tesalonike 1 5:11 - buacou seiso no faeva esvʉtʉ

¹¹ i'mi tan'e, temula yupa poucufnu, yupa to'usnu, mais'a 'e imu hioa maitan'e.

tesalonike 1 5:11 ပူးပေါင်းရင်းမြစ်များ

looma 14:19

ko'koeno, tetola cucufnu no nananghinghia, yupa m'eac'ʉ note cono feango ci h'oyunsova.

looma 15:14

maanat'ohaesa, os'o iachia asansana cohivi mimu a'sʉftonʉ yaa mou'ʉmnʉ ci peipeis'ausna, maezo noemʉhʉ na atngaso ci mau'to'tohʉngʉ. meelʉ yupa poucufnu,

looma 15:2

'e mito macicihi la conino ta'to'tohʉngveni nate koa ʉmnʉ to mocmo ci sinto, ho m'eac'ʉ note toehunga fihi ci h'oyunsova no singkoo.

kolinto 1 10:23

pantola mainca: mioeno o'te emzo 'e e'e eni. at'inghi, 'emo macoconi ci hi'hioa o'a mo acʉhʉ koa ʉmnʉ. at'inghi, 'emo macoconi ci hi'hioa o'ate acʉhʉ meelʉ to'usnu no cou.

kolinto 1 14:12

totiski, homimueno a'ʉmtʉ tata'e nomo tma'usnu no mengumi no piepiya, 'anteno buii'ima nate meelʉ koa m'eac'ʉ ta kiokai ci mengumi.

kolinto 1 14:29

i'ocu mo psoyaski to e'e to hamo, te meelʉ yoso tuyu nante ya'ei, nacu mocmo te bumemeala talʉi na ihe maeengha.

kolinto 1 14:5

os'o tata'ia hocimu acʉhʉ meelʉ epiepiya, at'inghi os'o asuhca tata'ia hocimu yaa mengumi no epeaski ta e'e to hamo. maica, mac'oci yaa atfʉngʉ mahcinghi to epiepiya, ho peelʉi p'eyac'a 'e kiokai, hoci o'te maica, 'emo epeaski ta e'e to hamo te na'nohe huecvʉhʉa tamo epiepiya.

kolinto 2 12:19

hocieno, lamu ta'unano lamza conino ehcʉvheni 'e iachi, a'ʉmtʉsi o'amos'a maica; yono tuhcu to hamo leamzac'o e'e 'o isi poa e'eneni to kilisto. ngohia ci maananghia, i'e imza afu'a hioa uk'a ci isi o'te 'ucia p'eʉlʉlʉa muu.

'epeso 4:12

na atuhcusi te ae'ayocʉ no yaahioa no lasi hioa to hamo 'e 'o'okosi, p'eyac'a 'e kiokai - 'ai'e eno feango to kilisto.

'epeso 4:16

te aucunu noe'ocʉ 'e feango, ieni tamo ma'vo'vokʉ maveoveocʉ ho yupa toseolʉ, yu'ti'ti'eopʉ. maicac'o, ho tac'u yutataso 'e maesoesou, 'e feango tec'u meelʉ yono himngonghi ho ausuhcu yusasmoyʉskʉ ho p'eac'a 'e iachi.

'epeso 4:29

teav'a poa alolongʉ no mocmo na lamu pateafa ci e'e, lac'o mo'engho tote koa to'usnu, koa yusuhci to cou ci e'e, poa mayo no ʉmnʉsi namo tmalʉ ci cou.

tesalonike 1 4:10

mimu maezo maito hia mo'ma'cohio tan'e ho aʉt'ʉt'ʉca 'o afu'u sinto ne makitong. at'inghi maanat'ohaesa, te'on'aso eucufna muu ho asuhcu bitotonʉ,

tesalonike 1 4:18

ko'koeno, temula boemi ta e'e tan'e ho yupa ao'pou.

temote 1 1:4

teko poa teongasneni 'emo maica e'ankʉ ci ehohamva ho i'ola etacvoh'i ci tposno suezopʉ; maica 'e macucuma eni lac'o ec'ʉ no koa eehcʉvho, o'amo ake'i to'usnu bochio no isi ta'koeva to hamo, 'e isi ta'kokoeva tan'e la ieni to singkoo niante peelʉi cohivi.

hevulu 10:25

'otes'a maezo tola at'ocʉ o'tena i'upu yu'eteuyunu ci cou, tela yupa poucufnu; ho isieno cohivi tec'u mon'i cmʉ'ho na hiesi to nooe'oca, ntemu asuhcu maica.

hevulu 3:13

at'inghi, nomio no o'te poa pa'hi'povneni no kuisi 'e cou ta taicomu ho kʉhtosʉ na 'tohʉngʉ, temula ieni ho panon'a isi yainca , huhucmasi yupa poucufnu.

petelo 2 1:12

i'mi tan'e, imu e'vonocu cohivi na eni, a'vinano bʉʉlʉlʉcu ta imu tiova ci so'emio, te'oc'on'a a'cʉ'cʉna o'te tosveni poutʉs'ʉa na muu.

yuta 1:20

inacu muu, songohia ci maananghia, ntemu conino bimahtʉicʉ ta socofkoya ci singkoo, ieni to tonʉ to seilei ho 'inoli.