tesalonike 1 2:12 - buacou seiso no faeva esvʉtʉ

¹² lamza poucufna muu, ao'pova muu; lamza o'te tosveni eucucufna muu, la yono h'oyunsovamu ho noa ʉm'ʉmnʉa to hamo - isi eoho'a muu ho poa tma'upu no hpʉhpʉngʉ ho psoevohngʉsi.

tesalonike 1 2:12 ပူးပေါင်းရင်းမြစ်များ

looma 8:28

ito cohivi, lasi poa yupa totoe'ocʉ to hamo 'emo mav'ov'o ci hi'hioa, poa elʉ no ʉmnʉsi 'emo himngonghi to hamo ci cou - 'ai'o isieno ieni to 'tohʉngʉsi ho eyoho'a ci cou.

looma 8:30

'o isi ayoca epeiya to hamo ci cou, isi eyoho'a; 'o isi eoho'a ci cou, isi esvʉta ho poa coumoʉlʉlʉ; 'o isi esvʉta ho poa coumoʉlʉlʉ ci cou, isi poa tma'upu no psoevohngʉ.

kolinto 1 1:9

zou mou'ʉmtʉ 'o hamo; isi eyoho'a muu, ho poa tmuteuyunu to okosi namuu - 'o nooe'oca ci iesu kilisto.

kolinto 2 4:6

i'omoso mainca ci hamo. 'aeno maezo i'omo boemi to tiskova ho psoetiskovi 'e 'to'tohʉngʉto ci hamo; isi poa bohngʉ no psoevohngʉ to hamo a'to, psoe'usna to sapci to iesu kilisto.

ngalatea 5:16

'o te'o ep'opnanfa zou: na lamu e'e ho peipeis'ausna la meo'uzo to lasi hia eyahahafo to seilei, 'ote ma'mamso ta iachi ma'konvosʉ ta yu'ausna.

'epeso 4:1

ko'koeno, te'o poucufna muu - mi'o i'mi no fifiho to nooe'oca ho noa poekotva - na lamu peipeis'ausna ntemu acʉha poa toseolʉ to ohsi p'eyac'a to hamo ci huomza ho ohsila eoho'a muu.

'epeso 5:2

nalamu h'oyunsova la aa'pucva peiseafo no himngonghi, aʉlʉ 'o kilisto ho isi ngohia a'to, nomio a'to ho ciha 'o nsousi, mooyai namusngau ci sʉ'ta ho sʉ'teni to hamo.

'epeso 5:8

mohmula anana'o yonto mo voecʉvcʉ, at'inghi ahoi ne mohmucu sinto to nooe'oca, mimucu yonto 'ayumona to tiskova. 'elamu h'oyunsova la asansano mais'a yatatiskova.

pilipi 1:27

ina te sotva'esa zou: na h'oyunsovamu la poa toseolʉ to fukuin to kilisto. maicac'o, 'upena hoci'u o'te meelʉ baito muu, te'oc'o acʉha cohivi lamu yaa totiski cite mituhci, mahtʉicʉ ho o'te aezuhu, tohmʉskʉ ci 'tohʉngʉ toteuyuneni na tonʉ ho nomio no singkoo ta fukuin ho 'aanana'o ehtothomʉ.

kolosai 1:10

maicac'o, ina h'oyunsovamu tec'u meelʉ toseolʉ no 'tohʉngʉ to nooe'oca, aa'pucva poa ʉm'ʉmnʉaneni. a'vinano, te meelʉ yonta h'oyunsovamu ho beahci no mo mav'ov'o yonghu ci beahci, na hia bohngʉ to hamo te maezo apuhngu.

kolosai 2:6

ho imueno tiova ho nooe'oca 'o kilisto iesu, temu asansana sotaica no lamu peipeis'ausna.

tesalonike 1 4:1

ataveisi, maanat'ohaesa, mimucu meelʉ momaemaezo a'mi ho yono h'oyunsova ho cohivi nate hia noa so'eʉ'ʉmnʉa to hamo - a'ʉmtʉsi, mimu apaezumo maica; maitan'e temia epici to ongko to nooe'oca iesu ho poucufna muu, temu'sola asuhcu bitotonʉ.

tesalonike 1 4:12

te peelʉi poa einveni to o'ala tmaa'uzo ci cou na muu, maezo o'ate nama noe'ocʉ no to'usni no mocmo ci cou.

tesalonike 1 5:24

i'omo epei muu ci hamo la peelʉi taa'uzva ho noe'oci; 'atasi ahtao'te aepʉnga 'e hi'hioa eni.

tesalonike 2 1:10

to hiesi ho mio, tena i'mi ta sinto ho elʉ no psoevohngʉ, a'vinano tiou no tohmomoengʉ. tenamu maezo to'upu to 'ayumonahe, maica ho imu taa'uzva 'e imza psoyaska ci fukuin.

temote 2 1:9

isi to'usni to hamo a'to, eyoho'a a'to ho ta'okoa, o'amos'a i'mi no panos'a ʉmnʉ ci lato peipeis'ausna, mamo i'mi no 'tohʉngʉsi ho ino mengumisi. ohsicu la ahoza ne noana'o ho ieni to kilisto iesu ho faeni a'to 'e mengumi eni,

petelo 1 2:9

at'inghi, isi epeiya to hamo ci suezopʉ na muu, zou saisi to emoo to honte, socofkoya ci hpʉhpʉngʉ, 'o'oko to hamo. isi epeiya to hamo na muu ho poa mongoi no voecʉvcʉ, yʉmeʉmʉ no tiskovasi, ho poa psoyaski no taunona'vʉ ci lasi peipeis'ausna.

petelo 1 3:9

'ote boemi no kuzo ho auski no kuzo, boemi no ekvo'ʉ ho euski ekvo'ʉ; apuyu, la boemi no tooyokeo ho evei, maica ina atuhcusi to hamo ho isi eyoho'a muu tesi akoeva no pafi no ʉm'ʉmnʉ.

petelo 1 5:10

at'inghi, ataveisi ho mimu tiou ta akameosʉ ci 'atutumio, i'ola mofi to afu'u mengumi ci hamo, 'ai'omoeno eyoho'ʉ muu ho ieni to kilisto iesu ho yuecnguhu ho toehungu tma'upu no psoevohngʉ ci hamo, 'atasi ahtao'te iachia p'eʉlʉlʉa. amamahtʉica, pafi no tonʉ ho ino tmaʉlʉlʉ ci totnguca na muu.

petelo 2 1:3

ina tonʉ to hamo isicu acʉha faeni a'to na teto tititha ho mito boemi no singkoo ho yaansou; 'e mengumi eni isi ieni no bohngʉ tomo eyoho'ʉ a'to ho poa tma'upu no psoevohngʉsi ci hamo ho elʉa.

yohane 3 1:6

ohela mi'usneni ta kiokai tan'e ho ec'ʉha na himngonghi ci 'tohʉngʉsu. teko'so maino lasi ʉmnʉa to hamo, to'usni ho meelʉ smai'cʉ'cʉnʉ no tehe mia ci ceonʉ.