tesalonike 2 1:4 - buacou seiso no faeva esvʉtʉ

⁴ i'mi tan'e, leamza mi'usnu to makikiokai to hamo ho emomoengʉa muu. imu mia na mav'ov'o ci pohtutumzo, 'atutumzo, ho a'cʉ'cʉnʉ tmaa'uzo, a'cʉ'cʉnʉ buveici; 'aeno eni na imza koa emomoengʉa.

tesalonike 2 1:4 ပူးပေါင်းရင်းမြစ်များ

looma 12:12

yono taico no ta'usni ho kokaekaebʉ, notaico no 'atutumzo la luaveica, la asno'zonʉ hola 'inoli.

looma 2:7

pantola apopaezumo peis'ʉ'ʉmnʉ ci cou, biebimi tomo i'mi to hamo ci so'einva, psoevohngʉ, ho o'te kuzo ci nsou; 'emo maica ci cou, tesi pafi no 'auesiesi ci nsou to hamo.

looma 8:25

hocito mingeou no o'amocu isi teolʉi, 'ateto ahtao'te uveica totea.

kolinto 1 7:17

'e h'oyunsova tamo macicihi nte poa maino mengumi to nooe'oca, a'vinano la suseolʉ no atuhcusi no koa eyoho'a to hamo. na eni zou h'ofiha to la'u hia mo'ma'cohio ta makikiokai.

kolinto 2 12:10

nomio to kilisto. la'u kaeba uveica na yoz'u, pohcingha, 'atutumzo, ngoveo ho akuzkuzoa; maica ho homna na ta'u yoz'u. 'aeno ho homna na ta'u taso.

kolinto 2 7:14

o'ula mi'usneni to tito ho emomoengʉa muu, o'a imu poa ma'kokoe'i a'o. lamza conino eʉlʉ ho lamza mi'usnu muu; totiski, 'o imza mi'usneni to tito ho emomoengʉa muu ci e'e. yaeza asansana ho mio emzo.

kolinto 2 7:4

os'o asansana taa'uzva muu, a'sʉftona emomoengʉa muu. yontomo mav'ov'o ci 'atutumzo, mi'o a'sʉftonʉ noa ao'pou, nongcʉngci no kokaekaebʉ.

kolinto 2 9:2

os'o cohivi mimu smoekaebʉ no tuyafa na tonʉ, i'mi tan'e mo'ula mi'usnu to yane makitong ho etanveni na hiamu mealʉ. o'u yainca: <'o sinto ne 'akaiya. micu ahoi ne nʉt'ʉcu ho ae'ayocʉ.> ina lamu hia ma'cucuveu ci 'tohʉngʉ isicu poot'ova 'o 'tohʉngʉ to botngonʉ ci cou.

kolinto 2 9:4

hoci panonte fiho a'mi ci yane makitong, cohivi ho cimu o'te a'ʉmtʉ ae'ayocʉ, matemza a'ʉmtʉ pa'hikokoe'i, maica ho ihe a'ʉmta taa'uzva muu. namaeno muu na o'ate ma'kokoe'i!

tesalonike 1 1:3

yonto tuhcu to hamo ho talʉa, lamu yainenu na hia peiseafi 'o imu taa'uzva, yainenu na hia ieni no himngonghi ho asno'zonʉ yaahioa, yainenu na hia nomahtʉicʉ no 'tohʉngʉ ho mingeou to nooe'oca iesu kilisto.

tesalonike 1 2:14

maanat'ohaesa, 'eimu elʉa mo totiski to ihe elʉa to makikiokai to mia'usnu ne yutaya - i'omo tma'usnu to iesu kilisto ci sinto - lamu noa pohtutumza ta iachi 'oahngʉ, aʉlʉ totiski to ohela tiova ci pohtutumzo to iachihe 'oahngʉ to couyutaya.

tesalonike 1 2:19

muu na leamza ta'usni, zou 'aveoveoyʉmza. ho tac'u i'vaho cmʉ'ho 'o nooe'oca iesu, ina tamza epapaata'zeni ci tafange o'as'aeno muu?

tesalonike 2 3:5

tesi'sola eahafa to nooe'oca muu, asuhcu mʉ'eona na lamu ta'hongi ci himngonghi to hamo, a'vinano yayo na isi pafeni to kilisto ci luaveica.

hevulu 10:36

nomio no peiseafi na 'tohʉngʉ to hamo ho tiou no ohsila teomneni, temu asansano buveici.

hevulu 6:12

'otela ma'mio, la momaemaezo tola tmaa'uzo ho luaveica ci cou, ho tiou to ohsila teomneni to hamo.

hevulu 6:15

ohsi uveica totea to 'avulahamu, petohʉyacu toc'ʉha 'o ohsila teomneni to hamo.

yakovu 5:11

maica homoso apaezumo buveici, lato yainca micu ʉm'ʉmnʉ ci cou. ohmucula talʉi na nia luaveica to yovu, yaeza cohivi ohsi yainenu to hamo na nia hia mʉʉt'ʉci no ataveisi, maica 'o hamo mo a'sʉftonʉ na himcocoveoi ho himngonghi.

petelo 2 1:6

na mau'to'tohʉngʉ topuhngi no atʉkcʉ, na atʉkcʉ topuhngi no luaveica, na luaveica topuhngi no ma'einu,

mokusi 14:12

ko'koeno. i'omo meo'uzo to mashʉyʉ to hamo, meot'ʉcʉ to iesu ci 'o'oko to hamo te yaa luaveica.