1 Khorinthek 2:8 - Iwo Surua Mua Wie Pha Bible

⁸ Hì pha sohjambling pha bo khophothek hanyie de hì pha khani ne athieg ro. Ithek è thieg arone, ithek ne biisiie pha Ithong ne bai hà azun chid.

1 Khorinthek 2:8 ပူးပေါင်းရင်းမြစ်များ

Methiu 11:25

Jipha ishak shii Isu è yao, “Aphuii, hamangkhung nane sohnyiak pha Ithong! Gu Nashii laso phi, nyieliieshii na è khua pho è ug ne ruii pha ji a-ìd pho shii doh yi.

Methiu 13:22

Migembiing shii chiih pha iriie ne hì ro, hanyie thek è mua ji yoi, jimagunde ichiih pha chai chiang shii samdiig srane bukho rek pha ji miie ne mua shii giao dun, chiih-è ithek ne iwoi awoi mua.

LUG ro Muawie 23:34

Isu è yao, “ithek shii khung phi bo, Aphuii, ithek nyie rekramuii pha ji ne ithek ne athieg ro.” Ithek è siok fen srane airo yung yi awaithek chung thang rai.

JON ro Muawie 16:3

Bran è nathek shii ji rek pha ji ne, nyieliieshii ithek ne Aphuii nane gu shii ne a-ìd ro.

JON ro Muawie 7:48

Nathek è dumuii nane Pharisithek jia de aishii migi now pha doh bey?

JON ro Muawie 8:19

Ithek è aishii sai, na Aphuii ne giisa lei? Ai è ithek shii chang nathek gu shii de athieg ba ro chiih-è nathek gu Aphuii shii de athieg mua ba ro. Nathek è gu shii thieg arone gu Aphuii shii de thieg jong phro.

Bliathek 13:27

Jerusalem shii rai pho nane thiichiih shii dumuii rek phothek ne ai ne giawo rek pha ji rone athieg ro, chiih-è, ithek ne chaigthek pha miyaogamthek ne Jewish Thung pha Inai shii idang tham ne rai magungde jithek pha miyao agao ro. Jishii, ithek è Isu shii layog nin ne chaigthek miyaogamthek ji izai rey yi dun ro.

Bliathek 7:2

Sthephen è chang, “Aphuiithek nane khuiinothek wo! Gu miyao hì nuii bi bo! Buyo shii gethek blang pha Abraham è Haran soh hà rai pha adun ba shii Hamangkhung-aphuii pha biisiie ne” Mesophothamia ithua shii khia khlei ne aishii yao,

1 Khorinthek 1:20

Ji-è ji arone, khua ne khi hà dun dun lai? Dinne bajo ìd pho ne khi hà dun dun lai? Dinne ichiih sohjambling pha lie pho ne khi hà lei? Hamangkhung-aphuii è ichiih sohjambling pha khani ne bi-ìe rone doh yi!

1 Khorinthek 2:6

Jishii hanyie yi ragung shii weg arone gune aishii khani pha mua ji yua. Jishii sohjambling è rey pha blu dinne sohjambling shii bukhothek pha bluthek—blu ne awaithek blu shii san muii pha khani ji asi ro.

2 Khorinthek 3:14

Zai ithek khani de cheg dun; chiih-è ithek ne ihèg jigigam pha shiinyie ji tham mage shii, duchung pha ishak shii de ò yung è cheg muii ro. Bran jia yi Isu shii ò rey mage, ji pha yung ne thandun.

Iphisithek 1:17

chiih-è gethek ro Ithong Isu Masi ro Hamangkhung-aphuii biisiie pha Aphuii shii lia ro chiih-è ai è nathek shii Ragung phi bo chiih-è Ragung nathek shiine nathek shii khani phi ne Hamangkhung-aphuii dong yi, ji-è nathek de aishii ìd ruii phro.

Iphisithek 4:18

chiih-è hanyie khani yi igiia hà um lei ne. Ithek ne Hamangkhung-aphuii è phi pha chai shii ne mathang oi ro, chiih-è ithek ne zab athieg pho nane lawasdai ro.

1 Thimothi 1:13

Dohbi hàne gu è aishii awie pha yao ne diig phi ne makhak-riing. Jishii Hamangkhung-aphuii gu shii bushun rek phi nyieliieshii gu ne migi de oi ba chiih-è gu ne nyie rek pha ji ne gu ne athieg ba ro.

Jems 2:1

Gu khuiinothek nane bumuiithek, Gathek ro biisiie pha Ithong Isu Masi pha migiphothek duiine, nathek ne branthek shii ithek ro fuang è doh yi pha ji duiine khuchung de haro-ahand rabo.