sitoo 28:8 - buacou seiso no faeva esvʉtʉ

⁸ tuhcusi ne mio, mo cuveu ho poesoso 'o amo to pupailiu ho oevoi to hopo, mo uhto hoposi 'o poolo ho 'inolineni, hoe'oci to emucusi, isicu poa yov'oa.

sitoo 28:8 ပူးပေါင်းရင်းမြစ်များ

matai 10:1

isi eteuyuna to iesu 'o maskʉ ueso ci tesi ho noteuyuneni, pafi to tonʉ no meya hicu ho tonʉ no aotothomʉ to mo mav'ov'o ci tma'congo.

matai 10:8

temu aotothoma 'omo tma'congo, poa smoevovei 'omo mcoi, poa cofkoya 'omo to'ho'ho, peobanga 'o hicu. mimu tmaha'o, temu yaeza taha'veni.

matai 12:13

isicu mi'usni to iesu 'o ic'o ho yainca: ne isi hoʉsʉzneni. micu yuovei ʉmnʉ. totiski to ciengonasi.

matai 9:18

ne isin'a seolʉa no aomotʉ'a to iesu 'o tesi to yohane, panto cihi cila atuhcu aʉt'ʉcʉ to kaitoo mo uhto iesu, yonto tuhcu to iesu ho pop'up'ungu, yainca: <'o okono'u mamespingi mon'a aʉlʉ mcoi, teko'so usa ho hoe'oci, poa i'vaho yaa nsoua.>

maluko 16:18

boemi ta emucuhe ho tʉtpʉtʉ no fkoi, hoci mimo tomo mahiz'o ci macucuma maezo o'ate alolongʉ, hoe'oci 'o feango tomo tma'congo, tec'u yov'o 'o tma'congo.>

maluko 5:23

m'eya coveoza to iesu: <'o okono'u mamespingi mo tma'congo hocu na'no sokoeva, tekon'aso usa ho hoe'oci ho aotothoma, to'usni 'o nsousi!>

maluko 6:5

ko'koeno, homo yonta iachisi emooana o'amo mako peispopo'e, c'o hoe'oci 'omo piyo cimo tma'congo, ho poa yov'oa.

maluko 7:32

panto mo mahafo tomo loʉngʉ ho tmusngʉsngʉ ci cou ho hafa uhto tuhcu to iesu, m'eya hoe'oci to iesu.

luka 13:13

isi yomza to emucusi to iesu ho hoe'oci, cu osni bʉsngʉcʉ 'o cpʉh'osi, cu tohmomoengʉ to hamo.

luka 4:40

ne micu meove 'o hie, botngonʉ 'omo yaa mav'ov'o ci tma'congo ci cou ihe hafa to 'oahngʉhe ho baito to iesu; isi macicihi hoe'oci to iesu, poa yov'o 'o tma'congohe.

sitoo 28:7

to o'amo covhi to ic'o, panto ezoezoyʉ to pupailiu ci yuozomʉ. yungeova a'mi, miteuhi ho isi aʉt'ʉt'ʉca a'mi.

sitoo 28:9

maicac'o, 'omo afu'u tma'congo to yatan'e ihecu acʉha hafa uso, maezo acʉhʉ meelʉ yov'o.

sitoo 9:40

isi acʉha poa yuyafo to petelo 'o maamespingi, cu pop'up'ungu ho 'inoli, ataveisi micu miezuhu to feango tomo mcoi, yainca: micu maavo 'o mcoosi, aiti 'o petelo, cu yusuhngu.

kolinto 1 12:28

ta 'ayumona ta kiokai, isi acʉha poa elʉ note hioa 'emo macicihi; i'o isi sotoyangza: 'emo coni zou sitoo, 'emo yuso zou eyongensa, 'emo tuyu zou lema'cohio; acnguhusi zou la meelʉ peispopo'e, acnguhusi, la yaa tonʉ no aotothomʉ. i'olac'u meemealʉ to'usnu to mocmo ci cou; 'ola meemealʉ tmasusuce to hi'hioa, i'ola meelʉ epiepiya.

kolinto 1 12:9

totiski ci seilei isi pafi no singkoo 'emo cihi ci cou, pafi no tonʉ no aotothomʉ 'emo h'unasi ci cou.