sitoo 20:32 - buacou seiso no faeva esvʉtʉ

³²

sitoo 20:32 ပူးပေါင်းရင်းမြစ်များ

maluko 10:17

moc'on'a aʉlʉ e'ohʉ 'o iesu, panto cihi ci cou mo smo'usnu, top'ungu to tuhcu to iesu, tuocosi:

yohane 15:3

'e os'o mi'usneni muu ho engha ci e'e. isicu poa cofkoya muu.

yohane 17:17

teko'so ieni no so'emio ho poa iachi cofkoya; 'e e'esu 'aeno so'emio.

sitoo 11:23

ne micu sʉc'ʉhʉ 'o panapa, aiti ho isi fii no ʉm'ʉmnʉ to hamo 'o yane'e, cu na'no kaebʉ; isi eucucufna, poa acʉhʉ conci 'tohʉngʉ ho tmanoe'ocʉ to nooe'oca.

sitoo 14:23

'omo yoso ihe p'eac'eni to coolo 'o makikiokai, ataveisi no 'inoli ho tanzi, ihecu toveineni to ihe tae'oci ci nooe'oca.

sitoo 14:26

i'mi ne'e ho smo'apangʉ ho yuovei ne 'antia. to ahoisi, 'amosoeno yontan'e ho yonto 'ayumona to mengumi to hamo ho noa tovei ta ihecu aepʉnga ci hioa maitan'e.

sitoo 14:3

mo aʉlʉ mipiyohi to ic'o 'omo yoso; e'ʉ'ʉteʉ ho engha 'o nooe'oca. isi fii to tonʉ no peispopo'e to nooe'oca, ieni tan'e ho soomei na mou'ʉmtʉsi ta ihe epeaska cimo yaa mengumi ci e'e.

sitoo 15:40

isi epeiyahe to poolo 'o siila, ihe toveineni to nooe'oca to sinto ho poa mʉʉt'ʉcneni no mengumisi, micu maezo mongoi.

sitoo 20:24

at'inghi, os'oeno nama ngohia 'e nsou'u, os'o anga 'ucia peihcʉ'hi 'e te'o hioa, aepʉnga 'e isi toveineni a'o to iesu ci hioa, 'aeno 'akasi 'o yaa mengumi ci fukuin to hamo.

sitoo 26:18

teko paavi 'o mcoohe, poa i'mi no voecʉvcʉ ho miezuhu no tiskova, momeesih'i no tonʉ to satan ho miezuhu to hamo, ko'ko meelʉ i'mi homo tmaa'uzo a'o ho noa peteongasa na kuisihe, a'vinano yaa ca'hʉa to 'ayumona to 'o'oko to hamo.>> >

sitoo 9:31

ne mio, 'o makikiokai ne yutaya, ngalilaya, samalia moso i'nanʉskʉ yaa hiesi no suseomʉ. 'o kiokai mo yono m'ohkuyu to nooe'oca, to'usni no seilei ho p'eʉlʉlʉa, huhucmasi apuhngu 'o hia botngonʉ to sinto.

looma 8:17

ho zoueno 'o'oko to hamo, tetocu tma'upu no ohsila ayocneni to 'o'oko to hamo ci ʉm'ʉmnʉ, maezo tma'upu no ohsi songacveni to kilisto; maica, hocito mako e'paevai no 'atutumzo to kilisto, tetocu maezo tma'upu no psoevohngʉsi.

kolinto 1 1:2

tmopsʉ ta tengami ho faeni tomo yonta hosa ta kolinto ci sinto to kiokai to hamo. na muu ho i'o mo nopeaski ho eyoho'ʉ to ongko to nooe'oca kilisto iesu ci cou, totiski mo yonto 'ayumona to kilisto iesu ho noa eyoho'a ci sinto ho ma'hi'usnu to hamo. zou nooe'ocahe 'o kilisto, ci 'aeno maezo nooe'ocamia.

kolinto 1 6:10

meo'eoi, ma'konvosʉ, momoyomo, eayaezoyʉ to cou, ho moezʉezʉhʉ to cou, acʉhʉ o'ate meelʉ tma'oko to hpʉhpʉngʉ to hamo.

kolinto 1 6:11

ta taicomu, piyo 'omosola maica ne auyusi. at'inghi. isicu tocofkoyai na muu, isicu poa cofkoya ho tma'usnu to hamo, isicu ieni to ongko to nooe'oca iesu kilisto ho ito piepiya to hamo ho meelʉcu yaa yupa toseolʉ ci natʉ'ca 'o hamo.

kolinto 1 6:9

o'aimueno cohivi ho o'ate meelʉ tma'oko to hpʉhpʉngʉ to hamo 'o mo kokuzo ci cou? teav'a peknui 'e iachi! i'ola afu'u smoc'ou, m'ohkuyu to uacoua, mseezo, noasisi, yu'tupeu ci haahocngʉ,

'epeso 1:14

'o seilei isi hosoo a'to te tmacngihi no ohsi teomneni to hamo, faeni tamo tma'usnu ci cou na a'sʉftonʉ ci ziu. teto tohmomoengʉ no psoevohngʉsi!

