1 Khorinthek 1:30 - Iwo Surua Mua Wie Pha Bible

³⁰ Jishii Hamangkhung-aphuii è gethek shii Masi Isu rog shii ò rai yi pha noh, chiih-è Hamangkhung-aphuii è Masi shii gethek ro khani rab phi. Ai chiang è gethek ne Hamangkhung-aphuii rog shii giang ruii; gethek de Hamangkhung-aphuii ro so bran rey ro chiih-è gethek ne layog è ichad rey ge ro.

1 Khorinthek 1:30 ပူးပေါင်းရင်းမြစ်များ

Methiu 1:21

Ai è ani bufuii jia giak ruii phro, na ne ji pha ani shii Isu beng bo, nyieliieshii, ai è awai branthek shii awaithek layog è ragia rek phi ruii phro.”

LUG ro Muawie 11:49

Hì pha chiang è Hamangkhung-aphuii khani è yao, Gu chaigthek nane muaphothek shii thoh ge, ithek è giak shii ua srane, chiih-è giak shii diigchiao phi.

LUG ro Muawie 21:15

nyieliieshii gu naro mak phothek è achang mua dang pha miyaogamthek nane khani phi ruii phro.

JON ro Muawie 1:18

Hanyiejia de Hamangkhung-aphuii shii adoh ba ro. Hanyie yi Hamangkhung-aphuii duii pha Hamangkhung-aphuii Dufuii iphen ji è doh bie ro.

JON ro Muawie 14:6

Isu è chang, “Gu ne lumuii, chiih-è izai, chiih-è sieng pha ne gu ro, gu è asi sapho shii ne hanyie magungde Aphuii shii awuii mua phro.

JON ro Muawie 17:26

Gu è ithek shii na shii thieg yi pha rab, chiih-è ne athodang pha ro, chiih-è naro miie gu shii um pha ji ne ithek shii de um, chiih-è gu de ithek shii um mua ro.”

JON ro Muawie 17:8

Gu è ithek shii mua phi pha ji ne na miphi ro, chiih-è ithek è choi ne; ithek ne thieg hì ne izai chak chiih-è gu ne na è wuii ro, chiih-è ithek ne migi rek gu shii ne na muthoh ge chak ro.

JON ro Muawie 8:12

Isu è Pharisithek shii yao din. Ai è yao, “Gune sohjambling pha muchuang ro,” Ji-è hanyie è gu rog shii luagieng arone ai ne ji pha chai muchuang mua ruii phro, chiih-è ai ne khuchung de igiia hà alua din sha phro.

Bliathek 26:18

Nane ithek mieg hong phi ne igiia è isang hà rai yi chid phro, chiih-è Sakhathong pha blu è Hamangkhung-aphuii shii rai yi chid phro. Ji arone, awaithek è gu shii migi now pha ji è awaithek layog khung dun srane Hamangkhung-aphuii gua pha branthek rog rai pha ithua mua ruii phro.

Romanthek 1:17

Muawie ji è Hamangkhung-aphuii ne branthek awai rog shii khi-èrek ne rangsua ruii pha ji dong phi: hì ne migi è igobi è yie ne jao pha nane jongdang pha ro. Jigigam shii yao, “Branthek hanyie yi migi ji è Hamangkhung-aphuii rog shii rangsua è rai phane sieng phro.”

Romanthek 11:36

Chiih-è zab pha manathek ne ai è rey phro, chiih-è zab pha manathek ne ai è khia ruii phro chiih-è zab ne airo ro. Hamangkhung-aphuii rone idang biisiie rey bo! Amen.

Romanthek 12:5

Ji duiine, chiihphado gethek ne bajo, gethek ne Masi rog shii siu jia bie ro, chiih-è gethek ro yo shii siu ne jia bie ro.

Romanthek 16:11

Ijak Jewthek, nane Narkhisus haliingthek pha Masipho Herodion shii de salamthek.

Romanthek 16:7

Gu rog shii phatheg hà ò rai pha Andronikhus nane Junias ijak—Jewthek shii de salamthek ro; ithek ne guaphasamoythek duchoi shii wie thieg phro, chiih-è ithek ne gu è arab ba pha ibi shii Masiphothek reyjong ro.

Romanthek 4:25

Nyieliieshii gethek layog chiang è ai iy dun, chiih-è gethek shii Hamangkhung-aphuii rog rangsua ruii pha hòi din phi.

Romanthek 4:6

Hamangkhung-aphuii è branthek hanyie yi blia rek pha ji è asi pha migi chiang è giang rone choi phi pha ji shii ne Dawid è de wie rone yao ro.

Romanthek 5:19

Chiih-è nyieliieshii bran jia è miyao anuii pha rek srane doh ne zab pha bran shii layogphothek rey dun, ji duiine doh ne bran jia miyao nuii srane ithek shii Hamangkhung-aphuii rog giang rai yi.

