tesi asansana noyʉci 'ola peelʉi noe'oci, toseolʉ to mou'ʉmtʉ ci mahsʉsʉftʉ. maicac'o, tesieno peelʉi titha 'emo noyaemʉhʉ ci 'omahsʉfta ho ptav'ohʉ no mocmo ci cou, a'vinano peelʉi pesngʉcva 'o ma'peu tola yutasufku suu.
la yaa ma'einu to kilisto ci 'tohʉngʉ, la atuhca mie'oci. hoci panonte mi'usnu muu ho poa esansaneni nalamu ta'usni ta 'tohʉngʉ, la coni no ae'ayocʉ ho yut'inga;
'ote boemi no kuzo ho auski no kuzo, boemi no ekvo'ʉ ho euski ekvo'ʉ; apuyu, la boemi no tooyokeo ho evei, maica ina atuhcusi to hamo ho isi eyoho'a muu tesi akoeva no pafi no ʉm'ʉmnʉ.
