1 Jon 2:14 - Iwo Surua Mua Wie Pha Bible

¹⁴ Gu ne nathek shii zey, gu aniphiing, nyieliieshii nathek ne Aphuii shii ìd, gu ne nathek shii zey, gu aphuiiphiing, nyieliieshii nathek ne aishii igobi è um rone ìd. Gu ne nathek shii zey, gu filiao-miliao branthek, nyieliieshii nathek ne gang. Hamangkhung-aphuii ro jigigam ne nathek shii rai, chiih-è nathek ne sakhathong è yang ge ro.

1 Jon 2:14 ပူးပေါင်းရင်းမြစ်များ

JON ro Muawie 15:7

Nathek de gu rog shii ò rai ne, chiih-è gu miyaogamthek de nathek shii ò ne rai arone, nathek nyie ched pha ji lia magunde, nathek shii mua ruii phro.

JON ro Muawie 5:38

Chiih-è airo mua shii de nathek lubu hà aruii, jiè nathek aishii thoh ge pha jishii de migi arek.

JON ro Muawie 8:31

Ji-è Isu hanyie è aishii migi now pho shii yao, na gu miyao ji nuii arone, ithek ne gu ro izai samoythek chak ro;

JON ro Muawie 8:37

Gune ithek shii thieg ithek ne Abraham ro riingthek chak ro, jimagungde ithek ne gu shii ua pha suruii ramuii ro, nyieliieshii ithek ne gu miyao ji anuii ro.

Iphisithek 6:10

Idohhè, nawaithek chua ne Ithong rog shii ò rek ne chiih-è airo riichaiboh blu ji shii rab bo.

Philiphithek 4:13

Gu ne Masi è gu shii phi pha blu è zab shii nyarek mua.

Kholosithek 1:11

Nathek ne nyie airo biisiie boh blu è thog pha chuh pha rog shii gang ji rek phi, ji è nathek ne lubuphiang pha rog shii zab zud mua. Chiih-è lubo rog shii Aphuii shii laso phi mua ruii phro. Hanyie shii nawairo mathang mua spho rek phi pha ji shii ne Hamangkhung-aphuii è awai branthek ro nyie shii isang pha Sajathua hà ong ne ruii phi ro.

Kholosithek 3:16

Masi ro mua ne zab nathek shii lubuthek hà um bo. Nawaithek chung zab khani rog shii yua ne yung rai bo. Sthun bai ne, ibai bai ne, so ibaithek bai ne; Hamangkhung-aphuii shii nawaithek lubu è ibai bai ne laso phi bo.

2 Thimothi 2:1

Gu dufuii, na shii, Masi Isu rog shii gethek ro ò bushun ji è gang rek bo.

Hebriuthek 8:10

Thuh, Ithong è yao, inai thog ruii shii Israel pha bran rog shii gu è rab pha shiinyie ne hì ro: Gu ne gui ro iphey ithek khani shii chab phi chiih-è ithek lubuthek shii zey phi pha ro. Gu ne ithek ro Hamangkhung-aphuii rey, chiih-è ithek ne gu bran rey ruii phro.

1 Jon 1:1

Gathek ne nathek shii chai pha miyaogam chiang shii zey, nyie yi igobi è um. Nyie yi gethek è ji shii khoh è yoijong, chiih-è gethek ji shii mieg è riigjong; oh, gethek riigjong gethek wad è de khohjong.

1 Jon 1:10

Gethek ne layogthek arek rone yao arone, gethek ne Hamangkhung-aphuii shii khlam rone rab ro, chiih-è airo miyaogam ne gethek shii oi ro.

1 Jon 2:13

Gu ne nathek shii zey, gu aphuiiphiing, nyieliieshii nathek ne aishii ìd igobi è um rone ìd. Gu ne nathek shii zey, filiao-miliao branthek, nyieliieshii nathek ne sakhathong è yang ge ro.

2 Jon 1:2

nyieliieshii zai è gethek rog shii chiih-è jine gethek rog idang rai ro.

3 Jon 1:3

Giak Masiphothek gu shii wuii ne gu shii yao, nane khama chua è isiie nane zai shii rai ramuii, ji yao shii gu ne bajo sang—Idang zai shii rai pha duiine rai ramuii.

Dong 2:3

Nathek ne lubu phiang rek, nathek ne gu chiang è diig rek, chiih-è nathek athoh ro.

Dong 2:7

“Nathek shii khoh um arone, chiihphado, Ragung è charchthek shii nyie yao pha ji yoi bo! “Hanyie è yang pha ji shii mua pho shii gu ne Hamangkhung-aphuii ro raig shii sieng pha hingmuii iwoi ji chie pha rangsua phi ruii phro.