yuta 1:20 - buacou seiso no faeva esvʉtʉ

²⁰ inacu muu, songohia ci maananghia, ntemu conino bimahtʉicʉ ta socofkoya ci singkoo, ieni to tonʉ to seilei ho 'inoli.

yuta 1:20 ပူးပေါင်းရင်းမြစ်များ

sitoo 15:9

na a'to ho i'o couyafana, o'aisi yupa apaevaza to hamo, maezo i'mi homo tmaa'uzo ho poa cofkoya 'o 'tohʉngʉhe.

sitoo 26:18

teko paavi 'o mcoohe, poa i'mi no voecʉvcʉ ho miezuhu no tiskova, momeesih'i no tonʉ to satan ho miezuhu to hamo, ko'ko meelʉ i'mi homo tmaa'uzo a'o ho noa peteongasa na kuisihe, a'vinano yaa ca'hʉa to 'ayumona to 'o'oko to hamo.>> >

sitoo 6:7

'o e'e to hamo mo a'cʉ'cʉnʉ psoecocoyʉ; 'omo yone 'elusalemu ci tesi mo na'no asuhcu botngonʉ. 'enepio ci saisi mo maezo tiou ta singkoo tan'e.

sitoo 9:31

ne mio, 'o makikiokai ne yutaya, ngalilaya, samalia moso i'nanʉskʉ yaa hiesi no suseomʉ. 'o kiokai mo yono m'ohkuyu to nooe'oca, to'usni no seilei ho p'eʉlʉlʉa, huhucmasi apuhngu 'o hia botngonʉ to sinto.

looma 15:2

'e mito macicihi la conino ta'to'tohʉngveni nate koa ʉmnʉ to mocmo ci sinto, ho m'eac'ʉ note toehunga fihi ci h'oyunsova no singkoo.

looma 8:15

maica'sio, na lasi pafeni to hamo ci piepiya o'atesi soskuskunu na muu, hoc'on'a asngʉcʉ yono ma'sasmoyo, matesi poa yaa tma'upu no ongko no 'o'oko to hamo na muu. ieni to seilei, tetocu eyoho'ʉ to hamo ho mainca:

kolinto 1 1:8

'atesi ahtao'te apopaezuma to'usni to nooe'oca muu, no hiesi ho tac'u ohpueho 'o nooe'oca iesu kilisto poa uk'a emzi no koica muu.

kolinto 1 10:23

pantola mainca: mioeno o'te emzo 'e e'e eni. at'inghi, 'emo macoconi ci hi'hioa o'a mo acʉhʉ koa ʉmnʉ. at'inghi, 'emo macoconi ci hi'hioa o'ate acʉhʉ meelʉ to'usnu no cou.

kolinto 1 14:15

teeno mainenu homo maica? te'o boemi no epiepiya ho 'inoli, maezo boemi no toutʉs'ʉ ho 'inoli; te'o boemi no epiepiya ho pasunaeno, te'o maezo boemi no toutʉs'ʉ ho pasunaeno.

kolinto 1 14:26

maanat'ohaesa, zou cuma na 'tohʉngʉ? ho lamu yu'eteuyunu ho m'ohkuyu, pantola pasunaeno ci cou, pontola mo'ma'cohio, pantola elʉ no paavi to hamo, panola epiepiya, panola mahcinghi ta epiepiya. la cohivi, nala afu'a hioa nte acʉhʉ koa ec'ʉ ta kiokai niante emio.

ngalatea 4:6

mo'so maica na a'to zou 'o'okosi, isicu popeoskuna to hamo 'o piepiya to okosi ho yʉmeʉmʉ ta 'to'tohʉngʉto, eyoho'ʉ mainca:

'epeso 4:12

na atuhcusi te ae'ayocʉ no yaahioa no lasi hioa to hamo 'e 'o'okosi, p'eyac'a 'e kiokai - 'ai'e eno feango to kilisto.

