tesalonike 1 4:4 - buacou seiso no faeva esvʉtʉ

⁴ 'emo macicihi la acʉhʉ fiho no socofkoya ci peipeis'ausna ho atʉkca 'e iachi feango,

tesalonike 1 4:4 ပူးပေါင်းရင်းမြစ်များ

sitoo 9:15

isi mi'usni to nooe'oca ho yainca:

looma 1:24

ko'koeno, 'o hamo lasicu moeza poa maino 'tohʉngʉhe ho poa peismi tola peisnonoekʉnka ci hi'hioa, yupa acaca'i to iachihe feango.

looma 12:1

ko'koeno, maanat'ohaesa, ho isieno yaica ci hia acocoveoza to hamo a'to, te'o cucufni muu ho mais'a yaansou ci sʉ'ta ho sʉ'teni to hamo, conci 'tohʉngʉ ho fifiho to hamo, noa ʉm'ʉmnʉa to hamo. 'aeno eni nantemu a'ʉmta sʉ'teni cimo mou'ʉmtʉ ci m'ohkuyu.

looma 6:19

os'o sokoeva no temu ngoveoa ta'hongi co 'tohʉngʉ'u, ko'ko mi'o boemi ta tec'o lua ta'hongi ci epo'usa ho mi'usni muu ho engha. ne auyusi, ohmula poa 'aʉnpʉnpʉ si iachimu feango, popeiskuzkuzo, noa soskuskunu no kuisi. maitan'e temucu aucunva sʉ'teni si feangomu ho youcunveni, noa soskuskunu no moulʉlʉ, meelʉcu 'otitha no socofkoya.

kolinto 1 6:15

'aimu ahtao'te cohivi, 'e feangomu 'aeno maesoesou to kilisto. tetoeno peelʉi teyai maesoesou no noasisi na maesoesou to kilisto? o'ate ahta peelʉi!

kolinto 1 7:2

at'inghi, homoeno maica yuyafo 'omo man'i ci smoc'ou ci hi'hioa, 'emo cihi ci hahocngʉ te ʉmnʉ hoci yaa vcongʉa; 'emo cihi ci mamespingi nte maezo yaa iachi vcongʉa.

kolinto 1 7:9

hocimu'so o'te peelʉi atʉkca na ma'cac'ou, 'ateno ʉmnʉhe hoci mevcongʉ. hocisi hmoi no puzu na ma'cac'ou, ʉmnʉhe hoci moezʉ mevcongʉ.

kolinto 2 4:7

at'inghi, 'emo yaa h'onunua no tma'usnu no piepiya ci a'to. mamoc'o mais'a ko'cacuma ci kavo'oe, te akoeva no 'akasi na uk'a noca'cʉ'hi ci tonʉ mo tma'usnu to hamo, o'amo tma'usnu a'mi;

pilipi 4:8

ataveisi, maanat'ohaesa, temula conino buyuyue'iya i'ola ʉmnʉ ho peelʉi tohmoengʉi ci hi'hioa. acʉcʉhʉ 'ola mou'ʉmtʉ, mitohʉngʉ, ahmʉskʉ, cofkoya, ʉm'ʉmnʉa, ho i'ola taotofsi'i ci hi'hioa ntemu la acʉha huecvʉhʉa.

hevulu 13:4

'e macicihi la huecvʉhʉa 'e natʉ'ca no navconga; la asansano ma'ʉ'ʉmtʉ yu'tat'ʉcʉ 'e navconga. tesi yʉsvʉta to hamo 'ola 'aʉnpʉnpʉ ho smoc'ou ci cou.

petelo 1 3:7

totiski, na hahocngʉ, lamu iepoepohʉ 'o vcongʉ ho yunsou, nte peu'uzva hola'so yoz'uhe muu. la einva, maica mo totiski muu ho tiou no isi pafeni to hamo ci faeva ci nsou. hoci meelʉ maicac'o, na 'inolimu o'a nate yaa eftongi.