyie layog rek magungde siu shii achun phro; jishii bran hanyie è siulao pha ichiig layogthek rek arone awai siu shii suang rek phro.

1 Khorinthek 7:1

Thuh, na mizey pha miyaothek chiang shii riig bo, bran jia è ayiyagey pha rek pha ji ne wie rek ro.

1 Khorinthek 7:3

Bufuii è gey duiine liingsed pha blia rek bo, chiih-è bimithek de yiy duiine awaithek blia liingsed pha rek bo, chiih-è zab gai è chid pha ji shii liingsed pha rek rai bo.

1 Khorinthek 7:9

Jishii nathek è chidthek pha ji shii azud mua arone, yiygey mage bo—Michid shii hùb shii ne yiygey liak pha hì wie ba ro.

Iphisithek 5:28

Hò-aphuiithek nawaithek siu shii miie pha duiine yiythek shii de miie bo. Hò-aphuii hanyie è yiy shii miie arone ai awai shii miie ara ro.

Iphisithek 5:33

Jishii hì ne nathek shii de yao ro: Zab gey ne yiy shii nawai shii duiine miie bo, chiih-è zab yiythek ne gey shii ilab phi bo.

1 Thesalonithek 4:4

Zab pha branthek ne awai yiy rog shii gang nane ilab shii khi-èrek ne rai pha ji ne thieg chid,

1 Thimothi 4:3

Jithek pha branthek yua yiygey nane ji pha giak michiethek chie phane ichiig ro. Jishii Hamangkhung-aphuii è jithek pha michie ne hanyie yi migiphothek nane izai shii thiegpho ne lasothek misia pha iidoh ne chie pha rab phi ro.