tesalonike 1 3:13 - buacou seiso no faeva esvʉtʉ

¹³ maicac'o, tesi poa ma'mahtʉicʉ muu, ho tenac'u cmʉ'ho 'o nooe'oca iesu ho i'o masisintosi, meelʉ yonto tuhcu to hamo ho cofkoya ho uk'a heo'tʉ.

tesalonike 1 3:13 ပူးပေါင်းရင်းမြစ်များ

matai 25:31

maluko 8:38

yonta mo maica hia smoc'ou ho kokuzo ci hpʉhpʉngʉ, hoci pano cou cinte h'oinveni a'o ho i'e la'u hia mo'ma'cohio, 'e okocou ho tenac'u yono psoevohngʉ to amosi. nʉthʉ 'o tensi ho cmʉ'ho, tasi yaeza h'oinveni 'e cou eni.>

luka 1:6

holasi aiti to hamo, mo aepohʉ mousngʉcʉ ci cou, ayʉyʉcʉ ho noyʉci 'o h'oesvʉta ho h'ofiha to hamo.

looma 14:4

zou siya suu, ci smeecʉ'ho eayaezoyʉ no soskuskunu no mocmo? o'atesieno peelʉi hʉsvʉta no taukesi namo kuzo ho ʉmnʉ? namaeno, 'o nooe'oca tesi to'usni ho poa meelʉ yaa a'a'ausna.

looma 16:25

no'unu'sio to hamo na psoevohngʉ! lasi peelʉi ieni to os'o psoyaska ci fukuin ho amamahtʉica na singkoomu. 'e fukuin eni mo e'usnu to e'e to iesu kilisto, cu paavi 'omo ahoi ne noana'o ho nootoefʉngʉ ci moumsʉ'eonʉ.

kolinto 1 15:23

at'inghi, 'emo macicihi te maino auseoseolʉ ci hia matoyange ho smoevovei: te atva'esi auyu 'o kilisto, acnguhusi ho tena i'vaho cmʉ'ho, i'ocu mo tma'usnu to kilisto ci cou.

ngalatea 1:4

'o kilisto moso nomio no tesi to'usni a'to ho poa mongoi ta kokuzo ci hpʉhpʉngʉ, fiho no 'tohʉngʉ to amoto ci hamo, nomio no kuisito ho sʉ'teni 'e iachi.

'epeso 5:27

poa yonghu, socofkoya, uk'a heo'tʉ, uk'a ci ake'i ca'i ho aetuhu, ko'ko peelʉi sʉ'teni ta iachi.

pilipi 1:10

temu meelʉ epei tomo so'ʉmnʉa. maicac'o, yono hiesi no i'vaho cmʉ'ho 'o kilisto, temu meelʉ cofkoya ho uk'a 'o'emamzi no koica.

kolosai 1:22

maitan'e, ieni to mcoi to feango to okosi, isicu nanghianeni to hamo na muu, akoeva no poa yonto tuhcusi ho socofkoya, uk'a heo'tʉ, uk'a 'eongʉ no koica.

tesalonike 1 2:19

muu na leamza ta'usni, zou 'aveoveoyʉmza. ho tac'u i'vaho cmʉ'ho 'o nooe'oca iesu, ina tamza epapaata'zeni ci tafange o'as'aeno muu?

tesalonike 1 3:11

tesi'so iachia ptuceoneni to hamo - i'o amoto ta pepe ho ito nooe'oca iesu, poa meelʉ uhto lamu yoni na a'mi.

tesalonike 1 3:2

temza popeoskuna 'o ohaesa ci temote ho poa uhta lamu yoni; 'e temote lamza toehungu nomio to hamo ho psoyaski to fukuin to kilisto. na atuhcusi ho imza popeoskuna tesi amamahtʉica ho to'usni na singkoomu.

tesalonike 1 4:15

maitan'e temza maito hia mo'ma'cohio to nooe'oca ho eʉsvʉta muu: 'e miton'a yaansou ci cou, no hiesi ho tena i'vaho cmʉ'ho 'o nooe'oca. o'ate auyuhe to micu mcoi ci cou ho yupteilʉ to nooe'oca.

tesalonike 1 4:17

acnguhu, 'e miton'a yaansou ci cou te acʉhʉ fiho ho tas'usna to cmʉcmʉ, yone pepe ho yupteilʉ 'o nooe'oca. ahoi tan'e tatocula 'auesiesi no'upu to hamo.

tesalonike 1 5:23

i'ola mofi a'to to soanono ci hamo tesi'sola poa a'sʉftonʉ cofkoya muu! tesi'sola aʉt'ʉca na piepiya, hzoo, ho feangomu, ho tac'u i'vaho cmʉ'ho 'o nooe'oca iesu kilisto meelʉ h'aucucunu!

tesalonike 2 1:10

to hiesi ho mio, tena i'mi ta sinto ho elʉ no psoevohngʉ, a'vinano tiou no tohmomoengʉ. tenamu maezo to'upu to 'ayumonahe, maica ho imu taa'uzva 'e imza psoyaska ci fukuin.

tesalonike 2 1:7

'e mimu notutumzo ci cou tesi poa totiski a'mi ho psoevoyunga. 'o nooe'oca iesu ho i'o yaa tonʉa ci tensi ho tena i'mi ne pepe ho no'ayumonʉ to yafeu ho aopa'to, tesicu hioa to hamo na eni.

tesalonike 2 2:1

maanat'ohaesa, e'usnu no i'vaho cmʉ'ho 'o nooe'oca iesu kilisto, ho ina a'a'ausna ho tasi eteuyuna a'to ho yupteilʉ ci hi'hioa, te'o eutotaveiya muu.

yakovu 5:8

temula maezo buveici. temu yaa mahtʉicʉ ci ta'usni, maica tec'u mon'i esmi 'o hiesi no i'vaho cmʉ'ho 'o nooe'oca.

petelo 1 5:10

at'inghi, ataveisi ho mimu tiou ta akameosʉ ci 'atutumio, i'ola mofi to afu'u mengumi ci hamo, 'ai'omoeno eyoho'ʉ muu ho ieni to kilisto iesu ho yuecnguhu ho toehungu tma'upu no psoevohngʉ ci hamo, 'atasi ahtao'te iachia p'eʉlʉlʉa. amamahtʉica, pafi no tonʉ ho ino tmaʉlʉlʉ ci totnguca na muu.

yuta 1:14

'o 'ino ci pop'epitua ci mʉntʉ'ca to 'atamu ohsicula noana'va eyoca 'emo maica ci cou, ohsi yainca:

yuta 1:24

tesi peelʉi noʉt'ʉci to hamo na muu ho o'te poa smopcuku, poa uk'a heo'tʉ na muu, meelʉ kokaekaebʉ ho uhto tuhcu to psoevohngʉsi.