temote 1 1:14 - buacou seiso no faeva esvʉtʉ

¹⁴ 'o nooe'ocato isi pafi to afnaso ci mengumi a'o, poa yaa singkoo ho himngonghi a'o, na eni mo i'mi ho mo yuecnguhu to kilisto iesu ho cmʉfeʉ.

temote 1 1:14 ပူးပေါင်းရင်းမြစ်များ

matai 20:9

i'omoso esmi ne micu ma'hi eimo ho yaahioai, mo acʉhʉ mayo tomo coni ci peisu no nging.

sitoo 15:11

o'amo emzo eni! ito taa'uzva ho mito elʉ no to'usni. isi ieni to mengumi to nooe'oca iesu, moc'o totiski ta couyafana.>

looma 16:20

'ola mofi no soanono ci hamo tesicu suapayo'i 'o satan, poa peteozu ta caphʉmu. tesi'sola pafeni muu to nooe'oca iesu na mengumisi!

kolinto 1 15:10

at'inghi, i'mi no mengumi to hamo, mi'ocu mais'a 'e a'o maitan'e, i'o isi pafeni a'o ci mengumi o'a mo 'afeungu. apuyu, mi'o afnasohe ngoseo yaahioai ta mocmo ci sitoo; a'ʉmtʉsi, o'a mi'o anouc'o peihcachi, mai'o mengumi to hamo 'omo i'upu yaahioa a'o.

kolinto 1 3:10

os'o titha 'o isi faeni a'o to hamo ci mengumi, mais'a cihi ci lemooyai emoo ho teongfongfeni no totnguca, tec'u yonta skoskopnasi na mocmo ho eemo. at'inghi 'emo macicihi te ianan'ou bumemealʉ te mainenu nate hia m'eac'ʉ ta skoskopna ta totnguca.

kolinto 2 4:15

'e acʉcʉhʉ eni moc'o acʉhʉ nomio muu, teeno meelʉ cmʉ'ho tamo asuhcu botngonʉ na mengumi to hamo, meelʉ asuhcu botngonʉ nate mofi no e'aveoveoyʉ, ho sopopayoa na psoevohngʉ to hamo.

kolinto 2 8:9

imucu cohivi 'o mengumi to nooe'ocato ci iesu kilisto: mo anana'o atngaso, at'inghi mo nomio muu ho iachi thi'cia, na atuhcusi tesi ieni no thi'ciasi ho poa atngaso muu.

ngalatea 1:13

'o nia peipeis'ausna'u ne mo'un'a tmaa'uzo to yutayakio, imu acʉha asansana. o'u 'aanana'veni akuzkuzoa 'o kiokai to hamo, pnanfi 'o tonʉ ho aapayo'a.

tesalonike 1 1:3

yonto tuhcu to hamo ho talʉa, lamu yainenu na hia peiseafi 'o imu taa'uzva, yainenu na hia ieni no himngonghi ho asno'zonʉ yaahioa, yainenu na hia nomahtʉicʉ no 'tohʉngʉ ho mingeou to nooe'oca iesu kilisto.

tesalonike 1 5:8

ho mitoeno no'usnu no hie, 'anteeno anana'o etngou. teto teyai pihci na tmaa'uzo ho himngonghi, teto ceopngu na lato ta'usni ci to'usnu.

temote 1 2:15

at'inghi 'e mamespingi hoci iachi atʉkcʉ, noyʉci na singkoo, himngonghi, cofkoya, te meelʉ i'mi no mebabo no 'o'oko ho noa to'usni.

temote 1 4:12

teav'a poa hupotfʉngneni no cou ho mikon'a foinana. 'upena na pat'a'ausna, peipeis'ausna, himngonghi ci 'tohʉngʉ, singkoo, ho acocofkoya, 'emo mav'ov'o, la acʉha teyaineni no tehe hu'ofeihni ta sinto.

temote 1 6:11

inacu suu, lasi atuhca titha to hamo ci cou, la totoefʉngʉ ta acʉcʉhʉ tan'e. e'ofeihni no moulʉlʉ, einu, singkoo, himngonghi, luaveica, ho ma'cocacni.

temote 2 1:13

tekola noyʉyʉci 'o o'ula faeni suu cimo yoayokeo ci e'e, teko teyai p'ofiha, yaeza noyʉyʉci 'o ito yaa ci singkoo ho himngonghi ho mito yuecnguhu to kilisto iesu.

temote 2 2:22

'ote mais'a 'o yu'fafoinana ho maemayahe ci koyu; la fihohe tola cofkoya ci 'tohʉngʉ, conino noa to'usnu to nooe'oca ho toehungu biebimi no moulʉlʉ, singkoo, himngonghi, ho moususeomʉ.

tito 2:2

teko eucufna 'o mamameoi ci cou, la mouyʉcʉ, ʉmnʉ ci yu'ausna, atʉkca 'e iachi, yaa yoayokeo ci singkoo, himngonghi, ho luaveica.

petelo 1 1:3

teto 'aveoveoyʉ to amohamo to nooe'oca iesu kilistoto! i'mi to uk'a noca'cʉ'hi ci himcocoveoisi, ieni to mcoi ho smoevovei to iesu kilisto, pafeni a'to 'emo faeva ci nsou, poa yaa yoayokeo ci ta'usni a'to.

yohane 1 4:10

'aeno eni na himngonghi: o'as'a a'to namo himngonghi to hamo, ma i'o hamo 'omo himngonghi a'to, popeoskuna 'o okosi, nomzo a'to ho ciha 'o feangosi, i'mi to kuisi ho psuovei a'to.

mokusi 22:21

fii'sio no mengumi to nooe'oca iesu na muu acʉcʉhʉ!