tesalonike 1 2:4 - buacou seiso no faeva esvʉtʉ

⁴ apuyu, isi taa'uzva to hamo a'mi. toveineni a'mi 'ete yaahioa no psoyaski ta fukuin, ko'koeno. lamzac'o pateafa 'o tesi poa pateafneni a'mi ci e'e, o'a lamza noa ʉmnʉa ta cou, lamzac'o noa so'eu'ʉmnʉa tola bʉhsʉftʉ ta 'ayumona ta 'tohʉngʉ ci hamo.

tesalonike 1 2:4 ပူးပေါင်းရင်းမြစ်များ

luka 12:42

yainca to nooe'oca:

luka 16:11

hoci o'te peelʉi tae'oci na lamu hia titho no yupasʉ ta maitan'e, siya nante tovoei no mou'ʉmtʉ ci yupasʉ?

yohane 21:17

isi i'toteuha tuocosi to iesu: maica ho isi acngucnguha i'toteuha tuocosi to iesu 'o petelo ho yainca micu aha'o nac'o, mi'usnu to iesu ho yainca: yainca to iesu:

looma 8:27

i'ola smo'eusoyʉ ta 'tohʉngʉ ta cou ci hamo isi cohivi na 'tohʉngʉ to seilei, maica 'o seilei la fiho no 'tohʉngʉ to hamo, 'inolineni 'e 'o'okosi.

kolinto 1 7:25

e'usnu no lenocachi, uk'a ci os'o tiova to nooe'oca ci hia eutotavei. at'inghi isi coveoza to hamo a'o, peelʉi tovei ci cou. te'o ieni tamo maica ci ongko'u ho mi'usnu ta macicihi ho tuyafa na 'tohʉngʉ'u.

kolinto 1 9:17

ho ci'u psoyaski ta fukuin, mo i'mi no smoekaebʉ; te'ocu meelʉ tov'ohʉ no hnoo; at'inghi, ho isieno toveineni a'o to hamo 'e hi'hioa eni, te'ocu ta'unano te anana'va ngoevi.

kolinto 2 2:17

o'a mimza mais'a 'o botngonʉ ci cou, titha 'amamhimhino 'e e'e to hamo; maica isi skuna to hamo a'mi, poa yonto tuhcusi a'mi ho boemi no ongko no soskuskunu to kilisto ho aʉ'ʉmta psoyaska 'e e'e.

kolinto 2 4:2

imza acʉha hopsʉpseni 'ola afu'u nootoefʉngʉ ho h'oinveni ci hi'hioa, o'ala hioa 'omo moezʉezʉhʉ ci hi'hioa, yaeza o'ala eknon'a 'o e'e to hamo. yonto tuhcu to hamo. lamza epopayoa 'e so'emio, ieni ta iachi peipeis'ausna ho paavi na ʉmnʉ ci 'tohʉngʉ ta macicihi.

kolinto 2 5:11

ho itoeno cohivi te mainenu nate hia einu to nooe'oca, tec'u ieni tan'e ho poucufnu ta cou. isi a'sʉftona honga to hamo a'to; os'o tata'za hocimu i'mi no 'tohʉngʉ ho yaeza honga a'o.

kolinto 2 5:16

ko'koeno, 'anatemza i'vaho i'tohungu tala hia bʉhsʉftʉ ta cou ho hʉsvʉta 'e cou. momzala e'vono i'tohungu tala hia bʉhsʉftʉ ta cou ho aiti 'o kilisto, o'ana lamza i'vaho maica maitan'e.

ngalatea 1:10

homo maica co e'e'u mi'o nana mici noa emomoengʉa ta cou? o'amo maica! mi'o mici noa emomoengʉa to hamo! mi'os'aeno mici m'eya ʉm'ʉmnʉa ta cou? hoci'un'a mici m'eya ʉm'ʉmnʉa ta cou, o'anas'a soskuskunu to kilisto a'o.

ngalatea 2:7

apuyu, ihe honga ho isi faeni a'o to hamo na hi'hioa no mi'usnu to couyafana ho psoyaska 'e fukuin, aʉlʉ totiski ho isi faeni to petelo na hi'hioa no mi'usnu to couyutaya ho psoyaska 'o fukuin.

'epeso 3:8

mi'o e'vono atva'esi ko'cacuma ta masisinto, mi'o 'oc'ocic'o mayo no afnaso ci tonʉ to hamo, peelʉi psoecʉ'ha ta couyafana 'e a'ʉmtʉ uk'a noca'cʉ'hi no atngaso ci fukuin to kilisto.

'epeso 6:6

o'ate anouc'o ho lahe aiti nate maica, mais'a moc'o euteozu ho noa so'eʉ'ʉmnʉa, la mais'a soskuskunu to kilisto, la i'mi no 'tohʉngʉ ho meot'ʉcʉ no 'tohʉngʉ to hamo.

kolosai 3:22

na soskuskunu, temula aa'pucu tmaayaezoyʉ to taukemu ta hpʉhpʉngʉ. na lamu hioa o'ate anova poa aitneni no tauke ho noa ʉm'ʉmnʉa, la conino i'taico no 'tohʉngʉ, maica mimu einu to nooe'oca.

temote 1 6:20

temote, teko bumemeala tiʉt'ʉca 'o osko tiova ci eutotavei. la totoefʉngi 'ola 'oha einu ci e'ankʉ ho i'ola i'mizi no yupa eehcʉvho ci lahe yainca .

temote 2 1:14

la ieni tomo yonta 'tohʉngʉto ci seilei ho tʉyʉca 'o isi toveineni suu cimo yonghu ci e'e.

temote 2 2:2

miko yonto ihe mi'usni tamo botngonʉ ci mo 'akasi ci cou ho tiou ta os'o po'pa'cohivneni, nteko yaeza toveineni no osko taa'uzva cite meelʉ mo'ma'cohio no mocmo ci cou.

tito 1:3

ho micu mic'ʉhi 'e hiesi, isicu ieni ta isi psoyaska ci e'e ho hupopayoi. mi'o noa tovei to hamo - to mashʉyʉ to nooe'ocato, sviei 'e hioa no psoyaski ta e'e tan'e.

hevulu 4:13

uk'a cimo conci hioa cite peelʉi mi'usneni to hamo ho efʉefʉnga; acʉcʉhʉ 'e oho noa teyai isi acʉha so'eumaesih'a to mcoosi. tenatola ahtuo'te acʉhʉ mi'usnu to hamo ho tuyafa na ohola hioa.

petelo 1 4:11

siya nala eʉsvʉsvʉtʉ, te eʉsvʉsvʉta 'o e'e to hamo; siya nala fifiho, te i'tohungu no isi faeni to hamo ci tonʉ ho fifiho, te ko'ko meelʉ i'mi to iesu kilisto ho psoevohngʉ to hamo 'e acʉcʉhʉ ci hi'hioa. na psoevohngʉ ho tonʉ acʉhʉ'so no'usnu to hamo, ac'ʉhʉ no 'auesiesi! 'aamen.

mokusi 2:23

te'o yaeza 'a'usni 'ola to'ofeihni ci cou, 'e makikiokai tehecueno peelʉi cohivi, la'u so'eusoya 'o 'tohʉngʉ ho koyu ta cou. te'o ieni to ohmula hioa ta macicihi ho patvovei muu.