Romanthek 5:21

Ji-è chiihphado, layog è iy pha ji è ilkhi rek pha duiine, idang chai hà lua now pha Isu Masi chiang è Hamangkhung-aphuii bushun ne giang hà ilkhi rek ruii phro.

Romanthek 8:1

Thuh shii hanyie ne Masi Isu rog shii ò rai pho ne the pha oi sha phro.

Romanthek 8:23

Jishii hì ne zen pha awai ji jia muro asi ro, gethek hanyie shii igobi Hamangkhung-aphuii ro lasen hèg pha ragung um pho Hamangkhung-aphuii è awai ani rab ne gethek ro zab thoh phi pha ji shii khan pho de ro muii ro.

Romanthek 8:9

Jishii nathek ne bran siu duiine arai rabo è yao bo; ji phachiang, shii nathek ne ragung shii rai bo è nawaithek shii yao bo—chiihphado, izai Hamangkhung-aphuii Ragung ne nathek rog shii rai phro. Hanyie shii Ragung oi arone Masi ne ai è asi ro.

1 Khorinthek 1:2

Khorinth shii um pha Hamangkhung-aphuii ro charch chiih-è Hamangkhung-aphuii è hanyie shii zab so pha bran rone ho pha, chiih-è hanyie yi aishii um pho ne Isu Masi rog shii phro, ithek ro Ithong nane gathek ro Ithong, hanyie è Isu Masi shii sia pha zab bran shii ò rek bo.

1 Khorinthek 1:24

jishii Hamangkhung-aphuii è hanyie shii ho pha ji ne, nyi manyi Jewthek nane Gaibran shii de ro, hì pha mua ne Masi ro, hanyie shii Hamangkhung-aphuii ro blu nane Hamangkhung-aphuii ro khani um ro.

1 Khorinthek 12:18

Hì ne nyieliieshii, Hamangkhung-aphuii è nyie khi è chid lei ne siu shii zab yo ichua rab ne ruii.

1 Khorinthek 12:27

Nathek zab ne Masi ro siu ro, chiih-è zab jia ne ji pha ichuathek ro.

1 Khorinthek 12:8

Ragung è bran jia shii ley khani pha mua phi, chiih-è ò Ragung ji è gai bran shii de ìd pha ley khani um pha mua ji phi.

1 Khorinthek 4:15

Nathek Masipho chai shii itham sua gayiigphothek um ne de, nathek shii aphuii jia bie ro. Nathek chai Masi rog shii ò um pha ji ne gu nathek shii Mua Wie yie pha ji è gu nathek ro aphuii rey ro.

1 Khorinthek 6:11

Nathek giak ne ji duiine ro. Jishii nathek shii ne layog è igang rekjong ro; nathek è Hamangkhung-aphuii shii phijong ro; nathek shii ne gathek ro Hamangkhung-aphuii ro Ragung nane Ithong Isu Masi è nathek shii ne Hamangkhung-aphuii rog shii rangsua ruiijong ro.

2 Khorinthek 12:2

Gu ne izai Masipho pha bran jia shii dam snawi è ibi shii zab è giu pha hamangkhung hà noh dun pha thieg, (gu ne athieg hì izai rey nebey dinne hì ne ibang bang nebey ro—jishii Hamangkhung-aphuii thieg bie).

2 Khorinthek 4:6

Hamangkhung-aphuii hanyie è yao, “Igiia ne isang chuang ruii phro!” jine ò Hamangkhung-aphuii hanyie è awairo isang gethek lubu shii chuang phi, hì pha blia ne Masi mizia shii Hamangkhung-aphuii ro biisiie chuang pha khani ji gathek shii noh pha rek.

Galathithek 1:4

Gethek shii duchung pha awie pha idam è ragia rek phi ne chiih-è gethek ro Hamangkhung-aphuii nane Aphuii è yang pha ji nuii pha ji re-è, Masi awai ne gethek layog chiang phi muii.

Galathithek 3:13

Jimagungde gethek chiang Masi de thamiie thoh pha ji è gethek shii Iphey è thamiie pha ji è khia phi; jigigam shii yao, “Hanyie magungde hingmuii shii zun ne iypho ne Hamangkhung-aphuii è thamiie pha iliing shii ro.”

Iphisithek 1:10

Hì pha phak ne Hamangkhung-aphuii è zab rek pha khriig ishak thok mage shii, zab hamangkhung pha nane zab sohnyiak pha rab pha ji shii ò jia shii yie pha, ai rog shii ne Masi ne khrug ro.

Iphisithek 1:14

Hamangkhung-aphuii è awairo branthek shii sbang nyie rek pha ji ne gethek shii mua ruii phro ne ibi è Ragung So ne phijong ro, chiih-è hì ne gethek shii phi phro ne, Hamangkhung-aphuii hanyie awairo shii ne zab ichad rek phi ruii phro ne zai yaodang ro. Ji-è cho gethek ne airo biisiie pha ji shii chiong rai haro!

