yohane 1 3:10 - buacou seiso no faeva esvʉtʉ

¹⁰ na 'o'oko to hamo ho ina 'o'oko no 'akuma isi husansana 'o hia yupa h'unasi: i'ola o'te mee'ofeihni to moulʉlʉ, o'te ngohia 'o iachi maanat'ohaesa, o'a na 'o'oko to hamo.

yohane 1 3:10 ပူးပေါင်းရင်းမြစ်များ

matai 13:38

'e ezoyʉ 'ai'eeno hpʉhpʉngʉ; 'o ʉmnʉ ci tutu zou 'omo tma'usnu to hpʉhpʉngʉ ne pepe ci cou; 'o paihicu zou 'omo tma'usnu to kokuzo ci cou;

luka 6:35

o'ate maica, temula ngohia na hangʉ, aʉlʉlʉa; hoci yuevaho no peisu na cou, teav'a totea no tasvoveiya. hoci maica tenamula tiou no atngaso ci hnoo, a'vinano tesi 'o'oko to sopepea ci hamo, maica ho lasi ieni no ma'cocacni ci 'tohʉngʉsi ho mi'usni 'ola pef'uhu ho kokuzo ci cou.

yohane 1:12

at'inghi, namo afu'u tiou, 'ai'omoeno tmaa'uzo ci cou, isi afnasa fii no tonʉ ho teyai 'o'oko to hamo.

yohane 11:52

o'a tesis'a anova mcoineni 'e couyutaya, tesi yaeza eteuyuna namo nopeaski ta hpʉhpʉngʉ ci 'o'oko to hamo, poa tmucnia.

yohane 8:44

zou anana'o oko to 'akuma na muu, ko'ko mimuc'o peis'ofeihni to ma'konvosʉ to amomu. mosola ahoi to ahoisi ho le'opcoi, asonghoi o'amo bi'upu ta so'emio, maica ho asansano uk'a ci so'emiosi. hola lolekoknuyu mo i'mi to yu'ausnasi; maica 'aeno anana'o lolekoknuyu, maezo 'oi'miza no afu'u lolekoknuyu.

yohane 8:47

na afu'u 'o'oko to hamo, ahtuo'te tmalʉ no e'e to hamo. o'amimu i'mi to hamo, ko'ko o'aimu talʉi.>

sitoo 13:10

mi'usni ho yainca:

looma 13:8

asansano 'otela yaa yuevaha! 'ac'o yupa nananghinghia na temula ngoevi ci yuevaha. inala himngonghi no mocmo ci cou, 'aisicueno peihcʉ'hi 'o hoolicu.

'epeso 5:1

ho zoueno isi ngohia to hamo ci 'o'okosi na muu, temula asansano momaemaezo to hamo.

kolosai 3:14

ta acʉcʉhʉsi tan'e, la sopuhngi no himngonghi, mo maica 'e himngonghi mo yuecnguhu to acʉcʉhʉ ʉmnʉ ci peipeis'ausna.

temote 1 1:5

na atuhcusi ta mashʉyʉ tan'e la cucufnu no himngonghi; 'e himngonghi eni, la i'mi no cofkoya ci 'tohʉngʉ. ʉmnʉ ci koyu, ho ino a'ʉmtʉ ci singkoo ho cmʉfeʉ.

yohane 1 2:29

imu asansana 'o kilisto zou moulʉlʉ; ko'koeno, ntemucu cohivi, nala mee'ofeihni no moulʉlʉ ci cou 'aeno 'o'oko to hamo.

yohane 1 3:1

temueno aiti, mo mainenu na lasi hia ngohia a'to to amopepe! ac'ʉha no yainca zou 'o'oko to hamo na a'to; a'ʉmtʉsi, 'aeno a'ʉmtʉ 'o'oko to hamo a'to. ho lahe ko'ko o'te honga ta yata hpʉhpʉngʉ a'to, mo maica ho o'a ihe honga 'o hamo.

yohane 1 3:2

ngohia ci maananghia, maitan'e zou 'o'oko to hamo na a'to, tenala mainenu ho noana'o, o'a mocu isi husansana. at'inghi, ito cohivi, ho tena aopa'to 'o kilisto, tato acʉhʉ mimamaezo, maica tato aiti na a'ʉmtʉsi mi'a'ausna.

yohane 1 4:21

ko'koeno, mo maica 'o hiasi mashʉyʉ a'to to kilisto: nala himngonghi to hamo. te asansana yaeza ngohia na iachisi nanat'ot'ohaesa.

yohane 1 4:6

at'inghi, mito tma'usnu to hamo. i'omo bohngʉ to hamo ci cou la tmalʉ a'to; na o'amo tma'usnu to hamo o'ala tmalʉ a'to. ieni tamo coni tan'e, tetocu cohivi te yainenu hote peelʉi hupaevazi na so'emio ci piepiya ho ina meknuyu ci piepiya.

yohane 1 4:8

na mo uk'a himngonghi, o'a mo bohngʉ to hamo, maica 'o hamo zou himngonghi.

yohane 1 5:19

ito cohivi, acʉhʉ 'e hpʉhpʉngʉ e'vono yono lasi atʉkca to kokuzo, tetoc'o asngʉcʉ tma'usnu to hamo.

yohane 1 5:2

i'mi ho mito himngonghi to hamo, a'vinano meot'ʉcʉ to mashʉyʉsi, tetocu cohivi ito ngohia na 'o'okosi.

yohane 3 1:11

ngohia ci nanghia, 'ote maezo tomo kuzo, la maezo tomo ʉmnʉ. siya namo yaa ʉmnʉ ci peipeis'ausna, 'aeno siya namo tma'usnu to hamo, siya namo peiskuzkuzo, 'aeno siya na o'a mo bohngʉ to hamo.