sitoo 27:35 - buacou seiso no faeva esvʉtʉ

³⁵ eepʉnga 'e e'esi, mo mayo to pang 'o poolo, yonta tuhcu ta mo botngonʉ ho to'aveoveoyʉ to hamo, cu tipcia ho ana.

sitoo 27:35 ပူးပေါင်းရင်းမြစ်များ

matai 14:19

isicu eutotaveiya 'o botngonʉ ho poa suspoyʉ to kukuzo, ataveisi isi yaa 'o eimo ci pang ho i'omo yuso ci yoskʉ, mi'usnu ne pepe, to'aveoveoyʉ to hamo, tipcia 'o pang, faeni to tesi, ihecu i'vaha aangaeza to tesi ho faeni to botngonʉ.

matai 15:36

yaa 'omo pitu ci pang ho piyo ci 'o'oko no yoskʉ, to'aveoveoyʉ to hamo, tipcia, faeni to tesi; 'o tesi ihecu ivaha aangaezeni tomo botngonʉ.

maluko 8:6

isicu cucufni to iesu 'o botngonʉ ho poa yusuhngua to ceoa, cu yaa 'omo pitu ci pang, to'aveoveoyʉ to hamo, tipcia, faeni to tesi, 'o tesi ihecu aangaeza tomo botngonʉ.

luka 24:30

nemo seolʉano yusuhngu ho bonʉ, isi eepza to iesu 'o pang, mi'usnu to hamo ho to'aveoveoyʉ, cu tipcia, faeni tamo yoso.

yohane 6:11

isi yaa to iesu 'o pang, cu to'aveoveoyʉ, ataveiya aangaeza tomo yusuhngu, isi yaeza yaicac'o 'o yoskʉ ho aangaeza; mo acʉhʉ pnanfo 'o hiahe bonʉ.

yohane 6:23

panto piyo ci mo i'mi ne tipilia ci moc'o 'o'okosi ci 'apangʉ mo tosvo to aaskiti, 'aitoeno cum'usi to ohsi yoni to'aveoveoyʉ ho aangae to pang to iesu.

looma 1:16

o'ate'o h'oinveni 'e fukuin; 'e fukuin zou meoino tonʉ to hamo. tesi to'usni namo afu'u tmaa'uzo ci cou. aueva 'e couyutaya. atavei 'o couyafana.

looma 14:6

pantola afnasa huecvʉhʉa namo conci hie, epa'teni na lasi hia einu to nooe'oca; pantola ongongabo to macucuma, yaeza epa'teni na lasi hia einu to nooe'oca, maica lasi nomio ta isi ana ci 'oanʉ ho to'aveoveoyʉ to hamo. pantola opeic'o to isi ana, totiski epa'teni na einu to nooe'oca, maezo to'aveoveoyʉ to hamo.

temote 2 1:12

i'mi tan'e, ko'ko mi'o tiou tamo maica ci 'atutumio. at'inghi, os'oc'o asngʉcva ta'sansana taa'uzva; maica os'o cohivi mi'o noe'ocʉ no siya, yaeza ta'sansana tesi noyʉci 'o isi toveineni a'o. ac'ʉhʉ no hiesi ho tena yuovei 'o nooe'oca.

temote 2 1:8

i'mi tan'e, 'atekos'a ta'unano isi h'oinveni ci hi'hioa ho teko 'akasi 'o nooe'oca, yaeza teav'a h'oinveni ho mi'o nomio to nooe'oca ho noekotu. teko maino isi faeni to hamo ci tonʉ, nomio ta fukuin ho e'to'usnu no 'atutumio.

petelo 1 4:16

hoci i'mi no mio'so tmaa'uzo to kilisto ho tiou no 'atutumio, o'ate ma'kokoe'i, mate i'mi ho osko sikuhca 'o ongko to kilisto ho psoevohngʉ to hamo.