tesalonike 2 2:13 - buacou seiso no faeva esvʉtʉ

¹³ ngohia to nooe'oca ci maanat'ohaesa, ntemza anana'va asngʉcva 'aveoveoneni to hamo na muu; maica ho isi epeiya to hamo na muu, ieni to cofkoya ci lasi hioa to seilei ho i'olamu hia mi'usnu to so'emio ci singkoo, poa auyu elʉ no to'usnu muu.

tesalonike 2 2:13 ပူးပေါင်းရင်းမြစ်များ

yohane 1:1

auyusi no teyai 'e mouhpʉhpʉngʉ, mohcu la yayo 'e e'e. mo no'upu to hamo 'e e'e; 'e e'e 'aeno hamo.

yohane 14:6

yainca to iesu: <'aeno ceonʉ, so'emio, nsou na a'o; hoci o'te ieni a'o, uk'aci te meelʉ uhto lasi yoni to amo.

sitoo 13:48

ne ihe talʉi ta couyafana 'e e'e eni mo acʉhʉ na'no kaebʉ, tohmomoengʉ to e'e to nooe'oca; i'o micu noa epeiya to hamo ho tiou to 'auesiesi nsou ci cou. cu acʉhʉ sinto.

sitoo 15:9

na a'to ho i'o couyafana, o'aisi yupa apaevaza to hamo, maezo i'mi homo tmaa'uzo ho poa cofkoya 'o 'tohʉngʉhe.

looma 6:17

'aveoveoyʉ to hamo! mohmula e'vono noa skuna no kuisi, maiten'e mimucu conci 'tohʉngʉ ho meo'uzo to isi psoecʉ'ha muu ci h'omahsʉftʉ.

looma 8:33

siya nate meelʉ ehpʉngʉ ta isi epeiya to hamo ci cou? isicu esvʉta to hamo ho yainca uk'aci kuisihe!

looma 9:11

at'inghi, tesi epa'teni ho isi a'ʉmta ieni no 'tohʉngʉsi ho epeiya 'omo cihi to oko, mo mi'usnu to lipaicia 'o hamo ho yainca: <'omo mameoi to oko te fifiho tomo okohe.> ne isi engha 'e e'e eni, o'amocu moso yayo 'emo yoso, uk'a mocu ci peis'ʉ'ʉmnʉ ho peiskuzkuzo; peelʉi aiti 'o hamo homo epei mio i'mi no iachisi 'tohʉngʉ, o'amo yupa natʉ'ca no peipeis'ausnahe.

kolinto 1 1:21

isi titha to hamo 'o moutʉs'ʉsi, o'te poa meelʉ boemi no mau'to'tohʉngʉhe 'e yatatiskova ho poa honganeni 'e iachi; apuyu, isi ieni to imza psoyaska ci mo ci e'e ho to'usni 'omo tmaa'uzo ci cou.

ngalatea 3:1

nongonongo ci coungalatea, siya namo i'vaho maspepecvai muu? 'o hi'hioa ho isi spica to zuuzika 'o iesu kilisto, ta tuhcu ta mcoomu o'a mos'aeno yaa husansana ci ongko?

'epeso 2:8

mimu noe'ocʉ to mengumi to hamo, ieni to singkoo ho noa to'usni; na eni o'amo i'mi no iachimu peipeis'ausna, ma isic'o pafeni to hamo ci mengumi.

kolosai 1:5

to ahoisi, ne ohcu psoecʉ'ha muu 'e fukuin, imucu talʉi 'e isi hafa ta fukuin ci ta'usni. maicac'o, ina singkoo ho himngonghimu mo acʉhʉ i'tohungu ta isi songacveni muu ne pepe ci ta'usni.

kolosai 3:12

isi ngohia to hamo na muu, epeiya muu ho ta'okoa. ko'koeno, temula yaa himcocoveoi, himngonghi, ma'einu, ma'cocacni ho luaveica ci 'tohʉngʉ.

tesalonike 1 1:4

maanat'ohaesa, imza cohivi isi ngohia to hamo na muu, isi epeiya muu.

tesalonike 1 2:12

lamza poucufna muu, ao'pova muu; lamza o'te tosveni eucucufna muu, la yono h'oyunsovamu ho noa ʉm'ʉmnʉa to hamo - isi eoho'a muu ho poa tma'upu no hpʉhpʉngʉ ho psoevohngʉsi.

tesalonike 1 4:7

ho isi epeiya to hamo a'to, o'atesi poa yunsou no 'ayumona no ca'i, ma tesi poa socofkoya a'to.

tesalonike 1 5:9

o'aisi epeiya to hamo na a'to ho akoeva no patvovei, matesi ieni to nooe'ocato ci iesu kilisto ho to'usni a'to.

tesalonike 2 1:3

maanat'ohaesa, mantemza asngʉcva 'aveoveoneni to hamo na muu. 'aeno a'ʉmtʉ; maica homo meoino asuhcu na singkoomu, na yupa himngonghi ci 'tohʉngʉ mo maezo meoino apuhngu.

tesalonike 2 2:10

a'vinano mi'usnu to tec'u meaapayo'ʉ ci cou ho boemi to mav'ov'o ci kuici hioa, maica o'a ihe tiova, o'aihe ʉmnʉa 'ete meelʉ to'usnu ci so'emio.

tesalonike 2 2:12

ataveisi, i'omo afu'u o'te tmaa'uzo to so'emio, ho i'o la peiskaebʉ to kuisi ci cou te acʉha topci to kuisi.

tesalonike 2 2:16

isi ngohia to hamo a'to, i'mi to mengumisi, isi pafi no 'auesiesi ci 'ʉteʉ ho yonghu ci ta'usni na a'to. 'e amohamo eni ho i'o nooe'oca iesu kilisto tesi'sio,

temote 2 1:9

isi to'usni to hamo a'to, eyoho'a a'to ho ta'okoa, o'amos'a i'mi no panos'a ʉmnʉ ci lato peipeis'ausna, mamo i'mi no 'tohʉngʉsi ho ino mengumisi. ohsicu la ahoza ne noana'o ho ieni to kilisto iesu ho faeni a'to 'e mengumi eni,

temote 2 2:15

la asno'zonʉ yonto tuhcu to hamo ho meelʉ masvo'ho no bʉhsʉftʉ, o'te ma'kokoe'i ci soskuskunu, etuhca ho tekola eʉsvʉsvʉta 'o so'emio ci e'e.

temote 2 3:15

osko yaeza talʉa miko ahoi ne mosun'a oko ho bochio to seiso, 'ai'oeno tposʉ cimo mofi no moutʉs'ʉ ho pahceoceoni suu, ieni to tmaa'uzo to kilisto iesu ho ko'ko mayo no to'usnu.

hevulu 1:10

isi i'vaha yainca: nooe'oca, to ahoisi ohsucu teyai 'e ceoa; osko i'vaha yomza to emucusu ho teyai 'e engʉca.

yakovu 1:18

la maino iachisi 'tohʉngʉ, ieni no so'emio ci e'e ho teyai a'to, poa notmoyaevonʉ ta ohsila afu'a teyai ci acʉcʉhʉ na a'to.

yohane 1 4:10

'aeno eni na himngonghi: o'as'a a'to namo himngonghi to hamo, ma i'o hamo 'omo himngonghi a'to, popeoskuna 'o okosi, nomzo a'to ho ciha 'o feangosi, i'mi to kuisi ho psuovei a'to.

yohane 1 4:19

ho mito himngonghi, maica ho isi auevahe ngohia to hamo a'to.