'epeso 1:18

la'u yaeza p'enzeni to hamo ho paavi na mcoo ta 'tohʉngʉmu, temu ko'ko cohivi: ho isi eyoho'a muu cuma na temu elʉa cite ta'usni; na isi teomneni ta 'o'okosi ci ezoyʉ mio mainenu na hia atngaso;

'epeso 4:12

na atuhcusi te ae'ayocʉ no yaahioa no lasi hioa to hamo 'e 'o'okosi, p'eyac'a 'e kiokai - 'ai'e eno feango to kilisto.

'epeso 4:16

te aucunu noe'ocʉ 'e feango, ieni tamo ma'vo'vokʉ maveoveocʉ ho yupa toseolʉ, yu'ti'ti'eopʉ. maicac'o, ho tac'u yutataso 'e maesoesou, 'e feango tec'u meelʉ yono himngonghi ho ausuhcu yusasmoyʉskʉ ho p'eac'a 'e iachi.

'epeso 5:5

o'ate ta'pepecvaza, i'ola smoc'ou, ca'i, ho i'ola ma'konvosʉ ci cou (ma'konvosʉ mo totiski no m'ohkuyu to uacoua) o'ate ahtu meelʉ tma'upu no 'o'oko to hpʉhpʉngʉ to hamo ho ito kilisto.

kolosai 1:12

'aveoveoyʉ to amopepe, maica ho isi poa yaa ongko no tma'upu no ohsila songacveni no sinto cimo ʉm'ʉmnʉ to 'ayumona to tiskova ci hpʉhpʉngʉ na muu.

kolosai 2:7

yonto 'ayumonasi ho biemisi, yusuhci. p'eyac'a na singkoo, 'amoeno maica na lamu tiova ci mo'ma'cohio; temu yaeza poa ngangcʉngcʉ na 'aveoveoyʉ ci 'tohʉngʉ.

kolosai 3:24

la cohivi na ohsi songacveni no iachisi 'o'oko to hamo ci hnoo. 'atasi ahtao'te faeni suu. na imu fifihi zou 'o nooe'oca kilisto.

hevulu 10:14

'o i'nʉskʉsi mcoi, 'omo cofkoya ho ma'hi'usnu to nooe'oca ci cou poa meelʉ 'auesiesi a'sʉftonʉ.

hevulu 13:9

teav'a poa e'ep'epveni tola mav'ov'o ci eʉsvʉsvʉtʉ. nte noe'ocʉ to mengumi to hamo, ho poa yutataso na 'tohʉngʉmu. 'ote noe'ocʉ to 'ofiha no 'oanʉ; i'ola noe'ocʉ tomo maica ci 'ofiha ma'imo elʉ no koa ʉmnʉ.

hevulu 2:11

isi toʉlʉi 'e kuisi ta cou; te toehungu 'o mohcu cofkoya ci cou ho tma'usnu tomo cihi ci amo. ko'koeno, o'aisi h'oinveni to iesu hoci ta'upa no conoemoo.

hevulu 9:15

ko'koeno, 'o kilisto micu bitaico ci cou ta faeva esvʉta, akoeva no poa tiou no ohsi teomneni ci 'auesiesi ʉm'ʉmnʉ 'o ohsi afu'a eyoho'a to hamo. ho isi aepʉnga na eni isi ieni to mcoi; 'e mcoi eni isi yungvo'a 'o ohela hioa ci kuisi to nia ahoi 'oesvʉtʉ.

yuta 1:1

zou soskuskunu to iesu kilisto a'o, ohaesa to yakovu ci yuta. te'o tmopsʉ ta tengami ho faeni to ohsila epeiya ho eoho'a to hamo, yunsou to 'ayumona to himngonghi to hamo, a'vinano noa noʉt'ʉci to iesu kilisto ci cou.

yuta 1:20

inacu muu, songohia ci maananghia, ntemu conino bimahtʉicʉ ta socofkoya ci singkoo, ieni to tonʉ to seilei ho 'inoli.