1 Jon 4:16 - Iwo Surua Mua Wie Pha Bible

¹⁶ Chiih-è Hamangkhung-aphuii shii gethek ro um pha miie shii gethek ne ìd chiih-è migi rek. Hamangkhung-aphuii ne miie, chiih-è hanyie è miie shii rai ithek ne Hamangkhung-aphuii rog ò shii chiih-è Hamangkhung-aphuii ithek rog ò shii rai ro.

1 Jon 4:16 ပူးပေါင်းရင်းမြစ်များ

JON ro Muawie 6:69

Thuh shii gathek ne migi rek chiih-è gathek ne thieg na ne Hamangkhung-aphuii è thoh ge pha So Jia ji ro.”

JON ro Muawie 9:3

Isu è aishii chang, airo imiegthi hì ne awai layog è de asi ro chiih-è ai aphuii-amuii pha layog de asi ro. Airo imiegthi hì ne Hamangkhung-aphuii ro blu aishii blia rek rone doh yi pha ji mirey ro.

1 Khorinthek 2:9

Jimagunde, jigigam shii yao, “Hanyie è khuchung de adoh dinne khuchung de ayoi, hanyie è khuchung de anow pha ji ne rey ruii phro, Hamangkhung-aphuii è jine hanyie è aishii miie, ji shii saro phi.”

1 Jon 3:1

Riigbo Aphuii è gethek shii khama miie! Ai ro miie ne bajo bajoboh ji è gethek shii Hamangkhung-aphuii aniphiing rone ho—Chiih-è ji è, jine izai, sohjambling è gethek shii a-ìd: nyieliieshii ai ne Hamangkhung-aphuii shii de a-ìd.

1 Jon 3:16

Masi è gethek chiang awai chai phi, ji è gethek ne miie shii ìd. Chiihphado, gethek de, gethek chai shii de khuiino nane bumuii shii phi!

1 Jon 3:24

Hamangkhung-aphuii muyungthek shii hanyie è nuii ai ne Hamangkhung-aphuii rog ò shii rai chiih-è Hamangkhung-aphuii ithek rog ò shii rai ro. Chiih-è nyieliieshii Hamangkhung-aphuii è gethek shii Ragung phi, ji è gethek ne ìd Hamangkhung-aphuii gethek rog ò shii rai.

1 Jon 4:7

Bushun pha iijiiakthek, cho gethek chung miie rai haro, nyieliieshii miie ne Hamangkhung-aphuii è ro. Hanyie è miie ithek ne Hamangkhung-aphuii aniphiing ro chiih-è Hamangkhung-aphuii shii ìd ro.