sitoo 26:18 - buacou seiso no faeva esvʉtʉ

¹⁸ teko paavi 'o mcoohe, poa i'mi no voecʉvcʉ ho miezuhu no tiskova, momeesih'i no tonʉ to satan ho miezuhu to hamo, ko'ko meelʉ i'mi homo tmaa'uzo a'o ho noa peteongasa na kuisihe, a'vinano yaa ca'hʉa to 'ayumona to 'o'oko to hamo.>> >

sitoo 26:18 ပူးပေါင်းရင်းမြစ်များ

matai 4:10

yut'inga to iesu: > >

matai 4:16

i'o mo no'ayumonʉ to voecʉvcʉ ci cou te teolʉ to meoino no tiskova; i'o mo yonto isi pe'ongki to mcoi ci cou. panto tiskova cite mahtiskou.

luka 1:77

la eʉsvʉta to 'o'okosi: maica ho isicu peteongasa na kuisihe, te meelʉ noa to'usni.

luka 1:79

isin'a i'mi ta pepe ho psoetiskovi 'emo afu'u yaansou ta isi pe'ongki no mcoi ci cou, engocha a'to ho poa smaimio no moususeomʉ ci ceonʉ.

luka 2:32

tena tiskova no maavo ta couyafana, tenala psoevohngʉ ta 'o'okosu ci 'isolaelu.

luka 24:45

isicu paavi 'o 'tohʉngʉhe, poa cohivneni 'o e'e to seiso.

luka 24:47

temu boemi to ongkosi, epeaska 'e e'e no ma'vovei ho ina peteongaso no kuisi, ahoi ta 'elusalemu psoengongaboa ta mauhpʉhpʉngʉ.

luka 4:18

mo cmʉ'ho a'o 'o piepiya to nooe'oca, maica ho isicu epeiya a'o, tesi poa mi'usnu tomo thi'cia ci cou ho psoecʉ'ha 'omo ʉmnʉ ci fihngau. isi popeoskuna a'o ho psoevaha: 'o ohola holeo. te poesih'a; 'omo bʉkngʉ. te teosansano; 'ola 'opohcingha. te elʉ no ziu;

yohane 17:17

teko'so ieni no so'emio ho poa iachi cofkoya; 'e e'esu 'aeno so'emio.

yohane 3:19

mo cmʉ'ho ta hpʉhpʉngʉ 'o tiskova, 'e yatatiskova maica homo nomio no kuzo ci peipeis'ausna, o'amo kaebʉ ta tiskova apuyu kaebʉhe to voecʉvcʉ; na i'hahozi no topci no kuisi 'amoeno yontan'e.

yohane 4:10

yainca to iesu:

yohane 4:14

at'inghi, siya nate mimo to te'o faeni ci chumu, 'anate ahtun'a i'vaho mecu. i'o te'o faeni ci chumu te i'mi ta 'ayumonasi ho esbobuka, o'ate ahtu tosvo moheafo 'o yaansou ci chumu, poa meelʉ mayo no 'auesiesi nsou.>

yohane 8:12

i'vaho mi'usnu to botngonʉ 'o iesu ho yainca:

yohane 9:39

yainca to iesu:

yohane 9:5

ho mi'on'a yonta hpʉhpʉngʉ, zou tiskova ta hpʉhpʉngʉ a'o.>

sitoo 10:43

acʉcʉhʉ 'o eyongensa ihe yaeza 'akasineni; mo acʉhʉ mainca, namo afu'u tmaa'uzo, te peelʉi ieni to ongkosi ho peteongasa na kuisisi.>

sitoo 13:47

maica ohsicu eucucufna to nooe'oca a'mi ho yainca: os'ocu esvʉta muu temu tiskova ta couyafana, temu hafa 'e to'usnu ho uhta maucuculili ta hpʉhpʉngʉ.>

sitoo 15:9

na a'to ho i'o couyafana, o'aisi yupa apaevaza to hamo, maezo i'mi homo tmaa'uzo ho poa cofkoya 'o 'tohʉngʉhe.

