tito 2:14 - buacou seiso no faeva esvʉtʉ

¹⁴ 'o kilisto isi nomzi a'to ho ciha 'o iachi, to'usni a'to ho poa momeesih'i no afu'u kokuzo, poacu cofkoya ci 'o'okosi, tma'usnu to hamo, ho poa popeislʉlʉ.

tito 2:14 ပူးပေါင်းရင်းမြစ်များ

matai 1:21

tesi peyafa 'o cihi ci oko, teko poa iesu na tesi ongko, maica ho tesi to'usni 'o mao'o'okosi ho poa momeesih'i no kuisihe.>

matai 20:28

aʉlʉ mais'a 'e okocou, o'amos'a cmʉ'ho ho noa aʉt'ʉt'ʉca ta cou, mate cmʉ'ho ho aʉt'ʉt'ʉcʉ ta cou, a'vinano nomio no to'usni 'e yatatiskova ho ciha 'o iachisi nsou.>

matai 3:12

mo mʉpʉtʉ to siothua 'o emucusi, tesi pusi 'o isi tov'oha, soʉlʉlʉa to tvo'oanʉa 'o heome; i'ocu piesisi te boemi to 'auesiesi o'ate afsi ci puzu ho poa houcʉcʉhʉ!>

yohane 6:51

'aeno a'o 'omo i'mi ne pepe ho ohpueho ho mofi no 'oanʉ no nsou; inamo bonʉ ta 'oanʉ tan'e ci cou te 'auesiesi o'te mcoi. 'e te'o pafeni ta cou ci 'oanʉ 'ai'eno feango'u, te akoeva no poa mayo no nsou 'e yatatiskova ho faeni.>

sitoo 15:14

ne mihnan'a itacu esansana ta saimong na hiasi aʉt'ʉt'ʉca to hamo 'o couyafana, i'mi to 'ayumonahe ho epeiya 'ote ma'hi'usnu to iachisi ci cou.

sitoo 15:9

na a'to ho i'o couyafana, o'aisi yupa apaevaza to hamo, maezo i'mi homo tmaa'uzo ho poa cofkoya 'o 'tohʉngʉhe.

sitoo 20:28

temula iachi bumemealʉ, maezo nomio to ohsila toveineni muu to seilei ho aʉt'ʉca 'e kiokai ho bumemealʉ. la aʉt'ʉca 'o kiokai to hamo - 'aeno 'o isi ieni no mcoi to iachisi oko ho peʉezeni.

sitoo 9:36

ne yoopa panto cihi ci tesi no mamespingi zou tapita 'o ongkosi ('o ongko nosi ngilisia zou toka, zou moatʉ'nʉ no mayahe 'o e'ausnasi). man'i 'o isi hioa cimo ʉmnʉ ci hi'hioa. kokaebʉ to'usnu tola thi'cia ci cou.

ngalatea 1:4

'o kilisto moso nomio no tesi to'usni a'to ho poa mongoi ta kokuzo ci hpʉhpʉngʉ, fiho no 'tohʉngʉ to amoto ci hamo, nomio no kuisito ho sʉ'teni 'e iachi.

ngalatea 2:20

maicac'o, 'e mo yaansou maitan'e o'a nas'a a'o, mo yonta 'ayumona ta nsou'u 'o kilisto ho yaansoua. ho mi'o yaansou maitan'e, mo i'mi no tmaa'uzo to oko to hamo ho yaansoua; isi ngohia a'o, nomio a'o ho ciha 'o nsousi.

ngalatea 3:13

'o kilisto isicu nomzi a'to ho ngoevi 'e patkuzoi. ieni tan'e ho to'usni a'to ho poa mongoi no patkuzoi to hoolicu; maica isi yainca to seiso:

'epeso 1:11

acʉcʉhʉ 'e macucuma ta mouhpʉhpʉngʉ te acʉhʉ maino ohsi ta'koeva ho ino ohsi esvʉtʉ to hamo ho aepʉnga. 'o hamo mo i'tohungu no ohsila ahoza esvʉta ci 'tohʉngʉ, ieni to kilisto ho epeiya a'to ho teyai 'o'oko.

'epeso 2:10

zou hamo na moso mooyai a'to; isi ieni to kilisto iesu ho teoezuhi a'to, poa peislʉlʉ a'to; na eni ohsicu noana'va ta'eoyoca ho poa hioaneni a'to.

'epeso 5:2

nalamu h'oyunsova la aa'pucva peiseafo no himngonghi, aʉlʉ 'o kilisto ho isi ngohia a'to, nomio a'to ho ciha 'o nsousi, mooyai namusngau ci sʉ'ta ho sʉ'teni to hamo.

temote 1 1:15

mo eʉlʉ 'e e'e eni, asansana peelʉi tiova. ta 'ayumona ta coukuisi mi'o sokuzoa cimo cihi,

temote 1 2:10

la yaa ʉmnʉ ci peipeis'ausna, e'tatiski 'ola iachia epa'ta ci singkoo.

temote 1 2:6

isi ciha 'o iachi ho poa elʉ no ziu 'e yatatiskova, soomei ho tac'u mic'ʉhi 'e hie, tesi acʉha poa elʉ no to'usnu 'e macicihi ci cou.

temote 1 6:18

teko eucucufna ho poa popeis'ʉ'ʉmnʉ, lua peismi no ʉmnʉ ci hi'hioa, mealʉ ho luetato'usnu, conino to'usnu.

