temote 2 2:22 - buacou seiso no faeva esvʉtʉ

²² 'ote mais'a 'o yu'fafoinana ho maemayahe ci koyu; la fihohe tola cofkoya ci 'tohʉngʉ, conino noa to'usnu to nooe'oca ho toehungu biebimi no moulʉlʉ, singkoo, himngonghi, ho moususeomʉ.

temote 2 2:22 ပူးပေါင်းရင်းမြစ်များ

sitoo 7:59

ne ihe toehunga tokʉi to fatu 'o sutepana, mo mi'usnu to nooe'oca ho eyoho'ʉ:

sitoo 9:14

mo esmi ta tamasuko maitan'e, hafa 'o isi faeni ci tonʉ to saisicoo, te tʉtpʉtʉ tomo afu'u m'ohkuyu suu ci cou.>

looma 14:17

maica ina hpʉhpʉngʉ to hamo o'amo yono 'oanʉ, mo yono isi faeni to seilei ci moʉhmʉskʉ, moususeomʉ, kokaekaebʉ.

looma 14:19

ko'koeno, tetola cucufnu no nananghinghia, yupa m'eac'ʉ note cono feango ci h'oyunsova.

kolinto 1 1:10

maanat'ohaesa, te'o boemi to ongko to nooe'oca iesu kilisto ho eucufna muu, la poa hmʉskʉ 'ola e'e, 'ote bipopaevai, la tmuteuyunu, yaa hmʉskʉ ci ta'to'tohʉngva, yaa totiski cite mituhci.

kolinto 1 1:2

tmopsʉ ta tengami ho faeni tomo yonta hosa ta kolinto ci sinto to kiokai to hamo. na muu ho i'o mo nopeaski ho eyoho'ʉ to ongko to nooe'oca kilisto iesu ci cou, totiski mo yonto 'ayumona to kilisto iesu ho noa eyoho'a ci sinto ho ma'hi'usnu to hamo. zou nooe'ocahe 'o kilisto, ci 'aeno maezo nooe'ocamia.

kolinto 1 10:14

ko'koeno, maananghia, temula totoefʉngʉ tola hi'hioa no m'ohkuyu to uacoua.

kolinto 1 14:1

temula i'ima na himngonghi. la tata'e tomo tma'usnu to piepiya ci mengumi, aavaho 'o mengumi no psoevaho to e'e to hamo.

kolinto 1 6:18

ko'koeno, temula totoefʉngʉ no smoc'ou. 'e cou 'upena hoci peismi nomo mainenu ci kuisi o'ate koakuzo ta iachi feango, i'elac'o peismi no smoc'ou ci cou la akuzkuzoa 'e iachi feango,

temote 1 1:14

'o nooe'ocato isi pafi to afnaso ci mengumi a'o, poa yaa singkoo ho himngonghi a'o, na eni mo i'mi ho mo yuecnguhu to kilisto iesu ho cmʉfeʉ.

temote 1 1:5

na atuhcusi ta mashʉyʉ tan'e la cucufnu no himngonghi; 'e himngonghi eni, la i'mi no cofkoya ci 'tohʉngʉ. ʉmnʉ ci koyu, ho ino a'ʉmtʉ ci singkoo ho cmʉfeʉ.

temote 1 2:8

yontomo mav'ov'o ci nouteuyunu, os'o tata'za 'e haahocngʉ la 'inoli, ma'einu ho eepza 'e emucu ho 'inoli, 'otela masʉ'no, 'otela yupa eehcʉvho.

temote 1 4:12

teav'a poa hupotfʉngneni no cou ho mikon'a foinana. 'upena na pat'a'ausna, peipeis'ausna, himngonghi ci 'tohʉngʉ, singkoo, ho acocofkoya, 'emo mav'ov'o, la acʉha teyaineni no tehe hu'ofeihni ta sinto.

temote 1 6:11

inacu suu, lasi atuhca titha to hamo ci cou, la totoefʉngʉ ta acʉcʉhʉ tan'e. e'ofeihni no moulʉlʉ, einu, singkoo, himngonghi, luaveica, ho ma'cocacni.

hevulu 12:14

la asno'zonʉ nananghinghia to cou, mino mo socofkoya ci h'oyunsova; hoci uk'a socofkoya ci h'oyunsova uk'ana ci cou cite teolʉ to nooe'oca.

petelo 1 2:11

songohia ci maananghia, ho mimu yonta hpʉhpʉngʉ moc'o nouchichipi, la covnʉ ci cou. te'o eucufna muu. teav'a poa 'aʉnpʉnpʉ no poc'ou si feangomu; 'emo maica ci poc'ou la conino ehtothomneni 'e piepiya.

petelo 1 3:11

nte totoefʉngʉ no kuzo ho peis'ʉ'ʉmnʉ, conci 'tohʉngʉ ho biebimi no moususeomʉ.

yohane 3 1:11

ngohia ci nanghia, 'ote maezo tomo kuzo, la maezo tomo ʉmnʉ. siya namo yaa ʉmnʉ ci peipeis'ausna, 'aeno siya namo tma'usnu to hamo, siya namo peiskuzkuzo, 'aeno siya na o'a mo bohngʉ to hamo.