yohane 8:36 - buacou seiso no faeva esvʉtʉ

³⁶ hocisi poa ziu to oko to hamo na muu, zoucu a'ʉmtʉ cou ziu na muu.

yohane 8:36 ပူးပေါင်းရင်းမြစ်များ

luka 4:18

mo cmʉ'ho a'o 'o piepiya to nooe'oca, maica ho isicu epeiya a'o, tesi poa mi'usnu tomo thi'cia ci cou ho psoecʉ'ha 'omo ʉmnʉ ci fihngau. isi popeoskuna a'o ho psoevaha: 'o ohola holeo. te poesih'a; 'omo bʉkngʉ. te teosansano; 'ola 'opohcingha. te elʉ no ziu;

looma 8:2

maica 'o p'ofiha to seilei, 'ai'omoeno poa i'upu to kilisto iesu ho toehungu mayo no nsou, isicu i'mi to p'ofiha to kuisi ho ito mcoi hocu psoevoyunga a'to.

kolinto 1 7:22

'emo cihi ci tolei hocisi eyoho'a to nooe'oca 'aisicueno poesih'a to nooe'oca ci cou; 'emo cihi ci ziu ci cou ho isi eyoho'a tec'u tolei to kilisto.

kolinto 2 3:17

'e isi engha tan'e ci 'ai'oeno seilei. mo yonenu na piepiya to nooe'oca, na ic'o micu yaa ziu.

ngalatea 5:1

te akoeva no poa meelʉ mayo no ziu na a'to, isicu psoevoyunga to kilisto a'to. ko'koeno, temu mit'oengonʉ, teav'a poa peotʉkceni no ngotohva no tolei na muu.