1 Khorinthek 6:1 - Iwo Surua Mua Wie Pha Bible

¹ Nathek è hanyie magunde Masipho chung è miyao um arone, ji pha miyao shii Hamangkhung-aphuii pha bran shii khriig rek yi pha khalo shii migi arek pha chuathek ibi shii wuii pha chua um lei?

1 Khorinthek 6:1 ပူးပေါင်းရင်းမြစ်များ

Methiu 5:45

jiè ne nathek ne hamangkhung pha Aphuii anithek rey mua ruii phro. Nyieliieshii ai è hasiang ne awie pha nane wie branthek shii chuang phi, chiih-è hanyie wie rek ne de hanyie è awie pha rek ne de haphie phi.

Bliathek 19:38

Demethrius nane ai bliaphothek è hanyie shii magungde gidieg nin pha um arone, gethek shii ji che pha riichai um ro, chiih-è, ji chua pha idang inai hò um ro; thiisa hà ne ilkhi nya rek mua.

1 Khorinthek 1:2

Khorinth shii um pha Hamangkhung-aphuii ro charch chiih-è Hamangkhung-aphuii è hanyie shii zab so pha bran rone ho pha, chiih-è hanyie yi aishii um pho ne Isu Masi rog shii phro, ithek ro Ithong nane gathek ro Ithong, hanyie è Isu Masi shii sia pha zab bran shii ò rek bo.

1 Khorinthek 14:33

nyieliieshii Hamangkhung-aphuii è gethek shii anuii rabo ne ayang jishii ilab nane liijiing rek bo ne yang ro. Zab charchthek pha Hamangkhung-aphuii pha bran duiine,

1 Khorinthek 16:1

Thuh shii, Judea hà rai pha Hamangkhung-aphuii pha bran shii nong phi pha nathek è zey pha bang chiang shii now bo. Nathek ne rek chid, gu è Galathia pha charchthek shii nathek shii nyie rek bo è yao pha ji rek bo.

1 Khorinthek 16:15

Nathek ne Sthephanas chiih-è airo haliing phothek chiang shii ne thieg. Ithek ne Akhaya shii zab è igobi Masipho rey chiih-è Hamangkhung-aphuii ro bran shii blia rek pha zab awaithek shii phi muii. Gu ijakthek, gu nathek shii khung,

1 Khorinthek 5:12

Nyayao chak arone, gune fuangpho shii chua pha guro rangsua asi ro. Hamangkhung-aphuii è ithek shii chua ruii phro. Jishii nathek ne nawaithek ro ò pha branthek shii achua bey? Jigigam shii yao, “Nathek ibrog è awie pha bran shii khia muii bo.”

1 Khorinthek 6:5

Nathek shii wo muii ro, izai thiisa hà hanyie è Masipho chung gui rai pha ji shii ne chua mua pha khua jia ne um iwa.