tesalonike 1 3:2 - buacou seiso no faeva esvʉtʉ

² temza popeoskuna 'o ohaesa ci temote ho poa uhta lamu yoni; 'e temote lamza toehungu nomio to hamo ho psoyaski to fukuin to kilisto. na atuhcusi ho imza popeoskuna tesi amamahtʉica ho to'usni na singkoomu.

tesalonike 1 3:2 ပူးပေါင်းရင်းမြစ်များ

sitoo 16:1

mo esmi ne thopi ho lusuto 'o poolo. ne lusuto panto cihi ci sinto. temote 'o ongkosi; zou couyutaya 'o inosi, maezo sinto, coungilisia 'o amosi.

sitoo 16:5

i'mi tan'e, 'o singkoo to makikiokai mo meelʉcu mamahtʉicʉ, maezo huhucmasi ausuhcu botngonʉ 'o sinto.

sitoo 18:5

ne micu i'mi ne makitong ho esmi 'o siila ho i'o temote. micu 'aanana'o 'o poolo ho peisnovi na epeaski to fukuin, mi'usnu to couyutaya ho 'akasi 'o iesu ho zou kilisto.

looma 16:21

'o la'u iepoepohneni yaahioai ci temote, ho i'o 'oahngʉ'u ci luciu, iesun, sosipato, mo acʉhʉ tuayokeo muu.

kolinto 1 3:10

os'o titha 'o isi faeni a'o to hamo ci mengumi, mais'a cihi ci lemooyai emoo ho teongfongfeni no totnguca, tec'u yonta skoskopnasi na mocmo ho eemo. at'inghi 'emo macicihi te ianan'ou bumemealʉ te mainenu nate hia m'eac'ʉ ta skoskopna ta totnguca.

kolinto 1 4:17

nomio tan'e, os'o popeoskuna 'o temote ho poa uso muu; to 'ayumona to nooe'oca zou ngohia ho meot'ʉt'ʉcʉ ci oko'u. tesi poutʉs'ʉa muu, na faeva ci h'oyunsova'u ho la'u no'ayumonʉ to kilisto iesu, 'ai'o la'u eno po'pa'cohivneni ho la'u yonto makikiokai.

kolinto 2 1:1

zou poolo a'o; mi'o tiou no 'tohʉngʉ to hamo ho sitoo to kilisto iesu. na a'o ho i'e nat'ohaesa ci temote tmopsʉ ta tengami ho faeni tomo yone kolinto ci kiokai to hamo ho ito afu'u sinto ta 'akaiya.

kolinto 2 1:19

maica i'o imza toehunga 'o siila ho temote ho i'o os'o psoecʉ'ha muu ci oko to hamo iesu kilisto o'amos'a zou tena o'a. apuyu. 'o kilisto 'ac'oeno to hamo.

kolinto 2 2:12

ne mo'u uhne toloya ho psoyaska 'o fukuin to kilisto, 'o nooe'oca ohsicu paavneni to phingi no yaahioai a'o.

kolinto 2 2:13

at'inghi, maica ho o'a os'o elʉa 'o nat'ohaesa ci tito, mo na'no ma'tipvongʉ co 'tohʉngʉ'u. os'ocu enonʉ'vi 'o yane'e, ho uhne makitong.

kolinto 2 8:23

i'ocu tito, zou 'oahngʉ'u. la'u iepoepohneni yaahioa ho lamza to'usni muu, i'o mon'a fiho cimo yoso ci nat'ohaesa lahe tovei to makikiokai. zou taotofsi'i to kilisto.

pilipi 1:25

ta tan'e, la'u amsʉ'eona taa'uzva ho o'te ma'pepecvai; os'o cohivi te'on'a a'cʉ'cʉnʉ yaansoua, a'vinano te'o a'cʉ'cʉnʉ no'upu muu, to'usni muu ho poa asuhcu yusuhci na singkoo, asuhcu yaa kokaekaebʉ,

kolosai 1:1

zou poolo a'o; mi'o fiho to 'tohʉngʉ to hamo ho sitoo to iesu kilisto. na a'o ho i'e nat'ohaesa ci temote.

kolosai 1:7

mimu i'mi to sonanghia'u ci 'ipafu ho momaemaezo ta fukuin tan'e; mo nomzo a'mi ho meot'ʉcʉ ci soskuskunu to kilisto.

kolosai 4:12

'omo i'mi ta lamu yoni ci 'ipafu mo tuayokeo muu; zou maezo soskuskunu to kilisto iesu. lasi asngʉcva asno'zona 'inolineni muu, mi'usnu to hamo ho p'enzeni no mahtʉicʉ ci singkoo na muu, meelʉcu yʉepʉngi ci kilistoto, a'sʉftonʉ meot'ʉt'ʉcʉ no 'tohʉngʉsi.

kolosai 4:9

mo to'ofeihni 'o cihi cimo maezo meot'ʉt'ʉcʉ ci 'anisimo; zou yata lamu yoni ci cou. tahe acʉha eʉsvʉta tamo yoso 'e hi'hioa tan'e.

tesalonike 1 3:13

maicac'o, tesi poa ma'mahtʉicʉ muu, ho tenac'u cmʉ'ho 'o nooe'oca iesu ho i'o masisintosi, meelʉ yonto tuhcu to hamo ho cofkoya ho uk'a heo'tʉ.

tesalonike 1 3:5

i'mi tan'e, ko'kocu popeoskuna 'o temote; 'anate'o 'aoko mooteo. ho os'o popeoskuna, akoeva no cohivi mionana atuhcu mainenu na singkoomu. o'a os'o taa'uzva hocisicu paspepecvazi no 'akuma na muu, ho poa 'afeungu na niala hioamza!

tesalonike 2 2:17

poucufna muu, poa yaa ma'ʉ'ʉteʉ ci 'tohʉngʉ. psoyaska ho peiseafi 'e acʉcʉhʉ cimo yonghu ci hi'hioa.