'epeso 4:16

te aucunu noe'ocʉ 'e feango, ieni tamo ma'vo'vokʉ maveoveocʉ ho yupa toseolʉ, yu'ti'ti'eopʉ. maicac'o, ho tac'u yutataso 'e maesoesou, 'e feango tec'u meelʉ yono himngonghi ho ausuhcu yusasmoyʉskʉ ho p'eac'a 'e iachi.

'epeso 4:29

teav'a poa alolongʉ no mocmo na lamu pateafa ci e'e, lac'o mo'engho tote koa to'usnu, koa yusuhci to cou ci e'e, poa mayo no ʉmnʉsi namo tmalʉ ci cou.

'epeso 6:18

temu yono 'inoli ho m'eya to'usni to hamo, asngʉcʉ fiho no lasi hia eahahafo to seilei ho 'inoli. la aa'pucu aʉtʉs'ʉ, teav'a peaezoni; la o'te tosveni 'inolineni 'o sinto.

kolosai 2:7

yonto 'ayumonasi ho biemisi, yusuhci. p'eyac'a na singkoo, 'amoeno maica na lamu tiova ci mo'ma'cohio; temu yaeza poa ngangcʉngcʉ na 'aveoveoyʉ ci 'tohʉngʉ.

tesalonike 1 5:11

i'mi tan'e, temula yupa poucufnu, yupa to'usnu, mais'a 'e imu hioa maitan'e.

temote 1 1:4

teko poa teongasneni 'emo maica e'ankʉ ci ehohamva ho i'ola etacvoh'i ci tposno suezopʉ; maica 'e macucuma eni lac'o ec'ʉ no koa eehcʉvho, o'amo ake'i to'usnu bochio no isi ta'koeva to hamo, 'e isi ta'kokoeva tan'e la ieni to singkoo niante peelʉi cohivi.

temote 2 1:5

os'o talʉa 'o a'ʉmtʉ cofkoya ci singkoosu, 'ai'omoeno mais'a singkoo to ba'isu ci looi ho ito inosu ci iuniki. 'o singkoohe, os'o taa'uzva 'amo ahtuo'te maezo yayo suu.

tito 1:1

na a'o - poolo zou soskuskunu to hamo, sitoo to iesu kilisto. mi'o noa eoho'a, noa popeoskuna ho to'usni 'o singkoo to ohsila epeiya to hamo ci cou, eahafa ho poa bohngʉ to isi po'pa'cohivneni ci so'emio ta singkoomia;

yakovu 2:22

tec'u honga, 'o singkoosi ho i'o peipeis'ausna mo toepohʉ, 'o singkoo te ieni no peipeis'ausna niantec'u a'sʉftonʉ.

petelo 2 1:1

na a'o - saimong petelo zou sitoo ho soskuskunu to iesu kilisto. te'o tmopsʉ ta tengami ho faeni tamo boemi to moulʉlʉ to hamo ho ito leto'usnu ci iesu kilisto, ho maezo a'mi ho tma'upu no sopepea ci singkoo ci cou:

yohane 1 5:4

maica na macicihi ci 'o'oko to hamo te acʉhʉ meelʉ atpʉtʉ ta hpʉhpʉngʉ. inamo koa atpʉtʉ ta hpʉhpʉngʉ 'aeno singkooto.

yuta 1:3

ngohia ci maananghia, la'u conino mici tengami muu ho yue'engha 'emo yaa natʉ'ca to to'usnu a'to ci a'a'ausna, at'inghi os'o yainca no koyu'u nte ʉmnʉ hoci'u aupcieva mi'usni muu ho eucufna, poa a'cʉ'cʉnʉ nomio to isic'o i'nʉska aucunva pa'cohivneni ta masisinto to hamo ci singkoo ho ehtothomʉ.

mokusi 13:10

i'ote anana'va holeo, 'ate ahtao'te holeo; 'ote anana'o mcoi to poyave, ahtuo'te mcoi to poyave. ko'koeno, 'e 'o'oko to hamo te yaa luaveica ho singkoo.>