tesalonike 1 5:9 - buacou seiso no faeva esvʉtʉ

⁹ o'aisi epeiya to hamo na a'to ho akoeva no patvovei, matesi ieni to nooe'ocato ci iesu kilisto ho to'usni a'to.

tesalonike 1 5:9 ပူးပေါင်းရင်းမြစ်များ

matai 26:24

aʉlʉ mais'a 'o isi engha to seiso, te tiou no akuzkuzoa 'o okocou, at'inghi i'ote himhohioa ho phieni 'o okocou tesi meamzi! 'e cou eni nte ʉmnʉhe hoci moso o'te 'ahʉyʉ yayo!>

sitoo 1:20

aʉlʉ mais'a 'o isi tposi to sihen: seoovei'sio na emoosi, uk'a na cite no'ayumonʉ. panto isi yaeza tposi: tahe'so tiuska no mocmo ci cou na lasi hi'hioa.

sitoo 1:25

ho noʉezi 'ete hioa ta sitoo. 'e hioa eni isicu ciha to yuta, uhto ntesi anana'va usa.>

sitoo 13:48

ne ihe talʉi ta couyafana 'e e'e eni mo acʉhʉ na'no kaebʉ, tohmomoengʉ to e'e to nooe'oca; i'o micu noa epeiya to hamo ho tiou to 'auesiesi nsou ci cou. cu acʉhʉ sinto.

looma 11:30

ne noana'o 'e couyafana o'amohmula meo'uzo to hamo; maitan'e mimu nomio no o'te meo'uzo to hamo 'o couyutaya, mimucu apuyu elʉ no ngohia to hamo.

looma 11:7

te mainenu na atotaveisi? na atotaveisi o'atehe elʉa to cou'isolaelu 'o ihe i'ima, mo apuyu elʉ 'o ohsi epeiya to hamo ci moc'o kakutia ci cou; 'o mocmo ci cou mo meoo'te tmalʉ ho isi eyoho'a to homo.

tesalonike 1 1:10

a'vinano mingeovi 'o okosi ci iesu hocic'u i'mi ne pepe ho ohpueho. i'e iesu eni. 'ai'oeno 'o ohsi i'mi no mcoi ho poa smoevovei to hamo ci ic'o; isi poa mongoi note esmi ci sʉ'no to hamo na a'to.

tesalonike 1 3:3

poa o'te yaa i'mi no noa pohtutumza ho boevovei. imu cohivi, teto ahtao'te mia 'e pohtutumza eni.

temote 1 1:13

o'ula e'vono ekuzkuzoa, akuzkuzoa ho aokoe'iya. at'inghi isi coveoza to hamo a'o; maica ne mio o'amocu o'u taa'uzva. o'a os'o cohivi cuma na nia hioa'u.

temote 1 1:16

at'inghi 'aeno eni na koa isi coveoza to hamo a'o, peelʉi i'mi tamo sokuzoa ci coukuisi ho pa'teni na a'sʉftonʉ ci buveicisi, poa buhmi a'o na tenala atavei tmaa'uzo ho tiou no 'auesiesi nsou ci cou.

temote 2 2:10

i'mi tan'e, mi'o nomio to isi epeiya to hamo ci 'o'okosi ho uveica 'e acʉcʉhʉ, te ko'ko peelʉi poa maezo mayo tomo i'mi to kilisto iesu ci to'usnu ho 'auesiesi ci psoevohngʉ.

petelo 1 2:10

ne auyusi o'a 'o'oko to hamo na muu, maitan'e zoucu 'o'okosi; ne auyusi o'a ohsila coveoza to hamo, maitan'e mimucu elʉ no himcocoveoisi.

petelo 1 2:8

to h'unasi ci isi tposi to seiso isi yainca: 'emo coni cite paepekosi ci fatu. tee ekosi ta cou ci fatu. ho ihe ekosi, maica ho o'a ihe taa'uzva 'e a'ʉmtʉ e'e; na eni 'amoeno maezo i'mi no 'tohʉngʉ to hamo.

petelo 2 1:1

na a'o - saimong petelo zou sitoo ho soskuskunu to iesu kilisto. te'o tmopsʉ ta tengami ho faeni tamo boemi to moulʉlʉ to hamo ho ito leto'usnu ci iesu kilisto, ho maezo a'mi ho tma'upu no sopepea ci singkoo ci cou:

petelo 2 2:3

'emo maica ci meyoyongensa nomio no ma'mamso 'o iachihe ma'konvosʉ, la boemi to isic'o teoteai ci ehohamva ho mi'usnu muu ho tʉspʉcʉ no yupasʉ. ahoi ne noana'o, 'o yʉsvʉtʉ to hamo lasi conino totea 'emo maica ci cou; o'atehe ahta noszozi na meaapayo'ʉ!

yuta 1:4

maica homo yaa 'oha einu ci cou mo aasoe ohtuvho ta taicoto, boemi to eknon'a 'omo yaa mengumi ci e'e to hamo ho efʉnga 'o kuzo ci peipeis'ausnahe, lahe hopsʉpseni 'o moc'o cihi ci tmuoteuyuna - nooe'ocato ci iesu kilisto. ne na'no noana'o, ohsicula eyoca to seiso te asansano tiou no patvovei 'emo maica ci cou.