1 Khorinthek 11:5 - Iwo Surua Mua Wie Pha Bible

⁵ Chiih-è hò-amuii hanyie è hong ne misiasia shii nane Hamangkhung-aphuii mua yao shii khrug acheg pha jine awai gey shii makhak-riing rek; bimi nane hò-amuii ne khaziang laig pho è nyie yo asi ro.

1 Khorinthek 11:5 ပူးပေါင်းရင်းမြစ်များ

LUG ro Muawie 2:36

Asher pha jad Phanuel idimi Ana beng pha chaig weg jia um. Ai ne gey dun ne idam miley rey ba bie shii ai ne idam samiliao è wi reyjong dun. Ai ne Misiahò shii athodang; ai ne hanai nane habiu de Hamangkhung-aphuii shii minyie nane misia sia.

Bliathek 2:17

“Hamangkhung-aphuii è yao” Ishak jong sha pha rey shii gu è nyie rek phi pha um ga gu è zab bran shii Ragung phi ruii phro. Na dufuii, dimithek de gu mua hì yao ruii phro; na filiaothek de chaig ruii phro, chiih è, wegthek de ibangthek bang ruii phro.

Bliathek 21:9

Aishii gey adun ba pha dimi wi Hamangkhung-aphuii pha mua yao ne rai pha um iang.

1 Khorinthek 11:4

Ji-è bran hanyie è hong ne misiasia shii Hamangkhung-aphuii ro mua yao ne zab shii airo khrug chaig pha ji ne Masi shii makhak-riing ro.

1 Khorinthek 11:6

Hò-amuii è awaithek khrug shii acheg arone, ai ne awai khaziang laig liak ji wie ro. Chiih-è hò-amuiithek ne gadong khli magunde khaziang laig magunde biwo pha miyao ro, jiè hò-amuiithek ne khrug cheg chid phro.

1 Khorinthek 14:34

hò-amuiithek ne malethek shii aro pha rai bo. Ithek maley shii ne nyie yao mua pha oi ro, Jewthek pha Iphey shii yao ro, ithek ne dumuii arek mua.