tesalonike 1 3:3 - buacou seiso no faeva esvʉtʉ

³ poa o'te yaa i'mi no noa pohtutumza ho boevovei. imu cohivi, teto ahtao'te mia 'e pohtutumza eni.

tesalonike 1 3:3 ပူးပေါင်းရင်းမြစ်များ

luka 21:12

at'inghi auyusi no esmi 'emo maica ci hi'hioa, tehe tʉtpʉta muu ho pohtutumza; tahe toveineni to kaitoo ho tuucocosi na muu, a'vinano poekotva. nomio a'o, tehe e'usna to tuhcu to honte ho itola leaʉt'ʉcʉ.

yohane 16:2

tehe peteoyafa ta kaitoo na muu; a'vinano tec'u esmi 'e hiesi, i'ote opcoi muu ci cou ho ihe hioa 'emo maica ci hi'hioa mo ma'unano mo fifiho to hamo.

yohane 16:33

os'o eʉsvʉta muu 'e hi'hioa eni, te'o akoeva no poa i'mi ho mimu yuecnguhu a'o ho yaa soanono. ta hpʉhpʉngʉ, mimu yaa 'atutumio; at'inghi temula 'ʉteʉ, mi'ocu atpʉtʉ ta hpʉhpʉngʉ!>

sitoo 14:22

mo nongongabo ho poa ma'tataso 'o 'tohʉngʉ to tesi, poucufna ho noyʉci na singkoohe, yaeza yainca:

sitoo 2:25

ohsila pas'osi to tavite 'o iesu ho yainca: la'u conino aiti 'o nooe'oca hola yonta tuhcu'u; hola yonta vhona'u. o'ate'o ahtu tmaot'ou.

sitoo 21:11

mo uso ho baito a'mi, yaa 'o snoeputa to poolo, isi iachia seo'eisi 'o emucu ho i'o t'angosi, yainca:

sitoo 21:13

at'inghi, isi yainca:

sitoo 9:16

te'o iachia pa'cohivi, tena nomio a'o ho elʉ tomo mav'ov'o ci 'atutumio.>

looma 5:3

o'amo anouc'o maica, hola yono 'atutumzo, leato a'cʉ'cʉnʉ kokaekaebʉ; maica ho ito cohivi 'e 'atutumzo tesi p'eyac'a na luaveica.

kolinto 1 15:58

ko'koeno, ngohia ci maanat'ohaesa, temula bʉʉlʉlʉ, 'otela tmaot'ou. la buoo'te bʉʉpsʉpsʉ no ngoseo ho yaahioaneni 'o nooe'oca; maica imu cohivi, inate yaahioa to nooe'oca o'ate ahtu 'afeungu.

kolinto 1 4:9

maica'sio, ieni to hia'u bobaito, husansana ho isi poa socivcia to hamo 'e mimza sitoo, mais'a isi yʉsvʉta note poa mcoi ci isi poekotva, yonta taico ta pepe ho ceoa ho peistotothomʉ, poa aitneni to tensi ho ita yatatiskova.

'epeso 3:13

ko'koeno, te'o m'ene muu, 'ote i'mi ho mi'o'so nomio muu ho 'atutumio ho ma'sasmʉzʉ, la apuya nomio tan'e ho ma'tataotofsi'i.

pilipi 1:28

yonta mav'ov'o ci hi'hioa ho o'te ngoheʉngeʉ no maosmoyo tola yutasufku muu ci cou; la 'ʉteʉ, ieni tan'e ho soomei, tehe ahta o'te elʉa na meaapayo'ʉ, temu asansano elʉ no to'usnu, maica na eni zou hi'hioa to hamo.

kolosai 1:23

temu asansana ayʉca na singkoo, bʉʉlʉlʉ ta mo mahtʉicʉ ci i'tohungva; teav'a teongasi na ohmu ta'usni ne mohmun'a ahoi tiou ta fukuin. maitan'e, 'e fukuin eni micu psoengabo ta mauhpʉhpʉngʉ; na a'o - poolo. 'aeno soskuskunu ta fukuin tan'e.

tesalonike 1 5:9

o'aisi epeiya to hamo na a'to ho akoeva no patvovei, matesi ieni to nooe'ocato ci iesu kilisto ho to'usni a'to.

tesalonike 2 1:4

i'mi tan'e, leamza mi'usnu to makikiokai to hamo ho emomoengʉa muu. imu mia na mav'ov'o ci pohtutumzo, 'atutumzo, ho a'cʉ'cʉnʉ tmaa'uzo, a'cʉ'cʉnʉ buveici; 'aeno eni na imza koa emomoengʉa.

temote 2 1:8

i'mi tan'e, 'atekos'a ta'unano isi h'oinveni ci hi'hioa ho teko 'akasi 'o nooe'oca, yaeza teav'a h'oinveni ho mi'o nomio to nooe'oca ho noekotu. teko maino isi faeni to hamo ci tonʉ, nomio ta fukuin ho e'to'usnu no 'atutumio.

petelo 1 2:21

na atuhcusi ho isi eyoho'a to hamo na muu 'amoeno yontan'e; maica 'o kilisto mo nomio muu ho 'atutumzo, teongasneni no temula huomza, akoeva no 'ucia poa msa'ofeihni no cocaphʉsi na muu.

mokusi 2:10

teav'a smoyoa 'o teko esmiza ci 'atutumzo. aiti, tesi hʉsvʉta to 'akuma na muu, tesi to'ayumoneni to poo'usna 'omo piyo ta 'ayumonamu; te mimaski ho temu tiou no 'atutumzo. teko ac'ʉhʉ no mcoi ho meot'ʉcʉ. te'oeno pafi no tafange no nsou.

mokusi 2:13

os'o cohivi 'o lako yoni 'aeno 'o lasi yoni bihonte to satan. leako meot'ʉt'ʉcʉ a'o, ac'ʉhʉ ne ohsi opcoza to hupa to satan 'omo meot'ʉcʉ ho 'akasi a'o ci 'antipa, yaeza o'aosko teongasi na singkoosu no mi'usnu a'o.