1 Khorinthek 7:15 - Iwo Surua Mua Wie Pha Bible

¹⁵ Jimagunde, hanyie yi migi arek ba pha è Masipho yiygey rog shii thoh yang arone, jine rey yi bo. Zai Masipho yiygey shii ne, yiy magun gey magun ichad nyarek mua phro. Hamangkhung-aphuii è nathek shii liijiing hà rai pha ho.

1 Khorinthek 7:15 ပူးပေါင်းရင်းမြစ်များ

Methiu 12:50

Hanyie è hamangkhung hà um pha gu Aphuii è aishii nyie rek phi bo yang pha ji rek phi pho ne gu khuiinothek, gu bumuiithek chiih-è gu amuii ro.”

LUG ro Muawie 9:39

Ibuii ragung è aishii khud srane hamblo shii ziak ne awailum ne chiih srane chiihphado sem è imamiung khia; aishii ne bajo duhug phi ne ruii srane diig yi.

Romanthek 12:18

Zab pha rog shii Liijiing rai pha na è zab rek muii pha ji rek mage bo.

Romanthek 14:19

Ji-è chiihphado, gethek ne idang liijiing yie pha chiih-è gethek chung nung ne chuh rek pha ji bidiang bo.

1 Khorinthek 14:33

nyieliieshii Hamangkhung-aphuii è gethek shii anuii rabo ne ayang jishii ilab nane liijiing rek bo ne yang ro. Zab charchthek pha Hamangkhung-aphuii pha bran duiine,

2 Khorinthek 13:11

Thuh shii, gu ijakthek! Wie è rai bo! Khriig rey pha bidiang bo; Gu è khung shii nuii bo; nawaithek chung nuii rai bo; liijiing shii rai bo. Chiih-è Hamangkhung-aphuii pha miie nane liijiing ne nathek rog shii um ruii phro.

Galathithek 5:22

Jimagungde Ragung ne miie, lubo, liijiing, lubuphiang, bushun, wie, migi,

Hebriuthek 12:14

Zab jia rog shii liijiing rek pha bidiang bo, chiih-è so chai rai pha bidiang bo, nyieliieshii sothek oi arone hanyie jia de Ithong shii adoh ruii phro.

Jems 2:15

Yangne khuiinothek nane bumuiithek hanyie yungthek chid pha um chiih-è chie pha acho phade um.