te meoino yamumi 'o fihngau no la'pa, tesi popeoskuna 'o tensi ho sʉc'ʉhʉ to maacaciku ta hpʉhpʉngʉ, i'mi ta hpʉhpʉngʉ tan'e ho sʉc'ʉhʉ to hpʉhpʉngʉ ne'e, euteuyuna 'o ohsila epeiya ci mao'o'okosi.>
'o piepiya to hamo isi poa i'mi to mcoi ho smoevovei 'o iesu; hoci no'ayumonʉ muu 'e piepiya eni, 'emoso i'mi to mcoi ho poa smoevovei 'o kilisto ci hamo, tesi yaeza ieni tomo no'ayumonʉ muu ci seilei, pafeni tate ahtuo'te kuzo ci feangomu 'e nsou.
maanat'ohaesa, e'usnu to micu mcoi ci cou, imza tata'za ho cimu ake'a cohivi 'emo piyo ci hi'hioa, temus'ala angu ma'nanac'o. mais'a 'ola uk'a ta'usni ci cou.
acnguhu, 'e miton'a yaansou ci cou te acʉhʉ fiho ho tas'usna to cmʉcmʉ, yone pepe ho yupteilʉ 'o nooe'oca. ahoi tan'e tatocula 'auesiesi no'upu to hamo.
mi'o i'vaho tmalʉ tomo i'mi ne pepe ci fihngau isi yainca: mo yut'ingi 'o seilei: <'aeno a'ʉmtʉ! tehecu peiseʉpngi na peihtutumzo hocu amiocni, maica na beahci no lahe hi'hioa la to'ofeihni.>