hotemu yono emoo no siya, la ana na tehe ayocneni ci 'oanʉ, maica 'ola yaahioa 'alaeno anana'o yaa hnooa. 'ote i'mi ta emoo tan'e ho noezuhu no emoo no mocmo.
o'aisi hopsʉpseni to hamo 'o ohsila ahoza ne noana'o ho epeiya ci 'o'okosi. imu cohivi, isi tposi to seiso: 'o 'iliya ne ohsi mi'usneni to hamo ho ehpʉngneni 'o cou'isolaelu,
totiski, isi yaeza yaica ci eucufnu to nooe'oca: i'ola yaahioa no psoyaski to fukuin ci cou, nte anana'o noe'ocʉ to psoyaski no fukuin ho e'oca na h'oyunsova.
isi so'euyoca ta seiso, 'o hamo tesi poa i'mi no tmaa'uzo 'o couyafana ho poa yaa toseolʉ ci natʉ'ca, ko'koeno ohsicula noana'va psoecʉ'ha to 'avulahamu 'e fukuin eni, yainca: <'e yatatiskova te acʉhʉ i'mi suu ho noa pafi no ʉm'ʉmnʉ to hamo!>