sitoo 2:38

isi mi'usni to petelo ho yainca:

sitoo 20:21

'upena hoci mi'usnu to couyutaya ho couyafana, la'u acʉha bumemeala poucufna, poa ma'vovei ho miezuhu to hamo, a'vinano taa'uiva 'o nooe'ocamia ci iesu.

sitoo 20:32

sitoo 26:19

sitoo 26:23

'aeno 'o kilisto te ahtuo'te noa akuzkuzoa, a'vinano te ahoi i'mi to mcoi ho smoevovei, mi'usnu ta couyutaya ho ita couyafana ho psoecʉ'hi micu esmi 'e tiskova no to'usnu.>

sitoo 3:19

ko'koeno, temu ma'vovei, miezuhu to hamo, tesieno peteongasa na kuisimu.

sitoo 5:31

isi hoepzeni to hamo. poa yonto iachisi vhona tee tmuoteuyuna. poa leto'usnu. akoeva no poa yaa hiesi no ma'vovei 'e cou'isolaelu. poa peteongasneni na kuisihe.

looma 8:17

ho zoueno 'o'oko to hamo, tetocu tma'upu no ohsila ayocneni to 'o'oko to hamo ci ʉm'ʉmnʉ, maezo tma'upu no ohsi songacveni to kilisto; maica, hocito mako e'paevai no 'atutumzo to kilisto, tetocu maezo tma'upu no psoevohngʉsi.

kolinto 1 1:2

tmopsʉ ta tengami ho faeni tomo yonta hosa ta kolinto ci sinto to kiokai to hamo. na muu ho i'o mo nopeaski ho eyoho'ʉ to ongko to nooe'oca kilisto iesu ci cou, totiski mo yonto 'ayumona to kilisto iesu ho noa eyoho'a ci sinto ho ma'hi'usnu to hamo. zou nooe'ocahe 'o kilisto, ci 'aeno maezo nooe'ocamia.

kolinto 1 1:30

'o hamo isi peelʉi poa tmuteuyunu to kilisto iesu na muu, yaeza teyai moutʉs'ʉto; ieni to kilisto, mitocu meelʉ yupa toseolʉ ci natʉ'ca 'o hamo, meelʉcu cofkoya ci 'o'oko to hamo, a'vinano elʉ no ziu.

kolinto 2 4:4

'emo maica ci cou homo o'te tmaa'uzo, mo maica ho isi poa bʉkngʉ ta hicu ta hpʉhpʉngʉ na mcoo no 'tohʉngʉhe, poa o'te bohngʉ no tiskova ta fukuin; 'e fukuin isi engha 'omo natʉ'ca 'o psoevohngʉ to kilisto, 'o kilisto 'aeno a'ʉmtʉsi mi'ausna to hamo.

kolinto 2 4:6

i'omoso mainca ci hamo. 'aeno maezo i'omo boemi to tiskova ho psoetiskovi 'e 'to'tohʉngʉto ci hamo; isi poa bohngʉ no psoevohngʉ to hamo a'to, psoe'usna to sapci to iesu kilisto.

kolinto 2 6:14

'ote toehungu to ngotohva 'o o'a mo tmaa'uzo ci cou. 'omo emzo ho kuzo teeno ahtu meelʉ tohmʉskʉ? 'o tiskova ho voecʉvcʉ teeno ahtu meelʉ noepohʉ?

ngalatea 2:20

maicac'o, 'e mo yaansou maitan'e o'a nas'a a'o, mo yonta 'ayumona ta nsou'u 'o kilisto ho yaansoua. ho mi'o yaansou maitan'e, mo i'mi no tmaa'uzo to oko to hamo ho yaansoua; isi ngohia a'o, nomio a'o ho ciha 'o nsousi.

ngalatea 3:14

na atuhcusi ho isi yaica to kilisto. tesi poa i'mi to kilisto iesu 'o couyafana ho elʉ no ohsila teomneni to 'avulahamu to hamo ci ʉm'ʉmnʉ; maicac'o, teto meelʉ i'mi no tmaa'uzo ho tiou no ohsila teomneni to hamo ci seilei.

ngalatea 3:2

te makoc'o coni ci hi'hioa na temu eʉsvʉta a'o: homimu tiou no piepiya to hamo nenusi no mimu noe'ocʉ to hoolicu, hocieno o'te ieni no tmaa'uzo to fukuin?