tito 2:7

'ecu iachisu, 'upena no mainenu ci hi'hioa la acʉha poa ʉmnʉ nala peipeis'ausna, mooyai no tehela peis'ofeihni. hola mo'ma'cohio to cou la eʉlʉ, ho mouyʉcʉ,

tito 3:8

'e e'e eni te peelʉi taa'uzva. os'o tata'za hociko ep'opnanfa 'emo maica ci hi'hioa, ko'ko poa asno'zonʉ peismi nomo ʉmnʉ 'omo tmaa'uzo to hamo ci cou; 'emo maica ci hi'hioa mo yonghu, koa ʉmnʉ ta cou.

hevulu 1:3

isi psoevoveiya 'o tiskova to hamo, yaeza a'sʉftona psoe'ongka 'o atuhcusi feango to hamo; isi yomza to meoino tonʉ ci e'esi ho e'oca 'e aʉcʉcʉhʉ. ataveisi ne ohsicu ateop'ʉca 'e kuisi ta cou, cu yusuhngu to vhona tomo soyaatonʉa ne pepe.

hevulu 10:24

teto yupa ma'tat'ʉcʉ, poecʉ'o no himngonghi, poucufnu no popeislʉlʉ.

hevulu 9:14

na tesi aepʉnga to hmuyu to kilisto o'ates'aeno asuhcuhe man'i? ieni to 'auesiesi ci piepiya, isi aucunva teyai sʉ'ta 'o iachisi feango ho sʉ'teni to hamo. 'o hmuyusi tesi poa cofkoya 'e 'tohʉngʉto peuonva 'emo kuzo ci lato peipeis'ausna, poa meelʉ fifiho to 'auesiesi yaansoua ci hamo.

yakovu 4:8

hocimu bicmu'u to hamo, 'atesi ahtao'te bicmu'i to hamo na muu. 'ola yaa kuisi ci cou, la poa cofkoya na emucumu! 'ola me'ʉ'ʉmnʉ ci cou, la poa cofkoya na 'tohʉngʉmu!

petelo 1 1:18

imu cohivi, ho mimu meelʉ i'mi to kuzo ci h'oceoceona to nia maameoi ho noa poesih'a. mo mainenu na hʉpʉezasi. ma'imo anou mais'a 'ola peelʉi payo'a na hʉpeʉezasi ci macucuma, mais'a 'oeno king ho nging.

petelo 1 1:22

maitan'e, maica ho mimu meo'uzo to so'emio, imucu poa acocofkoya si iachi, a'vinano lamu yaa mais'a cono feango to mocmo ci sinto, a'ʉmtʉ i'mi no taico no 'tohʉngʉ ho yupa himngonghi.

petelo 1 2:12

ho lamu no'ayumonʉ ta couyafana, ntemula yaa peislʉlʉ ci peipeis'ausna, i'ola ekuzkuzo, ho maus'os'osʉ muu ci cou, i'mi ho lahe aiti na lamu hia popeislʉlʉ, yono hiesi no ivaho cmʉ'ho 'o nooe'oca, tehe ta'usna to hamo na psoevohngʉ.

petelo 1 2:9

at'inghi, isi epeiya to hamo ci suezopʉ na muu, zou saisi to emoo to honte, socofkoya ci hpʉhpʉngʉ, 'o'oko to hamo. isi epeiya to hamo na muu ho poa mongoi no voecʉvcʉ, yʉmeʉmʉ no tiskovasi, ho poa psoyaski no taunona'vʉ ci lasi peipeis'ausna.

petelo 1 3:18

maica 'o kilisto mosola maezo peisnʉskʉ aepʉnga ho mcoineni na kuisi. isi peʉezi to moulʉlʉ 'o 'oha moulʉlʉ, akoeva no hafa muu ho uhto tuhcu to hamo. noa opcoza 'o feangosi, at'inghi isi pa'eunsova 'o piepiyasi.

yohane 1 1:7

at'inghi, ho cito yaansou to taico to tiskova, mais'a 'o hamo hola yono taico to tiskova, tetocu meelʉ yupania cono taucunu, ina hmuyu to okosi ci iesu tesi toʉlʉi na afu'uto kuisi.

yohane 1 1:9

hocito mi'usnu to hamo ho eh'ʉta na kuisi, zou mou'ʉmtʉ ho moulʉlʉ 'o hamo, tesi peteongasa na kuisito, toʉlʉi na ohtola afu'a hioa cimo o'te emio.

yohane 1 3:2

ngohia ci maananghia, maitan'e zou 'o'oko to hamo na a'to, tenala mainenu ho noana'o, o'a mocu isi husansana. at'inghi, ito cohivi, ho tena aopa'to 'o kilisto, tato acʉhʉ mimamaezo, maica tato aiti na a'ʉmtʉsi mi'a'ausna.

mokusi 5:9

mo pasunaeno tomo conci faeva ci pasunaenva: zouc'o suu nate 'aseolʉ no tiou ta tposʉ, paavi 'o toopcasi; maica ohola opcoza suu! i'mi ho mosula yuhmuyu ho ciha 'e nsou. osko i'mi ta mayoyou. maee'e. masusuezopʉ. mauhpʉhpʉngʉ. psuovei 'e cou, poa tmaovei to hamo.