Iphisithek 1:7

Masi ifai chiang è gethek shii ichad rek phi, jine gethek ro layog ne khung ge ro. Hamangkhung-aphuii ro bushun ne bajo boh ro,

Iphisithek 2:10

Gethek ne nyie khi-èrek ne um pha ji Hamangkhung-aphuii awai è rab phi, chiih-è gethek ro Masi Isu rog shii ò pha ji è ai è gethek nyie rek yi pha saro ne ruiijong pha ji ne gethek shii wie blia rek pha chai rab phi.

Iphisithek 4:30

Chiih-è Hamangkhung-aphuii ro Ragung So shii azo yi rabo; chiih-è nathek shii Hamangkhung-aphuii ne muspho rone Ragung è cheb rab ro, Zai yao dang Hamangkhung-aphuii è nathek shii ichad rek phi pha Inai ne thok ruii phro.

Iphisithek 5:26

Ai è hì rek pha ji ne kho è sud ne so rab pha iidoh shii airo miyaogam ji è charch shii Hamangkhung-aphuii shii zid pha rek srane

Philiphithek 3:9

chiih-è ai rog shii zab ò rek mua. Gu ne guilum ne giangthek oi ro, jithek pha ichua ne Iphey nuii pha ji è mua ro. Gu shii thuh giang um pha ji ne Masi shii migi ji è phi, giang ji ne Hamangkhung-aphuii è thog ruii chiih-è migi chiang è ro.

Kholosithek 1:14

hanyie è gethek ro layogthek khung phi srane ichad rek phi.

Kholosithek 3:16

Masi ro mua ne zab nathek shii lubuthek hà um bo. Nawaithek chung zab khani rog shii yua ne yung rai bo. Sthun bai ne, ibai bai ne, so ibaithek bai ne; Hamangkhung-aphuii shii nawaithek lubu è ibai bai ne laso phi bo.

1 Thesalonithek 5:23

Hamangkhung-aphuii hanyie è gethek shii liijiing phi ne zab pha lumuii shii so rab ne na è rek pha ji shii zab ruii bo—ragung, luruak, nane siu—gethek ro Ithong Isu Masi wuii shii zab ichiig ne ichad ruii bo.

Thaidas 2:14

Ai è gethek shii awie pha ji è ragia rek pha chiih-è gethek shii igang bran rab pha chiih-è awai ji pha bran rey yi pha chiih-è wie rek yang yi awaishii gethek chiang phi muii.

Hebriuthek 9:12

Masi è haliig dong wuii shii, ai ne siphin fai nane rawoi mizid zid ne aphi ro; gethek shii idang pha chai mua yi pha ai ne awai nujo ro ifai yie ne Bajo So Ithua shii luang jia shii idang pha wuii.

Jems 1:5

Jishii nathek è hanyie magunde khani shii asiog arone, hanyie è nathek shii phi ruii pha, nathek ne Hamangkhung-aphuii shii sia bo, nyieliieshii Hamangkhung-aphuii è nathek zab shii lubu hong ne chiih-è bushun rek ne phi ro.

1 Phithar 1:2

Hamangkhung-aphuii pha Aphuii chiang è nathek shii ne gua ro. Ragung re-è nathek shii ne so branthek rab ro, nathek ne Isu Masi shii nuii chid, chiih-è airo ifai è nathek shii sud phi ro. Bushun nane liijiing nathek shii ley um bo.

2 Phithar 1:1

Isu Masi ro khiao nane guaphasamoy, Simon Phithar re-è— Hanyie yi gathek ro Hamangkhung-aphuii nane Ragia Isu Masi pha rangsuathek ji è gathek ro igong migi duiine hanyie shii phi pha ji shii hìpha jigi phijong ro:

1 Jon 5:6

Isu Masi ne khowo pha kho nane ai iy pha ifai jithek rog shii wuiijong ro. Ai kho rog shii awuii bie ro, jishii kho nane ifai nyimanyi rog shii wuiijong ro. Chiih-è Ragung awai è ji pha miyao jishii khagi rek, nyieliieshii Ragung ne izai.

Dong 14:4

Ithek ne hò-amuii rog shii amen pha awaithek shii igang ruii ro; ithek ne gangthek ro. Ithek ne shiishaiduii ai khi hà wuii pha jihà luagieng ro. Ithek shii ne ikhe tharohthamang jad re-è iruii phi ne ragia rey yi, chiih-è igobi Hamangkhung-aphuii nane shiishaiduii shii zid pha ji ro.

Dong 5:9

Ithek ne iwo ibai bai: “Nane nim shii yie ne nabthek shii hong mua spho ro. Chiih-è na shii ne uamuii, chiih-è naro iy pha khlem re-è zab pha iiriing, nyuakthek zab pha branthek shii chiih-è jad shii ne Hamangkhung-aphuii pha pheg phi ro.