tesalonike 1 5:8 - buacou seiso no faeva esvʉtʉ

⁸ ho mitoeno no'usnu no hie, 'anteeno anana'o etngou. teto teyai pihci na tmaa'uzo ho himngonghi, teto ceopngu na lato ta'usni ci to'usnu.

tesalonike 1 5:8 ပူးပေါင်းရင်းမြစ်များ

kolinto 1 13:13

at'inghi, 'e singkoo, ta'usni, ho i'e himngonghi, 'emo tuyu te 'auesiesi nongaco, ta taicosi namo sotva'esa zou himngonghi.

kolinto 2 6:7

so'emio ci e'e, ho ito meoino tonʉ to hamo, epa'teni zou soskuskunu to hamo a'mi. mimza boemi to mou'lʉlʉ ho teyai soanothʉ, suyumo to hangʉ, yaeza noʉt'ʉci 'e iachi.

ngalatea 5:5

i'o ito atva'esa mingeovi, 'aeno ina teto hia meelʉ yupa toseolʉ na natʉ'ca to hamo; na eni zou tonʉ to seilei ieni no singkooto ho peihcʉ'hi.

'epeso 6:11

temula paceofa 'o isi faeni to hamo ci yʉsʉno heetai, temu ko'ko meelʉ bʉʉlʉlʉ, poengomʉ no koknuyu no 'akuma.

'epeso 6:23

tesi'sola faeni ta acʉcʉhʉ ci sinto to amohamo ho ito nooe'oca iesu kilisto na soanono, himngonghi, ho singkoo.

tesalonike 1 5:5

zou cou tiskova muu, mo tma'usnu ta hie. o'amito tma'usnu no feʉngna, o'a mo yunsou no 'ayumona no voecʉvcʉ.

tesalonike 2 2:16

isi ngohia to hamo a'to, i'mi to mengumisi, isi pafi no 'auesiesi ci 'ʉteʉ ho yonghu ci ta'usni na a'to. 'e amohamo eni ho i'o nooe'oca iesu kilisto tesi'sio,

hevulu 6:19

mito yaa maica ci ta'usni, aʉlʉ mais'a momsʉhcʉ'o no nsou, tmaʉlʉlʉ ho noe'oci, yupaezumo to toomʉtʉ to seiten ne pepe, sʉc'ʉhʉ to socofkoyana ne 'ayumonasi.

petelo 1 1:13

ko'koeno, temula ae'ayocʉ na 'tohʉngʉ, conino etngou, nala ta'usni la a'sʉftona toveineni no tasi pafeni ci mengumi ho tena aopa'to 'o iesu kilisto.

petelo 1 2:9

at'inghi, isi epeiya to hamo ci suezopʉ na muu, zou saisi to emoo to honte, socofkoya ci hpʉhpʉngʉ, 'o'oko to hamo. isi epeiya to hamo na muu ho poa mongoi no voecʉvcʉ, yʉmeʉmʉ no tiskovasi, ho poa psoyaski no taunona'vʉ ci lasi peipeis'ausna.

yohane 1 1:7

at'inghi, ho cito yaansou to taico to tiskova, mais'a 'o hamo hola yono taico to tiskova, tetocu meelʉ yupania cono taucunu, ina hmuyu to okosi ci iesu tesi toʉlʉi na afu'uto kuisi.