tito 3:14 - buacou seiso no faeva esvʉtʉ

¹⁴ poa aʉsvʉsvʉtʉ asno'zonʉ peislʉlʉ 'o iachito 'oahngʉ, ho poa am'amso nala tititha ta h'oyunsova; 'otela mo'ma'na'o ho uk'a a'a'ausna ci cou.

tito 3:14 ပူးပေါင်းရင်းမြစ်များ

matai 21:19

isi teolʉi 'omo mehacni ci moezunge to aaskiti to ceonʉ, isicu emo'usna, at'inghi cumanante elʉa, mo ehʉngʉc'o. ko'ko isicu pas'osi 'e evi ho yainca: 'o moezunge ic'o micu osni oemi'mi.

matai 7:19

i'omo kuzo 'o beahcisi ci evi te teoca ho to'seni to puzu.

yohane 15:16

o'as'a muu namo epei a'o, ma a'o namo epei muu, a'vinano os'o skuna muu ho poa beahci note no'auesiesi ci beahci. temu boemi ta ongko'u, 'upena hocimu mi'usnu to amo'u ho m'ene no cuma, 'atesi ahta o'te pafeni muu.

yohane 15:8

'o amo'u te i'mi ho cimu yoyʉho'a ho psoevohngʉ, temu maezo i'mi tan'e ho ta'upa no tesi'u.

sitoo 18:3

mo nochʉmʉ ho toehungneni yaahioa; maica mosola anana'o noe'ocʉ no mooyai tenmaku 'o poolo ho eansonsou, mo totiski 'e lahe hioa.

sitoo 20:35

tamo mav'ov'o ci hi'hioa la'u aa'pucva teongasneni no temula yoyayaeza, eʉsvʉta muu nte anana'o maica na tela hia tvaezoya ho to'usnu tola aviovio ci cou. la talʉa 'o nia e'e to iesu: <> >

looma 12:13

poa tma'upu no acʉcʉhʉsu 'ola thi'cia ci nat'ohaesa; aʉt'ʉcʉ tola i'mocvihi ci cou.

looma 15:28

totea ho ta'ucu ae'aepʉnga 'e hi'hioa eni, ataveisi ho ta'ucu asansana yocnguhneni 'e ohe tosmʉya ci yupasʉ, neisu muu ho ta'u emo'usnu ne sivania.

'epeso 4:28

na mosola thokeainʉ ne noana'o, 'otenala i'vaho thokeainʉ; la boemi ta emucu ho peislʉlʉ yaahioa. nianteno meelʉ to'usnu nomo thi'cia ci cou.

pilipi 1:11

na h'oyunsovamu te nongcʉngcʉ na isi ieni to iesu kilisto ho yayo ci beahci no moulʉlʉ, ho psoevohngʉ tohmomoengʉ to hamo.

pilipi 4:16

ne mo'u yone tesalonike o'amoc'o anou i'nʉskʉ, hoci panonte'o 'ucia tititha, tamu cmʉ'ho ho to'usni a'o.

pilipi 4:17

o'ami'o ma'to'tohʉngʉ no teonghi, mala'u 'ucia poa yaa man'i ci tingacva muu, ta'usna no iachimu tposʉ.

kolosai 1:10

maicac'o, ina h'oyunsovamu tec'u meelʉ toseolʉ no 'tohʉngʉ to nooe'oca, aa'pucva poa ʉm'ʉmnʉaneni. a'vinano, te meelʉ yonta h'oyunsovamu ho beahci no mo mav'ov'o yonghu ci beahci, na hia bohngʉ to hamo te maezo apuhngu.

tesalonike 1 2:9

maanat'ohaesa, 'aimus'a ahtao'te talʉa, lea mainenu na lamza hia asno'zonʉ ngoseo yaahioa, mo nomio no o'te poa e'ecvʉhʉ muu ho temza psoyaski ta fukuin to hamo.

tesalonike 2 3:8

maezo o'amimza obohtʉ no naveu no mocmo, apuyu peisngongoseo ho peihtutumzo, huhucmasi yaahioa, akoeva no o'te poa e'ngoseo muu.

tito 2:8

la poa suuseoseolʉ na e'e, poa o'te yaa 'eongʉ no eayaezoya no mocmo ci cou. maicac'o, i'ola mihango suu ci cou, maica ho uk'a ci lahe elʉa ci lato peis'epo, iachi ma'kokoe'i ho uk'a na e'e.

tito 3:8

'e e'e eni te peelʉi taa'uzva. os'o tata'za hociko ep'opnanfa 'emo maica ci hi'hioa, ko'ko poa asno'zonʉ peismi nomo ʉmnʉ 'omo tmaa'uzo to hamo ci cou; 'emo maica ci hi'hioa mo yonghu, koa ʉmnʉ ta cou.

petelo 2 1:8

'aeno eni nantemu anana'va seocavi ci yu'ausna, hocimucu acʉha poa noemʉhʉ eni, 'atemu ahtuo'te h'unano tvaezoya h'unano mipo'ʉ'ʉmtʉ no 'ucia a'ʉmta honga 'o nooe'oca iesu kilisto.