tesalonike 1 1:3 - buacou seiso no faeva esvʉtʉ

³ yonto tuhcu to hamo ho talʉa, lamu yainenu na hia peiseafi 'o imu taa'uzva, yainenu na hia ieni no himngonghi ho asno'zonʉ yaahioa, yainenu na hia nomahtʉicʉ no 'tohʉngʉ ho mingeou to nooe'oca iesu kilisto.

tesalonike 1 1:3 ပူးပေါင်းရင်းမြစ်များ

yohane 14:15

yohane 15:10

hocimu noyʉci 'e mashʉyʉ'u, temu meelʉ asngʉcʉ yunsou no 'ayumona no himngonghi'u, mais'a ho la'u noyʉci 'o lasi pashʉya to amo'u, ho asngʉcʉ no'ayumonʉ to himngonghisi.

sitoo 10:31

yainca: <

sitoo 3:19

ko'koeno, temu ma'vovei, miezuhu to hamo, tesieno peteongasa na kuisimu.

looma 12:12

yono taico no ta'usni ho kokaekaebʉ, notaico no 'atutumzo la luaveica, la asno'zonʉ hola 'inoli.

looma 15:13

'o hamo, 'ai'oeno 'o esbobuka no ta'usni, tesi'sola i'mi no lamu singkoo ho poa nongcʉngcʉ na mav'ov'o ci kokaekaebʉ, soanono, inalamu ta'usni, ieni no tonʉ to seilei, ho o'te antʉhʉ apuhngua.

looma 15:4

'e e'e ta 'ayumona ta seiso mo acʉhʉ nomio no po'pa'cohivi a'to ho tposi, na atuhcusi tesi poa ieni no buveici ho ino isi faeni ta seiso ci poucufnu ho elʉ no ta'usni.

looma 16:26

'e moumsʉ'eonʉ eni ohsicu ieni to tposʉ to eyongensa ho eyoyafa, a'vinano fiho to mashʉyʉ to 'auesiesi hamo ho epopayoa ta mauhpʉhpʉngʉ, ko'kocu poa tmaa'uzo 'e yatatiskova.

looma 16:6

yaeza mi'usni ho psoecʉ'hi no koyu'u 'ola nomio muu ho ngoseo yaahioa ci maliya.

looma 2:7

pantola apopaezumo peis'ʉ'ʉmnʉ ci cou, biebimi tomo i'mi to hamo ci so'einva, psoevohngʉ, ho o'te kuzo ci nsou; 'emo maica ci cou, tesi pafi no 'auesiesi ci nsou to hamo.

kolinto 1 13:13

at'inghi, 'e singkoo, ta'usni, ho i'e himngonghi, 'emo tuyu te 'auesiesi nongaco, ta taicosi namo sotva'esa zou himngonghi.

kolinto 1 15:58

ko'koeno, ngohia ci maanat'ohaesa, temula bʉʉlʉlʉ, 'otela tmaot'ou. la buoo'te bʉʉpsʉpsʉ no ngoseo ho yaahioaneni 'o nooe'oca; maica imu cohivi, inate yaahioa to nooe'oca o'ate ahtu 'afeungu.

kolinto 2 2:17

o'a mimza mais'a 'o botngonʉ ci cou, titha 'amamhimhino 'e e'e to hamo; maica isi skuna to hamo a'mi, poa yonto tuhcusi a'mi ho boemi no ongko no soskuskunu to kilisto ho aʉ'ʉmta psoyaska 'e e'e.

ngalatea 1:4

'o kilisto moso nomio no tesi to'usni a'to ho poa mongoi ta kokuzo ci hpʉhpʉngʉ, fiho no 'tohʉngʉ to amoto ci hamo, nomio no kuisito ho sʉ'teni 'e iachi.

ngalatea 5:13

maanat'ohaesa, ho isi epeiya to hamo muu, tesi poa ziu ci cou na muu. at'inghi 'otes'a boemi ta ziu tan'e ho 'o'emamzʉ no 'aʉnpʉnpʉ, la boemi no himngonghi ho yupa aʉt'ʉt'ʉcʉ.

ngalatea 5:6

maica, hocitocu no'ayumonʉ no nsou to kilisto iesu, hoci tiou ho o'te tiou no s'e'honga uk'a citesi nama natʉ'ca, inac'o isi boemi no himngonghi ho peispa'teni na singkoo 'aeno eni nate sotva'esi.

