1 Khorinthek 1:27 - Iwo Surua Mua Wie Pha Bible

²⁷ Hamangkhung-aphuii è khani oi pho shii gua pha ji ne nak ne sohjambling pha khani um pho shii biwo rek yi pha rek, chiih-è sohjambling pho zia ro è yao pha ji shii gua ne blu pho shii biwo rey yi.

1 Khorinthek 1:27 ပူးပေါင်းရင်းမြစ်များ

Methiu 11:25

Jipha ishak shii Isu è yao, “Aphuii, hamangkhung nane sohnyiak pha Ithong! Gu Nashii laso phi, nyieliieshii na è khua pho è ug ne ruii pha ji a-ìd pho shii doh yi.

Methiu 21:16

Ji-è, ithek ne Isu shii sai, “Na de ithek è nyie yao ramuii pha ji yoi chak bey?” Isu è chang, “Gu de yoi chak ro.” “Nathek ne hì pha jigigam ji atham riig bey? Nathek ne aniphiing nane aniphiing shii wie è chiong pha yua jong.”

Methiu 9:9

Isu è ji pha ithua thoh marui ne ai ibi lua shii, Methiu, beng pha mijin than pha ji awai ophis shii dug ne rai iang pha doh, ai è aishii yao “Gu idoh shii luagieng bo.” Methiu jai fad srane ai idoh luagieng.

LUG ro Muawie 21:15

nyieliieshii gu naro mak phothek è achang mua dang pha miyaogamthek nane khani phi ruii phro.

Bliathek 17:18

Ephikhurean nane Sthoikh pha masdothek de ai rog shii khnaing noh. Thiichiih um pha bran giak è de aishii sai, “Bi-iy hì nyie arey pha yao ne doh yi pha bidiang phlei?” Gaithek è de chang din, “Ai ne gai thiigpho pha hamangkhung-aphuii chiang yao ramuii pha duiine ro.” Ithek è ji yao phane nyieliieshii, Phaul è Isu nane Isu hòi pha miyao ji yao mage ne yao dun ro.

Bliathek 7:35

“Moses ne, Israel pho è snai pha bran ji ro. ‘Branthek è gethek shii che phi pha bohkhoh bow phane aishii hanyie è bow lei?’ Isai pha bran ji ro. Ai ne Hamangkhung-aphuii è branthek shii khohthek bow srane bai hòi pha jabiingsing shii khia pha hamangkhliie pha nong pha yie srane branthek shii duhug rek ne rai pha ji è fuang khia phi pha bran ji ro.

Bliathek 7:54

Limiang brogthek è Sthephen miyao ji nuii ne bajo lijieg ne sinyinthek thak dun.

1 Khorinthek 1:20

Ji-è ji arone, khua ne khi hà dun dun lai? Dinne bajo ìd pho ne khi hà dun dun lai? Dinne ichiih sohjambling pha lie pho ne khi hà lei? Hamangkhung-aphuii è ichiih sohjambling pha khani ne bi-ìe rone doh yi!

1 Khorinthek 1:21

Hamangkhung-aphuii è branthek shii awaithek khani è aishii athieg yi pha rab muii. Ji phachiang shii, gethek muyua pha mua ji ne thaluii “bi-ìe” rone yao pha ji ne, hanyie è migi rek pha ji shii ne ragia rey phrone Hamangkhung-aphuii è phakjong ro.

1 Khorinthek 2:12

Gethek ne ichiih sohjambling pha ragung achoi ro; ji pha chiang shii gethek ne Hamangkhung-aphuii è thoh ge pha Ragung shii choi, chiihphado gethek ne Hamangkhung-aphuii è gethek shii phi pha ji ne nyathieg mua phro.

2 Khorinthek 10:10

Giak è ne yao, “Phaul ro jigigam ne bangchai nane gang ro, jishii bran è ai gethek rog um mage shii ne, ai ne zia, chiih-è ai miyaogamthek de nyie asi!”

2 Khorinthek 4:7

Thuh shii hì pha luruak pha nuruii ne gethek hanyie shii um pho ne thaluii pha khalia jariiethek duiine ro, ji pha chiang è bajoboh blu ne gethek shii asi pha Hamangkhung-aphuii è rone ji doh yi.

Jems 2:5

Yoi bo, gu khuiino nane bumuiithek! Hamangkhung-aphuii è ichiih soh shii dusho shii gua ne migi shii bukho rey yi chiih-è ai è hanyie shii miie pho shii sbang rek pha sajathua shii mua yi ro.