'epeso 1:11

acʉcʉhʉ 'e macucuma ta mouhpʉhpʉngʉ te acʉhʉ maino ohsi ta'koeva ho ino ohsi esvʉtʉ to hamo ho aepʉnga. 'o hamo mo i'tohungu no ohsila ahoza esvʉta ci 'tohʉngʉ, ieni to kilisto ho epeiya a'to ho teyai 'o'oko.

'epeso 1:14

'o seilei isi hosoo a'to te tmacngihi no ohsi teomneni to hamo, faeni tamo tma'usnu ci cou na a'sʉftonʉ ci ziu. teto tohmomoengʉ no psoevohngʉsi!

'epeso 1:18

la'u yaeza p'enzeni to hamo ho paavi na mcoo ta 'tohʉngʉmu, temu ko'ko cohivi: ho isi eyoho'a muu cuma na temu elʉa cite ta'usni; na isi teomneni ta 'o'okosi ci ezoyʉ mio mainenu na hia atngaso;

'epeso 1:7

i'mi homo mcoi 'o kilisto, mito elʉ to ziu, noa peteongasa 'e kuisito. na eni 'amoeno i'mi to atngaso ci mengumi to hamo.

'epeso 2:8

mimu noe'ocʉ to mengumi to hamo, ieni to singkoo ho noa to'usni; na eni o'amo i'mi no iachimu peipeis'ausna, ma isic'o pafeni to hamo ci mengumi.

'epeso 4:18

voecʉvcʉ 'o 'tohʉngʉ. mo yupa nahesa 'o isi faeni to hamo ci nsou; maica mo asansano nongonongo. ma'cachi ho yameomʉ.

'epeso 5:11

teav'a hioa 'o lahe hioa tomo noovoecʉvcʉ ho uk'a koa ʉmnʉ ci hi'hioa, la apuya eafa 'emo maica ci hi'hioa.

'epeso 5:14

maica 'ote poa epopayo 'aeno tiskova. ko'ko isi yainca to pasunaenva: peihsasmomecu, 'emimu oengʉtʉ ci cou, i'mi ta taico ta mcoi ho yʉc'ʉ! tesi pahtiskovi to kilisto na muu.

'epeso 5:8

mohmula anana'o yonto mo voecʉvcʉ, at'inghi ahoi ne mohmucu sinto to nooe'oca, mimucu yonto 'ayumona to tiskova. 'elamu h'oyunsova la asansano mais'a yatatiskova.

'epeso 6:12

maica o'amito mi'usnu tamo yaa hmuyu ho yaa feango ci cou, mito mi'usnu to h'aokuv'o ta mouhpʉhpʉngʉ, 'o teto mi'usni 'ai'olaeno aʉt'ʉcʉ, tʉʉt'ʉcʉ ta voecʉvcʉ ci hpʉhpʉngʉ, ho ito tonʉ no kokuzo ta hpʉhpʉngʉ.

temote 2 2:26

maicac'o, e'vono ohsila tʉtpʉta no 'akuma ho 'ahʉya poa meo'uzo, tenaeno o'te ma'tʉtʉs'ʉ, tenala maezo peihsasmome, i'mi no keʉpʉ no 'akuma ho tomeesih'i.

hevulu 10:10

isicu pee'ofeihni to iesu kilisto 'o 'tohʉngʉ to hamo, sʉ'teni 'o iachisi feango, peisnʉski hocu aepʉnga, poa cofkoya a'to ho tmaovei to nooe'oca.

