1 Jon 3:8 - Iwo Surua Mua Wie Pha Bible

⁸ Hanyie magunde athohdang pha layog rek pho ne ai ne Sakhathong re-è ro, nyieliieshii bajo igobi è Sakhathong ne layogthek rek ro. Hì pha chiang è Hamangkhung-aphuii ro Dufuii khia pha ji ne, Sakhathong è rek pha ji shii srobro rek yi pha khia ro.

1 Jon 3:8 ပူးပေါင်းရင်းမြစ်များ

Methiu 12:28

Asi, hì ne sakhathong asi ro, jimagunde Hamangkhung-aphuii pha ragung ro, hanyie è gu shii blu phi ne ibuiithek khia yi, ji è ne Hamangkhung-aphuii pha Sajathua ne nathek lakhung shii wuii rone khagi rek phi.

Methiu 13:38

Raig ji ne sohjambling ro; iriie wie ji ne hanyie Sajathua pha bran ithek ro ro. Saingthek ne hanyie awie pha jia jithek ro,

Methiu 4:3

Chiihphado Ibuii è aishii wuii srane yao, “Na Hamangkhung-aphuii pha Dufuii arone, hì pha lubao shii yung srane iweb rey yi bo.”

Marg 1:24

“Na ne gu rog shii nyie blia um lei? Nazareth pha Isu, na ne gu shii diig phi pha wuii ne bey? Na ne hanyie lei? Ji gune thieg muii ro, nane Hamangkhung-aphuii pha So muapho ro.”

LUG ro Muawie 10:18

Isu è ithek shii chang, “Sakhathong ne hamangkhung è haliao duiine bliak ne chiih pha doh muii ro.

JON ro Muawie 12:31

Thuh ne ichiih sohjambling shii chua pha ishak ro; chiih-è ichiih sohjambling pha khohpho shii ne zab fen ruii phro.

JON ro Muawie 16:11

Chiih-è chua pha ji shii de ichiig rey dun ro, nyieliieshii ichiih sohjambling shii bohkhothek è khuchung muzo aishii guajong ro.

JON ro Muawie 8:44

Na ne nawairo aphuii ibuii pha ani ro, chiih-è ithek ne nawairo aphuii munow ji rek ara ro. Chiih-è ai ne igobi è sgohpho ro chiih-è ai ne izai hà khuchung de alua ro, nyieliieshii aishii ne izai de oi ro. Ithek khlam shii, ai ne awai lum ne rek bie phro, nyieliieshii ai ne khlam pho ro, chiih-è ai ne khlam pha aphuii.

Romanthek 16:20

Chiih-è Hamangkhung-aphuii è gethek ro liijiing pha lumuii è Sakhathong shii chui srane gethek lai bucho shii ruii muii phro. Gethek ro bushun pha Ithong Isu ne nathek rog shii um bo.

Iphisithek 2:2

Jipha ishak shii nathek ne sohjambling pha awie pha lumuii shii nuii ne lua; chiih-è nathek ne hamang hà ragung pha bluthek pha khohpho, ragung shii nuii, thuh shii ji pha ragung ne bran hanyie è Hamangkhung-aphuii shii anuii pho shii khoh ro.

Kholosithek 2:15

Chiih-è ji pha bai è Masi ne blu pha luruak khohphothek nane riichaithek è awai shii ichad rek ge; chiih-è zab pha moe ithek shii khiao rab ne airo yang pha lubo pha ji shii noh dun.

1 Thimothi 3:16

Khama Bajobo pha ug nane gethek ro giang shii ne hanyie jia de asnai mua phro: ai ne tharohthamang rey ne dong khlei, Ragung re-è rangsua rone doh yie, chiih-è khliiethek è aishii doh. Ai chiang shii ne soh duchoi shii yua, Zab pha sohjambling è aishii migi rek, chiih-è aishii ne hamangkhung hà noh dun.

Hebriuthek 2:14

Ai è ithek shii aniphiing rone ho phane, ibey nane ifai bran ro, Isu awai de ithek duiine rey dun ne ithek tharohthamang ziig ji shii thang. Ai è ji rek pha jine nyieliieshii airo iy pha ji è hanyie shii iy pha blu um pha ibuii shii ai ne srobro rek mua pha ji rek,

Hebriuthek 9:26

chiihphado sohjambling nyarab dang è yie ne thuh thog pha bame diig rek iwa. Ji pha chiang shii, thuh iidohè pha ishak moe è yie ne zab idam shii, awai shii zid pha ji è zab layogthek shii sud phi pha, ai ne luang jia idang pha khia ro.

2 Phithar 2:4

Hamangkhung-aphuii è layog rek pho hamangkhliiethek shii athoh ro, jishii ithek shii thumluii hà fen muii, Chua pha Inai pha ithek shii igiia hà phiing ne rai ro.

1 Jon 1:2

Ji pha chai shii doh muii pha rey magey shii, gethek riigjong ro, ji è gethek yao ruii chiih-è nathek shii idang pha chai chiang ji yao ruii nyie ji yi Aphuii rog um chiih-è gethek ìd yi ro.

1 Jon 3:10

Ichiih ne Hamangkhung-aphuii nane sakhathong aniphiing duchoi shii ne sang è yoh-yoh um ro: hanyie è izai shii arek chiih-è gaithek shii amiie, ithek ne Hamangkhung-aphuii ro aniphiing asi ro.

1 Jon 3:5

Nathek ne ìd Masi ne layogthek shii khia rone yiedun pha thog, chiih-è aishii ne nyie de layog oi ro.

1 Jon 5:19

Gethek ne ìd zab sohjambling yi Awiepha Jia ro bokho shii magunde gethek ne Hamangkhung-aphuii ro bran ro.

JUD ro Jigigam 1:6

Hamangkhliiethek shii now bo hanyie è awai ro riichai shii wie arai pha thoh muii, ithek shii iliing pha igiia hà idang pha snai è joi ne ruii ro, Hamangkhung-aphuii è ji pha boh Inai shii ithek shii ne the pha ruii.

Dong 20:10

Chiihphado hanyie è ithek shii khinrin rek pha Sakhathong shii ne, khi hà buii ibeymuthung nane biidiie pha chaig shii fenjong bsa hà bai khabang nane barud hà fen muii ro; chiih-è ithek ne habiu nane inai idang nane idang sud ruii phro.

Dong 20:15

Chai pha jigi shii hanyie ro ibeng zey ne oi pho shii ne bai pha khabang hà fen muii.