ngalatea 6:9

ko'koeno, holato peis'ʉ'ʉmnʉ, o'te suhcʉhcʉ na 'tohʉngʉ; hoci o'te ma'sasmʉzʉ, hotac'u esmi na hiesi tena ahtuo'te yaa tov'oha.

tesalonike 1 3:6

maitan'e, micu i'mi muu 'o temote ho yuovei; psoevoveiya na ʉmnʉ ci singkoo ho himngonghimu. isi eʉsvʉta ho lamu conino talʉa a'mi, tongsoyʉ no 'ucia aiti a'mi, totiski ho lamza tongsoya no 'ucia aiti muu.

tesalonike 2 1:11

nomio ta isi mituhci tan'e, lamza conino 'inolineni muu, eyoho'ʉ to hamo ho o'te poa yuszozʉ no koa ohsi eyoho'a na muu. tesi'sola boemi no taso ci tonʉsi ho to'usni muu, acʉha'so peiseafi namo mi'usnu no ʉmnʉ ci 'tohʉngʉsi, peihcʉ'hi na ohmu boemi no singkoo ho hioa ci hi'hioa.

tesalonike 2 1:3

maanat'ohaesa, mantemza asngʉcva 'aveoveoneni to hamo na muu. 'aeno a'ʉmtʉ; maica homo meoino asuhcu na singkoomu, na yupa himngonghi ci 'tohʉngʉ mo maezo meoino apuhngu.

temote 1 1:14

'o nooe'ocato isi pafi to afnaso ci mengumi a'o, poa yaa singkoo ho himngonghi a'o, na eni mo i'mi ho mo yuecnguhu to kilisto iesu ho cmʉfeʉ.

temote 1 2:3

mo ʉmnʉ 'emo maica, lasi ʉm'ʉmnʉa to leto'usnu ci hamoto.

hevulu 10:36

nomio no peiseafi na 'tohʉngʉ to hamo ho tiou no ohsila teomneni, temu asansano buveici.

hevulu 11:17

i'mi no singkoo, 'o 'avulahamu ne ohsi hʉsvʉta to hamo, isi sʉ'teni 'o okosi ci 'isaku ho teyai sʉ'ta. 'o 'avulahamu la tiou to isi teomneni to hamo ci cou, at'inghi isi soekaebeni 'o pecniasi ci okosi ho sʉ'teni to hamo.

hevulu 4:11

ko'koeno, nteto asno'zonʉ yʉmeʉmʉ to soanono to ic'o; maicac'o, 'upena na siya o'ate mais'a 'omo yutasufku to mashʉyʉ ci cou ho smopcuku ho peispapayo'ʉ.

hevulu 6:15

ohsi uveica totea to 'avulahamu, petohʉyacu toc'ʉha 'o ohsila teomneni to hamo.

petelo 1 3:4

ntemu yaa yonghu ci 'ayumona, boemi no o'ate aapayo'ʉ ci ma'cocacni ho teyai ehoehongsʉ; na eni isi atva'esa hupepea to hamo.

yohane 1 3:18

mao'o'oko, na himngonghito o'ante anovac'o ngov'eni ta sumsu, ahtuo'te aʉ'ʉmtʉ ci himngonghi, boemi no peipeis'ausna ho soomei!

yohane 1 3:21

ko'koeno, ngohia ci maananghia, hocisi o'te koica no ʉmnʉ ci 'tohʉngʉto, tec'u meelʉ o'te ma'sasmoyo hoteto yonto tuhcu to hamo.

yohane 1 3:3

nala afu'u mooteo no aopa'to 'o kilisto ci cou te acʉhʉ iachi ayʉyʉcʉ acocofkoya, totiski to kilisto ho cofkoya.

yohane 1 5:3

meot'ʉt'ʉcʉ no mashʉyʉ to hamo 'amoeno himngonghi to hamo; 'o mashʉyʉsi o'amo ngoveoa noʉt'ʉci,

mokusi 2:19

os'o cohivi 'o osko hioa. os'o cohivi 'o himngonghisu, singkoo, fifiho, ho luaveica. os'o cohivi 'o osko hioa maitan'e mo man'ihe ne auyusi.

mokusi 3:10

maica oskocu fihi 'o mashʉyʉ'u, apaezumo buveici, ko'koeno ho tena cmʉ'ho ta hpʉhpʉngʉ, tiou no hʉsvʉta 'e yatatiskova, te'o noʉt'ʉci suu.