hevulu 10:14

'o i'nʉskʉsi mcoi, 'omo cofkoya ho ma'hi'usnu to nooe'oca ci cou poa meelʉ 'auesiesi a'sʉftonʉ.

hevulu 11:6

hoci uk'a singkoo 'e cou o'ate meelʉ noa ʉm'ʉmnʉa to hamo. namo afu'u uhto tuhcu to hamo ci cou ahtao'te taa'uzva ho mio yayo 'o hamo, a'vinano taa'uzva ho tasi evei 'omo biebimi ci cou.

hevulu 9:15

ko'koeno, 'o kilisto micu bitaico ci cou ta faeva esvʉta, akoeva no poa tiou no ohsi teomneni ci 'auesiesi ʉm'ʉmnʉ 'o ohsi afu'a eyoho'a to hamo. ho isi aepʉnga na eni isi ieni to mcoi; 'e mcoi eni isi yungvo'a 'o ohela hioa ci kuisi to nia ahoi 'oesvʉtʉ.

yakovu 2:5

songohia ci maanat'ohaesa, temu tmalʉ: isi epeiya to hamo 'o thi'cia ta hpʉhpʉngʉ, poa yonto singkoo ho atngaso, yaeza poa ticngihi to ohsila teomneni tola himngonghi to hamo ci cou 'o faeva ci hpʉhpʉngʉ.

petelo 1 1:4

ho ticngiha na ohsi teongasneni ta mao'o'oko to hamo ci ʉm'ʉmnʉ ne pepe; 'e ʉm'ʉmnʉ eni o'ate kuzo, o'ate ca'i, o'ate toapayo'ʉ,

petelo 1 2:25

ne auyusi mohmula mais'a eapayo'ʉ ci moatʉ'nʉ, maitan'e mimucu yuovei, to'ofeihni to lepocengi ho ito lemʉʉt'ʉcʉ to piepiyamu.

petelo 1 2:9

at'inghi, isi epeiya to hamo ci suezopʉ na muu, zou saisi to emoo to honte, socofkoya ci hpʉhpʉngʉ, 'o'oko to hamo. isi epeiya to hamo na muu ho poa mongoi no voecʉvcʉ, yʉmeʉmʉ no tiskovasi, ho poa psoyaski no taunona'vʉ ci lasi peipeis'ausna.

yohane 1 1:9

hocito mi'usnu to hamo ho eh'ʉta na kuisi, zou mou'ʉmtʉ ho moulʉlʉ 'o hamo, tesi peteongasa na kuisito, toʉlʉi na ohtola afu'a hioa cimo o'te emio.

yohane 1 2:12

mao'o'oko, mi'o tmopsʉ ta tengami ho faeni muu. maica ina kuisimu isicu ieni to kilisto ho noa peteongasa.

yohane 1 3:8

nala a'cʉ'cʉnʉ peiskuisi, mo tma'usnu to 'akuma, maica ina 'akuma mosola asonghoi peiskuisi. nomio tan'e, micu aopa'to 'o oko to hamo, tesi atuhca aapayo'a na lasi hioa to 'akuma.

yohane 1 5:19

ito cohivi, acʉhʉ 'e hpʉhpʉngʉ e'vono yono lasi atʉkca to kokuzo, tetoc'o asngʉcʉ tma'usnu to hamo.

yuta 1:1

zou soskuskunu to iesu kilisto a'o, ohaesa to yakovu ci yuta. te'o tmopsʉ ta tengami ho faeni to ohsila epeiya ho eoho'a to hamo, yunsou to 'ayumona to himngonghi to hamo, a'vinano noa noʉt'ʉci to iesu kilisto ci cou.

mokusi 21:27

at'inghi, 'o o'amo cofkoya, kokuzo 'o peipeis'ausna ho i'ola lolekoknuyu, acʉhʉ o'ate meelʉ yʉmeʉmʉ; i'oc'o isi tposi to tposʉ no nsou to okomoatʉ'nʉ nate meelʉ yʉmeʉmʉ.